What are the opening hours?

Monday 07:30 - 18:00 Tuesday 07:30 - 18:00 Wednesday 07:30 - 18:00 Thursday 07:30 - 18:00 Friday 07:30 - 18:00

Minisiteran’ny Fanajariana ny Tany sy ny Raharahan-tany, Rue Ranaivo Jules Anosy, Antananarivo (2026)

21/08/2026

MATSF-ANTSIRANANA

Hamafisina ny fiarovana ny zon'ny Malagasy amin'ny taniny.

Nandritra ny fandalovany tao an-tampontanan'Antsiranana dia nanamafy ny Minisitry ny MATSF fa hampitombo ny Titra hozaraina ho an'ny vahoaka Malagasy, ary hanamafy n'y fiarovana n'y tany manoloana ny asa ratsin'ireo mpangalatra tany.

" Ho an'izay tsy manana tany dia omena ary ho an'ireo izay manana kosa dia harovana izany" hoy ny Minisitra.

20/08/2026

ANTSIRANANA

FITOKANANA NY TSENAN’I BAZARIKELY, FANOLORANA TITRA 200 ARY FANOMBOHANA OFISIALY NY PADEVE

Hetsika lehibe maro izay eo ambany fiahian’ny Minisiteran’ny Fanajariana ny Tany sy Raharahan-tany (MATSF) no tanteraka androany, 20 Aogositra 2026, tao Antsiranana.
Anisan’ny voalohany amin’izany ny fitokanan’ny Minisitry ny Fanajariana ny tany, Lylyson René de Rolland ny Tsenan’i Bazarikely, izay tetikasa tanterahina ao anatin’ny Fandaharanasa PADEVE (Programme d’Appui et de Développement des Villes d’Équilibre). Izany dia vokatry ny fiaraha-miasan’ny Governemanta Malagasy sy ny Governemanta Frantsay, amin’ny alalan’ny Agence Française de Développement (AFD). Nohavaozina tanteraka ny tsena ka mpivarotra manodidina ny 2 107 no hisitraka izany.

Manarak’izany, dia nisy ihany koa ny Fizarana Titra hoan'ny mponin'Antsiranana. Hoy indrindra ny Minisitra tamin’ny fandraisam-pitenenany : « manana lanja lehibe ny andro androany satria dia nisy ihany koa ny fanolorana Titra ho an’ny mponina Antsiranana, ka miisa 200 ireo nisitraka izany. Ho an’ny mpisitraka mantsy dia tsy taratasy fotsiny ny fahazoana titra, fa indrindra miantoka ny fiarovana ny fiainan’izy ireo ». Nanantena ny tompon’andraikitry ny Kaominina, ny mpivarotra ary ny mpampiasa ny toerana ihany koa izy ny mba hanajan’izy ireo ny fotodrafitrasa ho amin’ny faharetany.

Etsy ankilany nomarihina androany, tamin’ny fomba ofisialy ihany koa ny firosoana amin’ny dingana vaovao PAVEVE 2. Ity dingana vaovao amin’ity fandaharanasa ity dia miompana amin’ny fanohizana ny ezaka ho an’ny fampandrosoana an-tanàn-dehibe eto Madagasikara. Nampahafantarina nandritra ny fotoana androany ho an’ireo tompon’andraikitra ao an-tanàna ny Drafi-panajariana ny Tanàn-dehibe (PUDI) ho an’Antsiranana.

Nofaranana tamin’ny fanaovan-tsonia ny “Fifanarahana Fandaharanasa” teo amin’ny Minisiteran’ny Fanajariana ny Tany sy ny Raharahan-tany (MATSF) sy ny Kaominina Ambonivohitr’Antsiranana ny fotoana. Ity fifanarahana ity dia mametraka amin’ny fomba ofisialy ny fiaraha-miasa sy ny fanoloran-tenan’ny roa tonta amin’ny fanatanterahana ireo tetikasa fampandrosoana laharam-pahamehana ho an’ny tanànan’Antsiranana.

Nanatrika ny fotoana ny Minisitry ny Asa Vaventy, Rafefimanana Sambilason Richard ; ny Filoha Lefitry ny Antenimierampirenena, Ibrahim Issa Charles ny Lehiben’ny Faritra DIANA, Louis Francio Marovavy ; ny Prefen’i Antsiranana, Huberto Dellaris ; ny Mpanolotsaina Voalohany ao amin’ny Masoivohon’i Frantsa eto Madagasikara, Julien Buissart ; ny Ben’ny Tanànan’ny Kaominina Ambonivohitr’Antsiranana, Jean Luc Désiré Djavojozara, ny Talen’ny Agence Française de Développement (AFD) eto Madagasikara, Nicolas Le Guen ary ireo delegasiaonina avy amin’ny Minisitera.

