14/07/2026
කොළඹ දිස්ත්රික් සම්බන්ධීකරණ කමිටු රැස්වීම - ජුලි මාසය.........................................................................................................
කොළඹ දිස්ත්රික් සම්බන්ධීකරණ කමිටු රැස්වීම, අග්රාමාත්ය ආචාර්ය හරිනි අමරසූරියගේ ප්රධානත්වයෙන් සහ පාර්ලිමේන්තු මන්ත්රී ලක්ෂ්මන් නිපුනආරච්චි මහතාගේ සභාපතිත්වයෙන් 2026.07.14 වන දින කොළඹ දිස්ත්රික් ලේකම් කාර්යාලයේ පළමු මහල ශ්රවනාගාරයේදී පැවැත්විණි.
මෙහිදී කොළඹ දිස්ත්රික් ලේකම් ගිනිගේ ප්රසන්න ජනක කුමාර මහතා විසින් පිළිගැනීම සහ අරමුණු පැහැදිලි කිරිමෙන් අනතුරුව 2026 සංවර්ධන වැඩසටහන්වල ප්රගතිය, බස්නාහිර පළාත් සංවර්ධන වැඩසටහන්වල ප්රගතිය, කොළඹ දිස්ත්රික්කය තුළ ඩෙංගු රෝගය, ප්රජා සෞඛ්ය තත්ත්වය පිළිබඳව සහ එක් එක් ආයතන මගින් නොවිසිදුනු ගැටළු සහ කමිටු අනුමැතියට ඉදිරිපත් කර ඇති ලිපි පිළිබඳව අවධානය යොමු විය.
මේ දිනවල සීග්රයෙන් ඉහළ යමින් තිබූ ඩෙංගු අධි වසංගත තත්ත්වය කොළඹ දිස්ත්රික්කයේ යම් අඩුවීමක් දක්නට ලැබෙන බව මෙහිදී සෞඛ්ය අංශ මගින් අනාවරණය කරන ලදී. අද (14)දිනය වනවිට දිවයිනේ සමස්ත ඩෙංගු රෝගින් සංඛ්යාව 68672ක් බවත් ඒ අතුරින් කොළඹ දිස්ත්රික්කය තුළ ඩෙංගු රෝගින් 13791ක් වාර්තා වන බවත් සෞඛ්ය අංශ විසින් සඳහන් කළ අතර එසේ නමුත් තවදුරටත් ඩෙංගු මර්දන වැඩසටහන් හදුනාගත් ප්රාදේශිය බල ප්රදේශ තුළ අඛණ්ඩවම සිදුකරගෙන යන බව වැඩිදුරටත් කමිටුවට දැනුම් දෙන ලදී. ඉදිරියේදී ඩෙංගු රෝග ව්යාප්තිය පාලනය වෙනුවෙන් දිස්ත්රික්කයේ සියළුම මාර්ග කානු පද්ධති සහ ඩෙංගු මදුරුවන් බෝවන ස්ථාන නිශ්චිතව හදුනාගෙන පිරිසිදු කිරිමේ වැඩසටනක් ක්රියාත්මක කිරිටත් මෙහිදී අවධානය යොමු විය.මට්ටක්කුලිය, බොරැල්ල, දෙමටගොඩ,ග්රෑන්ඩ්පාස්, නාරාහේන්පිට, තිඹිරිගස්යාය, බම්බලපිටිය, වැල්ලවත්වත්ත, කුරුදුවත්ත යන ප්රදේශ සහ එගොඋයන, ගොතටුව, පිළියන්දල, කඩුවෙල,කැස්බෑව, හංවැල්ල, රත්මලාන, මොරටුව, කොලොන්නාව,හෝමාගම, බත්තරමුල්ල, මහරගම, දෙහිවල, කැස්බෑව, බොරලැස්ගමුව යන ප්රදේශ ඩෙංගු අධි අවධානම් වසම් ලෙස හදුනාගෙන තිබෙන බවත් එම වසම් තුළ ඩෙංගු මර්දන වැඩසටහන් තවදුරටත් ක්රියාත්මක කරන බවත් බව වැඩිදුරටත් අවධාරණය කරන ලදී.
දිස්ත්රික්කය තුළ විමධ්යගත අයවැය වැඩසටහන යටතේ ඉදිරිපත් කළ ව්යාපෘති යෝජනා අකුරින් ව්යාපෘති යෝජනා 273ක් සඳහා රුපියල් මිලියන 209.01ක් මුදලක් වෙන් කර තිබෙන අතර එම ව්යෘපෘති අතුරින් මේ වනවිට ව්යාපෘති 06ක වැඩ අවසන් කර ඇත. තවත් ව්යාපෘති 22ක වැඩ ආරම්භ කර ඇත. ග්රාමීය මාර්ග වැඩසටහන යටතේ ක්රියාත්මක ව්යාපෘති 60න් මේවනවිට ව්යෘපෘති 04ක වැඩ සම්පූර්ණයෙන්ම අවසන් කර ඇත. දේශගුණික අවබලපෑම් අවම කිරීමේ බහු අදියර වැඩසටහන් ප්රවේශය- 2026 යෝජනා ඉදිරිපත් කිරිම, ආපදා අවම කිරීමේ ව්යාපෘති ක්රියාත්මක කිරීම, ක්රීඩා අමාත්යාංශය යටතේ ක්රියාත්මක ව්යාපෘති,ප්රජා ශක්ති වැඩසටහන සහ රේඛීය අමාත්යාංශ යටතේ ක්රියාත්මක කරන වැඩසටහන් වල ප්රගතිය ද මෙහිදී ඉදිරිපත් කරන ලදී.
