Njësia Administrative Dajt

30/07/2026

Zjarri në Malin e Dajtit vijon të jetë aktiv, ndërsa gjatë gjithë ditës së sotme është punuar intensivisht për izolimin e vatrave të zjarrit.

Në operacion janë angazhuar:

- 🚁 3 helikopterë, të cilët po hedhin ujë mbi vatrat e zjarrit.
- 👨‍🚒 150 forca në terren.
- 🪖 50 forca shtesë të ushtrisë, nga të cilat 30 nga Zall-Herri dhe 20 nga Elbasani.

Falënderojmë të gjithë punonjësit e agjencive, strukturat operacionale dhe drejtuesit e tyre, të cilët kanë qenë gjatë gjithë kohës në terren, për përkushtimin dhe punën e palodhur.

Sipas specialistëve, me punën e kryer sot dhe organizimin e planifikuar që në orët e para të mëngjesit të nesërm, pritet që zjarri të vihet nën kontroll.

Apelojmë për kujdes maksimal dhe bashkëpunim nga të gjithë qytetarët.

30/07/2026

📢 NJOFTIM

🏡 Të gjithë banorët e Njësisë Administrative Dajt që kanë objekte të ndërtuara para viteve '90, pa certifikatë pronësie, ftohen të paraqiten për të aplikuar për legalizimin e tyre, në përputhje me VKM Nr. 827, datë 30.09.2020, “Për përcaktimin e rregullave të hollësishme për miratimin e dokumentit të pronësisë të objekteve pa titull pronësie, trojeve të tyre funksionale dhe të oborreve në përdorim”.

💻 Aplikimi kryhet nëpërmjet portalit e-Albania.

📄 Pas përfundimit të aplikimit në portalin e-Albania, një kopje e aplikimit duhet të depozitohet pranë Njësisë Administrative Dajt, në mënyrë që të vijojë procedura sipas legjislacionit në fuqi.

ℹ️ Për çdo informacion shtesë ose sqarim, ju lutemi paraqituni pranë zyrave të Njësisë Administrative Dajt.

🤝 Ju mirëpresim dhe ju ftojmë të përfitoni nga kjo mundësi për rregullimin e dokumentacionit të pronës suaj.

12/07/2026

🚧 Përmirësimi i infrastrukturës në Njësinë Administrative Dajt

Ka përfunduar asfaltimi i rrugës që lidh rrugën e Dajtit me Rrugën Myslym Qefalia, një aks i rëndësishëm për banorët e fshatrave Linzë dhe Tufinë.

Ky investim përmirëson ndjeshëm aksesin, sigurinë dhe cilësinë e lëvizjes për banorët, duke lehtësuar qarkullimin e përditshëm dhe duke kontribuar në zhvillimin e mëtejshëm të zonës.

Bashkë me ndërhyrjet në infrastrukturën rrugore, vijojmë punën për përmirësimin e kushteve dhe shërbimeve për komunitetin e Njësisë Administrative Dajt.

09/06/2026

🌱🚜 THIRRJE PËR TË GJITHË FERMERËT E BASHKISË TIRANË! 🚜🌱

Nëse jeni fermer i vogël, i ri që ushtroni aktivitet bujqësor apo grua e angazhuar në sektorin e bujqësisë, kjo është një mundësi konkrete për të investuar në zhvillimin e fermës suaj.

✅ Mbështetje financiare për blerjen e makinerive dhe pajisjeve bujqësore
✅ Grant deri në 500,000 lekë
✅ Bashkëfinancim nga aplikuesi vetëm 15% e vlerës
✅ Aplikim i thjeshtë dhe online

📅 Afati i aplikimit: 4 Qershor – 3 Korrik

Mos e humbisni këtë mundësi për të rritur produktivitetin, për të modernizuar aktivitetin tuaj dhe për të investuar në të ardhmen e fermës suaj.

📍 Aplikoni në: fer-merr.tirana.al

28/05/2026

🏔️🌿 BASHKOHUNI ME NE NË DAJT – 31 MAJ! 🎉

Të dielën, me datë 31 Maj, nga ora 10:00 deri në 13:30, Parku i Madh i Dajtit do të jetë vendi ku komuniteti ynë bashkohet për një ditë të mbushur me natyrë, traditë dhe gëzim! 🌲✨

🛍️ Produkte lokale & bio – mjaltë, djathëra, reçelra, bimë medicinale dhe shumë më tepër!
🎨 Artizanë & punime arti – qeramikë, tekstil, bizhuteri dhe krijime unike
🥾 Guida në natyrë – eksploroni bukuritë e Dajtit me udhëzues profesionistë
🖌️ Workshope për fëmijë – pikturë, punime artizanale, lojëra edukative
🎤 Band muzikore live – muzikë gjatë gjithë aktivitetit!
🎧 DJ Set – atmosferë e gjallë dhe pozitive
🔥 Zgare tradicionale – mishra, sallata të freskëta, pije freskuese
🗣️ Panele bashkbisedimi – tema mjedisi, turizmi dhe zhvillimi lokal

📍 KU: Dajti – Parku i Madh
🕙 KUR: 10:00 – 13:30
🎟️ HYRJA: FALAS!

Ejani me familje, me miq dhe me fqinjë! Bashkë e bëjmë Dajtin edhe më të bukur! 💚

💡 Këshilla: Vishni këpucë të rehatshme, sillni ujë dhe kapele!

📲 Na ndiqni për më shumë informacion!

21/04/2026

Ju informojmë se kanë filluar aplikimet për përfitimin e kredive të buta nga Bashkia Tiranë.

Programi i subvencionimit të interesave të kredive do të targetojë familje/individë që nuk disponojnë banesë në pronësi. Përparësi në përzgjedhje do të kenë:

🔸️Familjet e reja në moshë jo më të madhe se 40 vjeç.
🔸️Gra kryefamiljare/gra të dhunuara
🔸️Familje njëprindërore që kanë në ngarkim një fëmijë.
🔸️Familjet me më shumë se katër fëmijë.
Përparësitë e përcaktuara më sipër nuk përjashtojnë individë apo familje që nuk bëjnë pjesë në këto grupe.

Për më shumë informacion mbi kriteret, dokumentacionin e nevojshëm dhe procedurat e aplikimit, ju lutemi drejtohuni pranë zyrave të Njësisë Administrative Dajt ose vizitoni faqen zyrtare të bashkisë.

15/04/2026

🏆 KAMPIONË! 🏆
Me shumë krenari dhe emocion, ekipi shpallet kampion për sezonin 2025/2026! ⚽🔥

Një sezon i jashtëzakonshëm, me sakrifica, përkushtim dhe shpirt gare deri në fund. Ky sukses është fryt i punës së çdo lojtari, stafit dhe mbështetjes së pakursyer nga tifozët tanë! 🙌
Ky është vetëm fillimi… 💪

14/04/2026