-----------------------------------------

ANTSIRANANA

INAUGURATION DU MARCHÉ DE BAZARIKELY, REMISE DE 200 TITRES FONCIERS ET LANCEMENT OFFICIEL DU PADEVE

Plusieurs événements majeurs relevant du Ministère de l’Aménagement du Territoire et des Affaires foncières (MATSF) ont eu lieu aujourd’hui, 20 août 2026, à Antsiranana.
Parmi les principaux événements figure l’inauguration par le Ministre de l’Aménagement du Territoire et des Services Foncier, Lylyson René de Rolland, du marché de Bazarikely, un projet réalisé dans le cadre du PADEVE (Programme d’Appui et de Développement des Villes d’Équilibre).
Ce projet résulte de la coopération entre le Gouvernement malgache et le Gouvernement français, à travers l’Agence Française de Développement (AFD). Le marché a été entièrement réhabilité et permettra à environ 2 107 commerçants d’en bénéficier.

Par ailleurs, une cérémonie de remise de titres fonciers aux habitants d’Antsiranana a également eu lieu. Dans son discours, le Ministre a notamment déclaré : « La journée d’aujourd’hui revêt d' une grande importance, puisqu’elle a également été marquée par la remise de titres fonciers aux habitants d’Antsiranana, dont 200 bénéficiaires. Pour les bénéficiaires, l’obtention d’un titre foncier ne constitue pas seulement un simple document administratif, mais représente surtout une garantie pour la sécurité de leur vie et de leurs biens. »
Le Ministre a également appelé les responsables de la Commune, les commerçants ainsi que les utilisateurs des lieux à prendre soin des infrastructures afin d’en assurer la pérennité.

D’autre part, le passage à la nouvelle phase du PADEVE 2 a également été officiellement marqué aujourd’hui. Cette nouvelle phase du programme vise à poursuivre les efforts en faveur du développement urbain à Madagascar. À cette occasion, le Plan d’Urbanisme Directeur (PUDI) d’Antsiranana a été présenté aux responsables de la ville.
La cérémonie s’est achevée par la signature d’une «Contrat-Programme» entre le Ministère de l’Aménagement du Territoire et des Affaires foncières (MATSF) et la Commune Urbaine d’Antsiranana. Cette convention officialise la coopération ainsi que les engagements des deux parties dans la mise en œuvre des projets de développement prioritaires pour la ville d’Antsiranana.

Ont notamment assisté à la cérémonie : le Ministre des Travaux Publics, Rafefimanana Sambilason Richard ; le Vice-Président de l’Assemblée nationale, Ibrahim Issa Charles ; le Chef de la Région DIANA, Louis Francio Marovavy ; le Préfet d’Antsiranana, Huberto Dellaris ; le Premier Conseiller de l’Ambassade de France à Madagascar, Julien Buissart ; le Maire de la Commune Urbaine d’Antsiranana, Jean Luc Désiré Djavojozara ; le Directeur de l’Agence Française de Développement (AFD) à Madagascar, Nicolas Le Guen ; ainsi que les différentes délégations du Ministère.

20/08/2026

https://www.facebook.com/share/p/18iK6TCZPN/

18/08/2026

𝐓𝐎𝐑𝐎𝐋𝐀𝐋𝐀𝐍𝐀 𝐌𝐎𝐌𝐁𝐀 𝐍𝐘
𝐅𝐀𝐍𝐎𝐕𝐀𝐍𝐀 𝐍𝐘 𝐊𝐀𝐑𝐀𝐓𝐀𝐍𝐘 (𝐂𝐞𝐫𝐭𝐢𝐟𝐢𝐜𝐚𝐭 𝐟𝐨𝐧𝐜𝐢𝐞𝐫)
𝐇𝐎 𝐋𝐀𝐒𝐀 𝐓𝐈𝐓𝐑𝐀 (𝐓𝐢𝐭𝐫𝐞 𝐟𝐨𝐧𝐜𝐢𝐞𝐫))

👉🏻 Ity torolalana ity dia natao mba hanazavana amin'ny fomba mazava sy tsotra ny dingana arahina rehefa te-hanova ny Karatany ho lasa Titra ny tompon'ny tany, mifanaraka amin'ny « Torolalana momba ny fomba fanovana ny Karatany ho lasa Titra» navoakan'ny Ministeran'ny Fanajariana ny Tany sy ny Fananan-tany.

𝗜. 𝗟𝗔𝗟𝗔𝗡𝗔 𝗩𝗢𝗔𝗞𝗔𝗦𝗜𝗞𝗔

📝 Lalàna laharana 2005-019 tamin'ny 17 Oktobra 2005, mamaritra ireo fitsipika mifehy ny satan'ny tany;

📝 Lalàna laharana 2021-004 tamin'ny 14 Jona 2021, mifehy ny Holafitra ny Mpandrefy Tany Mpahay Raha eto Madagasikara (Ordre des Géomètres Experts);

📝 Lalàna laharana 2022-013 tamin'ny 1 Aogositra 2022, manavao ireo fitsipika mamaritra ny fitondrana araka ny lalàna ny fitompoana ny tanin’olontsotra tsy vita titra araka ny Andininy faha 31 sy 32;

📝 Didim-panjakana laharana 2022-1250 tamin'ny 31 Aogositra 2022, mamaritra ny fomba fampiharana ny Lalàna laharana 2022-013 Andininy faha 78 ka hatramin’ny Andininy faha 82;

📝 Fitsipika ara-teknika momba ny Sampan-draharaha Fandrefesan-tany (Règlement technique des services topographiques).

