District Police Palakkad

04/09/2026

04/09/2026

47-ാമത് കേരള പോലീസ് കായിക, ഗെയിംസ് & അത്‌ലറ്റിക്സ് മീറ്റിൻെറ ഭാഗമായി "Yes To Sports, No To Drugs" എന്ന സന്ദേശം ഉയർത്തിപ്പിടിച്ചുകൊണ്ട് പാലക്കാട് ജില്ലയിൽ സെലിബ്രിറ്റി, വെറ്ററൻ, സ്കൂൾ അക്കാദമി ഫുട്ബോൾ ടൂർണമെന്റ് സംഘടിപ്പിച്ചു.
ടൂർണമെന്റിൻെറ ഔദ്യോഗിക ഉദ്ഘാടനം 04.09.2026 തീയ്യതി കള്ളിക്കാട്, തിരുനെല്ലായി (മെദാർ മൈതാനം ടർഫ് ഗ്രൗണ്ടിൽ) മുൻ ഇന്ത്യൻ ഫുട്ബോൾ താരവും സന്തോഷ് ട്രോഫി നേടിയ കേരള ടീമിൻെറ മുൻ ക്യാപ്റ്റനുമായ ശ്രീ. അബ്ദുൾ ഹക്കിം എം.എ. നിർവ്വഹിച്ചു. യുവാക്കൾക്കിടയിൽ ലഹരി ഉപയോഗം വർദ്ധിച്ചു വരുന്ന സാഹചര്യത്തിൽ കായികരംഗത്തിലൂടെ ആരോഗ്യകരമായ ഒരു സമൂഹത്തെ വളർത്തിയെടുക്കുക എന്ന ലക്ഷ്യത്തോടെയാണ് മത്സരം സംഘടിപ്പിച്ചത്.
ചടങ്ങിൽ പാലക്കാട് ജില്ലാ പോലീസ് മേധാവി ശ്രീ. എ. അബ്ദുൽ റഷി IPS, അഡീഷണൽ എസ്.പി. ശ്രീ. സന്തോഷ്കുമാർ, മറ്റു പോലീസ് ഉദ്യോഗസ്ഥർ, ജനപ്രതിനിധികൾ എന്നിവർ പങ്കെടുത്തു.

04/09/2026

47 - മത് സംസ്ഥാന പോലീസ് കായികമേളയോട് അനുബന്ധിച്ച് നടന്ന വെയ്റ്റ് ലിഫ്റ്റിംഗ് ആൻഡ് പവർ ലിഫ്റ്റിങ് ചാമ്പ്യൻഷിപ്പിൽ ഓവറോൾ കിരീടം നേടിയ പാലക്കാട് ജില്ലാ പോലീസ് ടീമിനെ പാലക്കാട് ജില്ലാ പോലീസ് മേധാവി ശ്രീ.അബ്ദുൽ റഷി IPS ആദരിച്ചു. ജില്ലാ പോലീസ് ആസ്ഥാനത്ത് സംഘടിപ്പിച്ച പ്രത്യേക ചടങ്ങിലാണ് വിജയികളായ കായികതാരങ്ങളെ ആദരിച്ചത്.
വിവിധ വിഭാഗങ്ങളിൽ മികച്ച പ്രകടനം പുറത്തെടുത്ത് ജില്ലയ്ക്കും പോലീസ് സേനയ്ക്കും അഭിമാനകരമായ നേട്ടം സമ്മാനിച്ച ടീമംഗങ്ങളെ ജില്ലാ പോലീസ് മേധാവി അഭിനന്ദിച്ചു. കഠിനമായ പരിശീലനവും കായികതാരങ്ങളുടെ കൂട്ടായ പ്രയത്നവുമാണ് ഈ ഉജ്ജ്വല വിജയത്തിന് വഴിയൊരുക്കിയതെന്ന് അദ്ദേഹം പറഞ്ഞു. വരും വർഷങ്ങളിലും ഇത്തരം മികച്ച പ്രകടനങ്ങൾ തുടരാൻ ടീമിന് കഴിയട്ടെ എന്ന് അദ്ദേഹം ആശംസിച്ചു.

