25/05/2026
ഭരണം ഇല്ലാതിരുന്ന 10 വർഷക്കാലങ്ങളിലും അയാൾ നിശബ്ദനായി സുരക്ഷിത പാളയത്തിലിരുന്നിട്ടില്ല .ഭരണകൂടത്തിൽ നിന്ന് കിട്ടിയേക്കാവുന്ന അംഗീകാരങ്ങളുടെയും,അവാർഡുകളുടെയും എണ്ണവും, കനവും അയാളെ ഒരിക്കലും പ്രലോഭിപ്പിച്ചുമില്ല.രോഗപീഡകൾക്കിടയിലും ശാരീരിക അവശതകൾക്കിടയിലും കോൺഗ്രസ് പ്രസ്ഥാനത്തിന്റെ മൂവർണ്ണക്കൊടി കയ്യിലെടുത്തു വാനിലുയർത്തുവാൻ കിട്ടിയ ഒരു അവസരം പോലും അയാൾ ഉപയോഗിക്കാതിരുന്നിട്ടില്ല.
മുൻ നിരയിൽ കസേര വലിച്ചിട്ടിരുന്നു ആവേശത്തോടെയും,പ്രത്യാശയോടെയും തെരഞ്ഞെടുപ്പ് പ്രചാരണത്തിൽ പങ്കെടുത്ത സലിം കുമാറിനെ ഇന്ന് സൂപ്പർ താരത്തിനൊപ്പം അതേ പ്രാധാന്യത്തോടെ സ്റ്റേജിൽ ഞങ്ങളുടെ പ്രസ്ഥാനം ഇരുത്തിയിട്ടുണ്ട്. താര രാജാക്കന്മാർ വേറെയുണ്ടാകാം, പക്ഷേ അടിയുറച്ച കോൺഗ്രസ് പ്രവർത്തകൻ എന്ന നിലയിൽ എത്രയോ മുന്നിലാണ് സലിംകുമാർ, പാർട്ടി അനുഭാവികളുടെയിടയിൽ എത്രയോ ഉയരത്തിലും.