𝗜𝗜. 𝗡𝗬 𝗧𝗦𝗔𝗥𝗔 𝗛𝗢 𝗙𝗔𝗧𝗔𝗧𝗥𝗔

𝐀. 𝐍𝐲 𝐯𝐨𝐭𝐨𝐚𝐭𝐢𝐧'𝐧𝐲 𝐟𝐚𝐧𝐨𝐯𝐚𝐧𝐚

👉🏻 Ny fanovana ny Karatany ho lasa Titra dia tsy an-tery: miankina tanteraka amin'ny fahavononan'ny tompon'ny an-tany izany, ka izy ihany no manapa-kevitra raha hanao ny fangatahana fanovana ny Karatany ho lasa Titra na tsia.

👉🏻 Ny dingana arahina amin'ny fanovana dia tsy maintsy « contradictoire », izany hoe manaraka fampahafantarana ampahibemaso (publicité) araka izay voalazan'ny lalàna, mba hahafahan'ny olona rehetra manana zo mahakasika ny tany maneho izany sy miaro izany. Ary atao ny fampahafantarana ampahibemaso nanomboka amin'ny fandraisana ny fangatahana, ka hatramin'ny 15 andro aorian'ny fametrahana ampahibemaso ny filazana fahavitana tsatobato.

👉🏻 Maimaim-poana ny fametrahana fanoherana tsy azo takiana sarany na mikasika: ny fifanoherana momba ny sisin-tany (contestation sur les limites) izany na momba ny zo fananan’ilay olona manao fanoherana ilay tany.

👉🏻 Anjara andraikitry ny Sampandraharaha ny Fananantany sy ny Fandrefesantany amin’ny fanovana ny Karatany ho lasa Titra : Tsy andraikiny ny fanamarinana ny paikady teo aloha momba ny fomba nahazoana ny Karatany na ny zavatra misy eo amin’ilay tany vita Karatany ka hampiato ilay paikady, satria andraikitry ny Ben'ny Tanàna sy ny mpiasan'ny Birao Ifotony ny Fananan-tany .Manomboka amin’ny dingana fanovana Karatany ho lasa Titra ihany no andraisan’izy ireo anjara andraikitra.

👉🏻 Raha hitan'ny Mpandrefy Tany Mpahay Raha fa misy fifanitsahana tanteraka amin'ny tanin'ny satatany hafa toy ny misoratra amin’ny fanjakana, na amin'ny tany manana Titra, Kadasitra, na Karatany hafa, dia négatif ilay asa fanaovana tsatobato ka soratana eo amin’ny fitanana an-tsoratra izany.

👉🏻 Raha misy fanovana ny satan’ny tany iray dia tokony hanao fampanarahanan’andro ny PLOF ny eny amin'ny Birao Ifotony ny Fananan-tany sy ny Sampandraharaha ny Fandrefesan-tany.

𝗜𝗜𝗜. 𝗔𝗡𝗧𝗢𝗡𝗧𝗔𝗡-𝗧𝗔𝗥𝗔𝗧𝗔𝗦𝗬 𝗜𝗟𝗔𝗜𝗡𝗔

1️⃣ Taratasy fangatahana fanovana ny Karatany ho lasa Titra, vita sonian'ny tompon'ny Karatany. Tsy maintsy voatononina ao anatin'izany ny anarana tiana homena ilay tany rehefa hahazo Titra. Atao dika mitovy roa (2) izany.
2️⃣ Ny Karatany
3️⃣Dika mitovy voamarina ny karapanondrom-pirenena.
4️⃣ Taratasy fanamarinana hafa mety ilaina.
5️⃣Mandoa ny sarany mifanaraka amin’izany
6️⃣ Dika mitovy voamarina (copies certifiées conformes) ny Karatany, miisa roa (2).
7️⃣Taratasy manamarina ny nanaovana ny fampahafantarana ampahibemaso sy ny nisian'ny na tsy nisian'ny fanoherana, atao amin'ny dika roa (2).
8️⃣ Taratasy fanamarinana fananana karatany (attestation de propriété certifiée) latsaky ny 3 volana ny fahavitany.
9️⃣Ampahana sarintany (Extrait du PLOF), izay efa misy ny maridrefy « coordonnées Laborde » an'ilay tany, miisa roa (2).
🔟Sari-tany manokana avy amin'ny bornage (Plan individuel de bornage).
1️⃣1️⃣Taratasy fanamarinana tsy nisy fanoherana, na alohan'ny na aorian'ny bornage (certificats d'affichage / certificats de non opposition).