බස්නාහිර පළාත් සංවර්ධන සැලැස්ම යටතේ ක්රියාත්මක කරන කොළඹ දිස්ත්රික්කය සඳහා මුදල් කොමිෂන් සභාව /පළාත් සභා ප්රතිපාදන මත ක්රියාත්මක වන ව්යාපෘති සහ දිස්ත්රික් සංවර්ධන වැඩසටහන යන වැඩසටහන්හි ප්රගතිය සහ බස්නාහිර පළාත තුළ ස්ථාපිත ක්ෂුද්ර හා කුඩා පරිමාණ ව්යවසායකයන් පුළුල් කිරිම යටතේ ක්රියාත්මක සහන ණය යෝජනා ක්රමයේ පසුගිය වසරේ දිස්ත්රික් ප්රගතිය සහ 2026 වසර සඳහා නව අයදුම්පත් කැදවීම පිළිබඳව ද දැනුවත් කරන ලදී.
මීට අමතරව දිස්ත්රික්කයේ මත්ද්රව්ය නිවාරණ වැඩසටහන්හි ප්රගතිය සහ සංචාරක කර්මාන්තයේ නව ප්රවේශයක් වශයෙන් කොළඹ වරාය නගරය ආශ්රිතව පැවැත්වීමට නියමිත රාත්රී සංගීත සංදර්ශන සඳහා අවසර ලබාදීමේදී අවධානය යොමු කළයුතු නිර්ණායක සහ ක්රියාමාර්ග, වෘක්ක වේද කාන්දුපෙරීම හා වකුගඩු බද්ද කිරීමේ ජාතික මධ්යස්ථානය අසලින් ගලායන ඇළ මාර්ගය අවහිර වීම පිළිසකර කර ගැනීම, කැළණි ගං ඉවුර ඛාදනය වීම වැළැක්වීමට 2026 ව්යාපෘති යෝජනා යටතේ වාරිමාර්ග දෙපාර්තමේන්තුව ගෙන ඇති ක්රියාමාර්ග, කොළඹ මහා නගර සභාවට අයත් වීදි ලාම්පු වලට අදාලව හිඟ මුදල් අයකර ගන්නා තෙක් නව වීදි ලාම්පු සම්බන්ධතා ලබා දීම ඇතුළු කමිටුවට ඉදිරිපත් කරන ලද ලිපි පිළිබඳව අවධානය යොමු කෙරිණ.
මෙම අවස්ථාවට බස්නාහිර පළාත් ආණ්ඩුකාර හනිෆ් යුසුෆ් මහතා, ආරක්ෂක නියෝජ්ය ඇමති මේජර් ජනරාල් අරුණ ජයසේකර මහතා, මහජන ආරක්ෂක ඇමති සුනිල් වටගල මහතා, ව්යවසාය සංවර්ධන නියෝජ්ය ඇමති චතුරංග අබේසිංහ මහතා, ජනමාධ්ය නියෝජ්ය අමාත්ය ආචාර්ය කෞෂල්යා ආරියරත්න මහත්මිය , කොළඹ දිස්ත්රික් සම්බන්ධීකරණ කමිටු සභාපති පාර්ලිමේන්තු මන්ත්රී ලක්ෂ්මන් නිපුණආරච්චි මහතා, කොළඹ දිස්ත්රික් පාර්ලිමේන්තු මන්ත්රීවරුන් වන, අරුණ පනාගොඩ මහතා, චන්දන සූරියආච්චි මහතා, අසිත නිරෝෂණ මහතා, දේවානන්ද සුරවීර මහතා, සමන්මලී ගුණසිංහ මහත්මිය සහ බස්නාහිර පළාත් නියෝජ්ය පොලිස්පති සංජීව මැදවත්ත මහතා, බස්නාහිර පළාත් ප්රධාන ලේකම් ප්රදීප් පුෂ්පකුමාර මහතා, කොළඹ දිස්ත්රික් ලේකම් ගිනිගේ ප්රසන්න ජනක කුමාර මහතා, බස්නාහිර පළාත් නියෝජ්ය ප්රධාන ලේකම් (ක්රමසම්පාදන), දිස්ත්රික් ලේකම් කාර්යාලයේ ක්රමසම්පාදන අධ්යක්ෂ සුජිත් බණ්ඩාර මහතා, නියෝජ්ය අධ්යක්ෂ නාලනි සුබසිංහ මහත්මිය ඇතුළු කොළඹ දිස්ත්රික් ලේකම් කාර්යාලයේ මාණ්ඩලික නිලධාරින්, ප්රාදේශීය ලේකම්වරුන් සහ දිස්ත්රික්කයේ සියළුම පළාත් පාලන රාජ්ය ආයතන ප්රධානින් මෙන්ම දිස්ත්රික් සංවර්ධන කමිටු කමිටුව නියෝජනය කරන ආයතන ප්රධානින් සහභාගි විය.
දිස්ත්රික් මාධ්ය ඒකකය
කොළඹ