01/09/2026

47-ാമത് സംസ്ഥാന പോലീസ് ഗെയിംസ് ആൻഡ് അത്‌ലറ്റിക് മീറ്റിൻെറ ഭാഗമായി സംഘടിപ്പിച്ച പാലക്കാട് ജില്ലാ അത്‌ലറ്റിക് മീറ്റും സെലക്ഷൻ ട്രയൽസും സമാപിച്ചു. 178 പോയിന്റുകൾ നേടി അഗളി സബ് ഡിവിഷൻ ഓവറോൾ കിരീടം സ്വന്തമാക്കിയപ്പോൾ 156 പോയിന്റുകളോടെ പാലക്കാട് സബ് ഡിവിഷൻ രണ്ടാം സ്ഥാനം നേടി.
സമാപന ചടങ്ങിൽ തൃശ്ശൂർ റേഞ്ച് ഡി.ഐ.ജി. ടി. നാരായണൻ IPS വിശിഷ്ടാതിഥിയായി പങ്കെടുത്ത് വിജയികൾക്ക് സമ്മാനങ്ങൾ വിതരണം ചെയ്തു. പാലക്കാട് ജില്ലാ പോലീസ് മേധാവി എ. അബ്ദുൽ റഷി IPS ചടങ്ങിൽ അധ്യക്ഷത വഹിച്ചു.
ജില്ലാ അഡിഷണൽ SP സന്തോഷ്‌കുമാർ, ജില്ലാ സ്‌പെഷ്യൽ ബ്രാഞ്ച് DYSP സന്തോഷ്‌കുമാർ എം., DYSP DCRB വിശ്വംഭരൻ, DYSP C Branch രാജ്‌മോഹൻ പി.കെ., DySPമാരായ അശോകൻ ആർ. (അഗളി), ബിജു കെ.എം. (പാലക്കാട്), ദിൻരാജ് (ആലത്തൂർ), ശശിധരൻ എം. (ചിറ്റൂർ), ചന്ദ്രമോഹൻ സി. (മണ്ണാർക്കാട്) എന്നിവരും മറ്റ് മുതിർന്ന പോലീസ് ഉദ്യോഗസ്ഥരും ചടങ്ങിൽ സംബന്ധിച്ചു.
പ്രധാന വിജയികൾ:
• വ്യക്തിഗത ചാമ്പ്യന്മാർ (പുരുഷ വിഭാഗം): സുധീഷ് സി., അജിത് ഒ.ജി., സുഭാഷ് എസ്. (എല്ലാവരും അഗളി സബ് ഡിവിഷൻ), നിജിത് പി.എം. (DHQ സബ് ഡിവിഷൻ).
• വ്യക്തിഗത ചാമ്പ്യന്മാർ (വനിതാ വിഭാഗം): സൗമ്യ എസ്. (DPO സബ് ഡിവിഷൻ), സുനിത എം. (പാലക്കാട് സബ് ഡിവിഷൻ).
• 50+ പുരുഷ വിഭാഗം ചാമ്പ്യൻ: മുഹമ്മദ് അലി, SI of Police (മണ്ണാർക്കാട് സബ് ഡിവിഷൻ).
• ട്രാക്ക് ഇനങ്ങൾ: 10 കി.മീ., 5 കി.മീ. ഓട്ടങ്ങളിൽ അജിത് ഒ.ജി. (അഗളി), 1500 മീറ്റർ ഓട്ടത്തിൽ സുധീഷ് സി. (അഗളി) എന്നിവർ ഒന്നാമതെത്തി.
• വടംവലി (പുരുഷ വിഭാഗം): DHQ സബ് ഡിവിഷൻ (ഒന്നാം സ്ഥാനം), DPO സബ് ഡിവിഷൻ (രണ്ടാം സ്ഥാനം).
• വടംവലി (വനിതാ വിഭാഗം): അഗളി സബ് ഡിവിഷൻ (ഒന്നാം സ്ഥാനം), പാലക്കാട് സബ് ഡിവിഷൻ (രണ്ടാം സ്ഥാനം).
• മാർച്ച് പാസ്റ്റ്: പാലക്കാട് സബ് ഡിവിഷൻ ചാമ്പ്യന്മാരായി.

31/08/2026

47-ാമത് സംസ്ഥാന പോലീസ് ഗെയിംസ് & അത്‌ലറ്റിക് മീറ്റിൻെറ ഭാഗമായി പാലക്കാട് ജില്ലാ അത്‌ലറ്റിക് മീറ്റ് & സെലക്ഷൻ ട്രയൽസിന് മാർച്ച് പാസ്റ്റോടെ തുടക്കം. മീറ്റിൻെറ ഓദ്യോഗിക ഉദ്ഘാടനം 31.08.2026 തിയതി കാലത്ത് 10.00 മണിക്ക് മെഡിക്കൽ കോളേജ് ഗ്രൗണ്ടിൽ ബഹു.പാലക്കാട് ജില്ലാ പോലീസ് മേധാവി ശ്രീ. എ .അബ്ദുൽ റഷി IPS അവർകൾ നിർവഹിച്ചു. ചടങ്ങിൽ പാലക്കാട് ജില്ലയിലെ പ്രമുഖ കായിക താരങ്ങളും പോലീസുദ്യോഗസ്ഥരും സന്നിഹിതരായിരുന്നു പുരുഷ വനിത വിഭാഗങ്ങളിലായി ജനറൽ വിഭാഗത്തിൽ 22 മത്സര ഇനങ്ങളിലും, veteran വിഭാഗത്തിൽ 4 ഇനങ്ങളിലും ആയി 350 ഓളം പുരുഷ വനിത കായിക താരങ്ങൾ മൽസരത്തിൻെറ ആദ്യ ദിനം 21 ഇനങ്ങളുടെ ഫൈനൽ നടന്നു . ആദ്യ ദിനം അവസാനിക്കുമ്പോൾ അഗളി സബ് ഡിവിഷൻ 102 പോയന്റമായി 1-ാം സ്ഥാനത്ത് നിൽക്കുന്നു പാലക്കാട് സബ് ഡിവിഷൻ 94 പോയിൻ്റമായി 2-ാം സ്ഥാനത്തും ആലത്തൂർ സബ് ഡിവിഷൻ 41 പോയിന്റ്മായി 3-ാം സ്ഥാനത്തും നിൽക്കുന്നു ജില്ല പോലീസ് മീറ്റ് വടംവലി മത്സരത്തോടെ 01.09.2026 തീയതി 5.00 മണിക്ക് അവസാനിക്കും. സമാപന ചടങ്ങിൽ ബഹുമാനപ്പെട്ട തൃശ്ശൂർ റേഞ്ച് ഡെപ്യൂട്ടി ഇൻസ്പെക്ടർ ജനറൽ ഓഫ് പോലീസ് ടി നാരായണൻ IPS അവർകൾ മുഖ്യാതിഥിയായി പങ്കെടുത്ത് വിജയികൾക്ക് സമ്മാനദാനം നിർവഹിക്കും. ഉദ്ഘാടന, സമാപന ചടങ്ങുകളിൽ ജില്ലയിലെ ഉന്നത പോലീസ് ഉദ്യോഗസ്ഥർ പ്രമുഖ കായികതാരങ്ങൾ പങ്കെടുക്കും.