𝗜𝗩. 𝗗𝗜𝗡𝗚𝗔𝗡𝗔 𝗔𝗥𝗔𝗛𝗜𝗡𝗔

𝑫𝒊𝒏𝒈𝒂𝒏𝒂 1 – 𝑭𝒂𝒎𝒆𝒕𝒓𝒂𝒉𝒂𝒏𝒂 𝒏𝒚 𝒇𝒂𝒏𝒈𝒂𝒕𝒂𝒉𝒂𝒏𝒂

✍🏻 Ny tompon'ny Karatany (na olona mahafeno fepetra hanao ny fangatahana) no mikarakara ny fametrahana ny antotan-taratasy voalaza etsy ambony, eny amin'ny Birao Ifotony ny Fananan-tany misy ny tany voakasika.
✍🏻Ny sarany rehetra dia zakain'ny mpangataka.

𝑫𝒊𝒏𝒈𝒂𝒏𝒂 2 – 𝑭𝒂𝒎𝒑𝒂𝒉𝒂𝒇𝒂𝒏𝒕𝒂𝒓𝒂𝒏𝒂 𝒔𝒚 𝒇𝒂𝒏𝒅𝒓𝒂𝒊𝒔𝒂𝒏𝒂 𝒇𝒂𝒏𝒐𝒉𝒆𝒓𝒂𝒏𝒂 𝒂𝒍𝒐𝒉𝒂𝒏'𝒏𝒚 𝒕𝒔𝒂𝒕𝒐𝒃𝒂𝒕𝒐

✍🏻 Ny ao amin'ny Birao Ifotony ny Fananantany no miandraikitra ny fametrahana ny fampahafantarana ampahibemaso amin’ny alalan’ny petadrindrina (placards) ao amin'ny Kominina sy Birao Ifotony ny Fananan-tany, mandritra ny 15 andro farafahakeliny.
✍🏻 Ny fampahafantarana diamirakitra ny mombamomba ny tany hanaovana fanovana : misy ny laharan'ny Karatany, , ny anaran'ny mpangataka, ny laharan'ny Karatany na Titra mifanolo-bodirindrina raha misy, ary ny fahafahan'ny olon-drehetra manao fanoherana mandritra ny 15 andro.
✍🏻 Ny fanoherana dia azo atao an-tsoratra na am-bava (ho an'izay tsy mahay mamaky teny sy manoratra), maimaim-poana, eny amin'ny Birao Ifotony ny Fananantany.
✍🏻 Rehefa tapitra ny 15 andro dia manome taratasy fanamarinana ny fahavitan'ny fampahafantarana (certificat d'affichage) ny Ben’ny Tanàna sy ny Filohan'ny Fokontany, milaza raha nisy na tsy nisy fanoherana.

𝑫𝒊𝒏𝒈𝒂𝒏𝒂 3 – 𝑭𝒂𝒎𝒆𝒕𝒓𝒂𝒉𝒂𝒏𝒂 𝒏𝒚 𝒂𝒏𝒕𝒐𝒏𝒕𝒂𝒏-𝒕𝒂𝒓𝒂𝒕𝒂𝒔𝒚 𝒓𝒆𝒉𝒆𝒕𝒓𝒂 𝒆𝒏𝒚 𝒂𝒎𝒊𝒏'𝒏𝒚 𝑺𝒂𝒎𝒑𝒂𝒏𝒅𝒓𝒂𝒉𝒂𝒓𝒂𝒉𝒂 𝑭𝒂𝒏𝒅𝒓𝒆𝒇𝒆𝒔𝒂𝒏-𝒕𝒂𝒏𝒚 (𝑪𝑰𝑹𝑻𝑶𝑷𝑶)

✍🏻 Rehefa lany ny fe-potoana 15 andro ka tsy nisy fanoherana, dia alefan'ny Birao Ifotony ny Fananan-tany any amin'ny amin'ny Sampandraharaha Fandrefesan-tany (CIRTOPO) miaraka amin’ny lisitry ireo ny antotan-taratasy (bordereau d'envoi) voasonia sy voamarina.
✍🏻 Atao ny fitsirihana (repérage ) ilay Karatany
✍🏻 Aloa ny sarany mifanaraka amin’izany
✍🏻 Mahazo laharana RTx ilay fangatahana manomboka eo
✍🏻 Misafidy Mpandrefy Tany Mpahay Raha hanao ny Tsatobato

𝑫𝒊𝒏𝒈𝒂𝒏𝒂 4 – 𝑵𝒚 𝒕𝒔𝒂𝒕𝒐𝒃𝒂𝒕𝒐

✍🏻 Rehefa voarain'ny Mpandrefy Tany Mpahay Raha ny antotan-taratasy dia atao ny fifanarahana amin’ny tompon’ny tany ny famerana ny daty hanaovana ny bornage.
✍🏻 Alefa ny nyfampiantsoana (convocation) ireo voakasika , 48 ora mialoha ny idinanana eny ifotony.
✍🏻 Atao ny tsatobato.

𝑫𝒊𝒏𝒈𝒂𝒏𝒂 5 – 𝑭𝒂𝒎𝒑𝒂𝒉𝒂𝒇𝒂𝒏𝒕𝒂𝒓𝒂𝒏𝒂 𝒇𝒂𝒉𝒂𝒓𝒐𝒂 𝒂𝒐𝒓𝒊𝒂𝒏'𝒏𝒚
𝒕𝒔𝒂𝒕𝒐𝒃𝒂𝒕𝒐

✍🏻 Rehefa vita ny tsatobato, ny Birao Ifotony ny Fananantany indray manao ny fampahafantarana (affichage) fahavitana tsatobato mandritra ny 15 andro farafahakeliny, eo amin'ny takelaka ao amin'ny Kominina ary ny Fokontany.
✍🏻 Misy taratasy fanamarinana fahavitan'ny fampahafantarana sy ny fisian'ny na tsy fisian'ny fanoherana soniavin’ny Ben’ny Tanàna sy ny Filohan'ny Fokontany.

𝑫𝒊𝒏𝒈𝒂𝒏𝒂 6 – 𝑭𝒊𝒌𝒂𝒓𝒂𝒌𝒂𝒓𝒂𝒏𝒂 𝒔𝒚 𝒇𝒂𝒏𝒂𝒎𝒂𝒓𝒊𝒏𝒂𝒏𝒂 𝒂𝒓𝒚 𝑭𝒂𝒎𝒊𝒏𝒅𝒓𝒂𝒏𝒂 𝒂𝒐 𝒂𝒎𝒊𝒏’𝒏𝒚 𝑺𝒂𝒎𝒑𝒂𝒏𝒅𝒓𝒂𝒉𝒂𝒓𝒂𝒉𝒂 𝑭𝒂𝒏𝒅𝒓𝒆𝒇𝒆𝒔𝒂𝒏𝒕𝒂𝒏𝒚 𝒔𝒚 𝑭𝒂𝒏𝒂𝒏𝒂𝒏𝒕𝒂𝒏𝒚

✍🏻 Fanamarinana arateknika mahakasika sary tany mifanraka amin’ny Fitsipika ara-teknika momba ny Sampandraharaha Fandrefesantany .
✍🏻 Fanaovana ny Titra vaovao.
✍🏻 Fanaovana fampanarahan’andro amin’ny alalan’ny Télégramme Lettre Officiel (TLO) any amin'ny Fandrefesan-tany, mba hanoratana ny laharan'ny Titra na ny anaran'ny tany eo amin'ny sari-tany, ho «famaritana farany» (repérage définitif), ary hanavaozana ny sari-tany sy ny PLOF any amin’ny Sampandraharaha Fandrefesantany, toy izany ko ny any amin’ny Birao Ifotony ny Fananantany .
✍🏻 Ny CIRDOMA ihany koa dia mampahafantatra ny Birao Ifotony ny Fananantany amin'ny alalan'ny TLO nohon'ny fahavitan'ny fanovana, miantso ny Birao Ifotony ny Fananantany mba hanafoanana ny Karatany taloha sy hanavaozana ny rejisitra ary ny PLOF eo aminy.

🫴🏻 Famoahana ny boky tany

18/08/2026

𝐁𝐎𝐊𝐘 𝐑𝐎𝐕𝐈𝐓𝐑𝐀

𝐌𝐈𝐍𝐈𝐒𝐈𝐓𝐄𝐑𝐀 𝐓𝐄𝐋𝐎 𝐍𝐎 𝐍𝐈𝐅𝐀𝐑𝐈𝐌𝐁𝐎𝐍𝐀.

▶️ Nifampidinika ireo ny solontenan’ny Minisiteran’ny Fanajariana ny Tany sy ny Raharahan-tany, niaraka tamin’ny Minisiteran’ny Fitsarana sy ny Toekarena sy ny Fitantanambola omaly 17 aogositra 2026. Nifantoka tamin’ ny fanatanterahana ny Didim-panjakana laharana 2021-018 tamin’ny 17 Jolay 2021 ny fihaonana. Didim-panjakana momba ny fanadiovana, ny fampanarahan-dalàna ary ny fitantanana ny fizakan-tany amin'ny alalan'ny hetsika boky rovitra.

▶️ Marihina fa miezaka hatrany ny Minisitera mitady vahaolana mahakasika ny Boky rovitra. Anisany nodinihina ny momba ny saran’ny fidinana ifotony (frais de descente) izay ilain’ireo Kaomisionina ao anatin’izany ireo solontena avy ao amin’ny Minisiteran’ny Fitsarana, rehefa manao izany izy ireo. Izay indrindra no ilaina ny fiaraha-miasa amin’ny Minisiteran’ny Toekarena sy ny Fitantanambola.

▶️ Etsy ankilany tsy tokony ho vesatra ho an’ny ny mpila raharaha ny fanarenana ny Boky Rovitra satria andraikitry ny Fitantanan-draharaham-panjakana (Administration) izany. Mitohy arak’izany ny fiaraha-miasan’ireo Ministera telo tonta, mba hahitana vahaolana mahomby sy hanatsarana ny fikarakarana ireo raharaha mahakasika ny Boky Rovitra.

▶️ Noho izany indrindra dia nitohy tamin’ny alalan’ny fiaraha-midinika teo amin’ireo tompon’andraikitra ara-teknika eto anivon’ny Fitaleavana Ankapobeny misahana ny Raharahan-tany ny fihaonana. Izany no natao dia ny mba handinihana ireo lafiny ara-teknika sy ara-pitsipika. Ary ihany koa, hahafahana mametraka fomba fiasa mirindra eo amin’ireo Ministrera voakasika momba ny boky rovitra sy ireo antontan-taratasy mifandraika amin’izany.

Ka tanjona nokendrena ny :

🔹 Fananganana torolalana iaraha-miasa eo amin’ireo sampandraharaha voakasika;
🔹 Famahana ireo sakana manasarotra ny fanisana ireo antontan-taratasy sy Boky Rovitra;
🔹 Fametrahana drafitr’asa mazava ho an’ireo dingana manaraka;
🔹 Fanendrena ireo mpanatanteraka (accesseurs) hiandraikitra ny asa;
🔹 Fanomanana ny Didim-pitondrana momba ny fanisana (inventaire) ireo bokitany;
🔹 Fanomanana, eo amin’ny lafiny ara-bola, ny volavolan-didim-pitondrana mifandraika amin’izany.

17/08/2026

𝐌𝐀𝐓𝐒𝐅 – 𝐅𝐀𝐍𝐎𝐑𝐄𝐍𝐀𝐍𝐀 𝐓𝐀𝐍𝐀𝐍𝐀 𝐕𝐀𝐎𝐕𝐀𝐎

𝗩𝗢𝗡𝗢𝗡𝗔 𝗛𝗔𝗠𝗔𝗧𝗦𝗬 𝗔𝗥𝗔-𝗕𝗢𝗟𝗔 𝗡𝗬 𝗘𝗝𝗜𝗣𝗧𝗜𝗔𝗡𝗜𝗡𝗔.

Noraisin’ny Minisitry ny Fanajariana ny Tany sy ny Raharahan-tany, Lylyson René de Rolland, androany, ny Masoivohon’ny Repoblika Arabo Ejiptiana eto Madagasikara S.E. Ramatoa Rabab Said Abdou Abdelhadi, tao anatin’ny fitsidihana ara-panajana.

Nifantoka indrindra tamin’ny tetikasa fananganana tanàna vaovao ny dinika. Ny mpanatanteraka ny tetikasa no hiantoka tanteraka ny famatsiam-bola sy ny fanatanterahana izany, ka tsy hisy ny fangatahana famatsiam-bola avy amin’ny Governemanta Malagasy. Kendrena amin’ny alalan’ity tetikasa ity ny fanatsarana ny fandaminana ny tanàn-dehibe, ny fampihenana ny fitohanan’ny fifamoivoizana, ary ny fanatsarana ny fari-piainan’ny mponina eny amin’ireo faritra voakasik’izany.

Noresahina ihany koa ny fampiroboroboana ny sehatry ny fambolena, ary ny fanatsarana sy fampandrosoana ireo fotodrafitrasa, indrindra ny manodidina ny Seranan-tsambon’Analalava–Antsohihy. Izany dia mba hampiroboroboana ny asa ara-toekarena sy ny fampandrosoana eny ifotony.

Etsy ankilany, nanamafy ny fahavononany ny Ministera hiara-hiasa amin’ireo mpampiasa vola sy mpandraharaha mitondra tetikasa mahasoa sy afaka mandray anjara amin’ny fampandrosoana an’i Madagasikara, sady manaja ny lalàna manan-kery. Nasongadina manokana ihany koa ny maha-zava-dehibe ny fiarovana ny Fananantany ao anatin’ny fanatanterahana ireo tetikasa ireo.

----------------------------------------------

𝐌𝐀𝐓𝐒𝐅 - 𝐂𝐑𝐄𝐀𝐓𝐈𝐎𝐍 𝐃𝐄 𝐍𝐎𝐔𝐕𝐄𝐋𝐋𝐄 𝐕𝐈𝐋𝐋𝐄.

𝐋𝐚 𝐑𝐞́𝐩𝐮𝐛𝐥𝐢𝐪𝐮𝐞 𝐝'𝐄𝐠𝐲𝐩𝐭𝐞 𝐩𝐫𝐞̂𝐭𝐞 𝐚̀ 𝐟𝐢𝐧𝐚𝐧𝐜𝐞𝐫.

Le Ministre de l’Aménagement du Territoire et des Services Fonciers, Lylyson René de Rolland, a reçu en audience, aujourd’hui, S.E. Mme Rabab Said Abdou Abdelhadi, Ambassadeur de la République arabe d’Égypte à Madagascar, à son bureau.

Les échanges ont notamment porté sur un projet de création de nouvelle ville, dont le financement et la réalisation seraient entièrement pris en charge par les promoteurs, sans recours au financement du Gouvernement Malgache. Le projet prévoit également des solutions visant à désengorger les zones urbaines, à réduire les embouteillages et à améliorer de manière durable les conditions de vie des populations dans les zones concernées.

Le projet envisage par ailleurs des actions dans le domaine de l’agriculture, ainsi que le développement des infrastructures, notamment autour du port d’Analalava–Antsohihy, afin de soutenir les activités économiques et le développement local. De son côté, le Ministère a réaffirmé sa disponibilité à accompagner tout projet susceptible de contribuer au développement de Madagascar, dans le respect de la législation en vigueur et avec une attention particulière portée sur la sécurisation foncière.

17/08/2026

𝗙𝗜𝗔𝗥𝗔𝗛𝗔-𝗠𝗜𝗔𝗦𝗔 𝗠𝗔𝗗𝗔𝗚𝗔𝗦𝗜𝗞𝗔𝗥𝗔 - 𝗧𝗢𝗥𝗞𝗜𝗔.

"𝗕𝗢𝗞𝗬 𝗥𝗼𝘃𝗶𝘁𝗿𝗮 " 𝗻𝗶𝗳𝗮𝗻𝘁𝗼𝗵𝗮𝗻'𝗻𝘆 𝗱𝗶𝗻𝗶𝗸𝗮.

Delegasionina avy any Torkia, notarihin-dRamatoa S.E. Halime Ebru Demircan, Masoivohon’i Torkia eto Madagasikara, no noraisin’ny Minisitry ny Fanajariana ny Tany sy ny Raharahan-tany, Lylyson René de Rolland, androany, tao amin’ny toeram-piasany androany. Niara-dia tamin’ny Masoivoho tamin’izany ireo mpiara-miasa aminy avy ao amin’ny Masoivohon’i Torkia.

Nifantoka indrindra tamin’ny traikefan’i Torkia eo amin’ny sehatry ny Fananantany ny dinika, ary koa tamin’ny fizarana traikefa, fahaiza-manao ary fomba fanao tsara izay ananan’izy ireo. Mikendry indrindra ny hitadiavana vahaolana amin’ireo olana mifandraika amin’ny « Boky rovitra » ny fihaonana.

Nandritra izany ihany koa no niresahana ny fanamafisana ny fifandraisana eo amin’i Madagasikara sy i Torkia. Ao anatin’izany, delegasionina avy any Torkia no andrasana ho tonga eto Madagasikara ny 11 Septambra ho avy izao, mba handrindra sy handalina bebe kokoa ny fiaraha-miasa eo amin’ny firenena roa tonta, indrindra eo amin’ny sehatry ny Fananantany.

----------------------------------------

𝐂𝐎𝐎𝐏𝐄𝐑𝐀𝐓𝐈𝐎𝐍 𝐁𝐈𝐋𝐀𝐓𝐄𝐑𝐀𝐋𝐄 : 𝐌𝐀𝐃𝐀𝐆𝐀𝐒𝐂𝐀𝐑 - 𝐓𝐔𝐑𝐐𝐔𝐈𝐄.

"𝐁𝐎𝐊𝐘 𝐑𝐎𝐕𝐈𝐓𝐑𝐀" 𝐚𝐮 𝐜œ𝐮𝐫 𝐝𝐞𝐬 𝐞́𝐜𝐡𝐚𝐧𝐠𝐞𝐬.

Une délégation turque menée par S.E. Mme Halime Ebru Demircan, Ambassadeur de Turquie à Madagascar, a été reçue aujourd'hui par le Ministre de l’Aménagement du Territoire et des Services Fonciers, Lylyson René de Rolland à son bureau, ce jour. La diplomate était accompagnée pour l'occasion d'une délégation de l'Ambassade.

Les échanges ont notamment porté sur l’expérience de la Turquie dans le domaine du foncier, ainsi que sur les perspectives de partage d’expertises et de bonnes pratiques. Ces échanges visent notamment à contribuer à la résolution des problématiques liées aux « Boky rovitra », c’est-à-dire aux documents fonciers détériorés à Madagascar.

Cette rencontre a également permis d’évoquer le renforcement des relations bilatérales entre Madagascar et la Turquie. Dans cette perspective, une délégation turque est attendue à Madagascar le 11 septembre prochain afin de coordonner et d’approfondir les axes de coopération entre les deux pays dans le domaine du foncier.

14/08/2026

ALASORA

FITOKANANA AMIN’NY FOMBA OFISIALY IREO FOTODRAFITRASA VAOVAO .

🏘️ Notokanana tamin'ny fomba ofisialy, androany 14 aogositra 2026 ny fotodrafitrasa vaovao ao amin'ny Kaominina Ambanivohitra Alasora, Distrikan’Avaradrano.
Teo ambany fitarihin'ny Minisitry ny Fanajariana ny tany sy ny Raharahan-tany, Lylyson René de Rolland, izay nosoloin'ny Sekretera Jeneralin’ny Minisitera tena, Sambany Ruffin, ny lanonana. Ny Ben’ny Tanànan’ny Kaominina Ambanivohitra Alasora, Randriantsoa Jimmy, no topimarika tamin'izany. Nanome voninahitra ny fotoana ny Solombavambahoaka voafidy tao amin’ny Distrikan’Avaradrano, ny Tale Kabinetran’ny Minisiteran’ny Fanajariana ny Tany sy ny Raharahan-tany, niaraka tamin’ireo Tale Jeneraly sy ireo delegasiona mafonja avy amin’ny Minisitera, ary ireo tompon’andraikitra isan-tsokajiny.

Fotodrafitrasa telo no notokanana :

▶️ Ny Biraon’ny Delegasiona misahana ny Fanajariana ny Tany (DLAT) ao Avaradrano;
▶️ Ny Biraon’ny Polisy Kaominaly ao Alasora;
▶️ Ny Trano fisoratam-panambadiana ao amin’ny Kaominina Alasora.

🫴🏻 Nankasitraka ny Minisiteran’ny Fanajariana ny Tany sy ny Raharahan-tany ny Ben’ny Tanànan’ny Kaominina Alasora, nandritra ny fandraisam-pitenenany. Nambarany fa nohamorain’ny Minisitera ny dingana sy ny fahazoan-dalana amin’ny fampiasana ny tany, ka nahafahana nanatanteraka ireo fotodrafitrasa vaovao ao amin’ny Kaominina Alasora. Araka ny fanazavany, efa hatramin'ny 2015 no nanaovana ny fangatahana mifandraika amin’izany, saingy tamin’ity Fitondrana ity vao tanteraka ny fanomezana alalana, ka nahafahana nandroso tamin’ny fanatanterahana ireo fotodrafitrasa. Noho izany, hoy hatrany ny Ben’ny Tanàna, dia rariny sy mendrika ny hanehoana fankasitrahana ireo mpitantana sy tompon’andraikitra eo anivon’ny Minisitera, noho ny ezaka sy ny fiaraha-miasa nahafahana nanatanteraka izao tetikasa izao
Etsy an-daniny, ny toerana misy ny trano fisoratam-panambadiana izay vao naorina dia manamora ny fivezivezena, tsy toy ny teo aloha, ka antenaina fa hitondra anjara biriky amin’ny fampihenana ny fitohanan’ny fifamoivoizana ao an-toerana.

🫴🏻 Nanamafy ny Sekretera Jeneraly tamin’ny fandraisam-pitenenany fa tanjona amin’izao fotodrafitrasa izao ny mba hahatongavana amin’ny fampandrosoana lovain-jafy sy ho fanatsarana ny fiainan’ny mponina. Ny fotodrafitrasa hoy hatrany izy dia tamberin’andraikitra izay tsy maintsy ataon’ny mpitantana rehetra na eo anivon’ny vondrombahoaka itsinjaram-pahefana na eo anivon’ny Minisitera.
Natao hanatsarana ny tolotra ho an’ny vahoaka sy hanamafisana ny fahafahan’ireo tomponandraikitra misahana ny raharaham-panjakana ireo fotodrafitrasa ireo mba hahafahana manatanteraka amim-pahombiazana ny andraikiny eo anivon’ny Kaominina. Notsindriany ihany koa fa tena tsapa ary hita ny vokatra tamin'ny ezaka maro ataon'ny Minisitera mba hanafainganana ny asa sy ny fomba fiasa. Fanampin'izany ny fanatsarana ny tolotra sy ny fanakaikezana ny vahoaka.

*️⃣ Marihina fa ny DLAT dia ratsa-mangaikan’ny Minisitera izay mamoaka ny fanamarihana ara-teknika mahakasika ny Fanajariana ny tany eny anivon’ny Kaominina. Tanjona noho izany hanakaiky ny vahoaka mba ampilamina sy andrindrana ny Tanàna. Eo ihany koa ny fanamaivanana sy fanamorana ny fivezivezen’ny vahoaka.

12/08/2026

Morontsiraka voajary ho an’ny fampandrosoana maharitra

Ny 7 Aogositra 2026, ny Ministeran’ny Fanajariana ny Tany sy ny Raharahan-tany (MATSF) dia nanatanteraka ny fanombohana amin’ny fomba ofisialy ny famolavolana ny Drafitra Mitambatra ho an’ny Fitantanana ny Morontsiraka Andrefan’i Madagasikara (PGIL), ao anatin’ny fanatanterahana ny Fandaharan’asa Isam-paritra ho an’ny Fahaiza-miatrika ny Fiovan’ny Toetr’andro (PRRC), izay vatsian’ny Banky Iraisam-pirenena.

Ny Drafitra Mitambatra ho an’ny Fitantanana ny Morontsiraka (PGIL) dia fitaovana manampy amin’ny fandrindrana sy fandraisana fanapahan-kevitra ho an’ireo faritra sy kaominina amorontsiraka.

Ao anatin’ity drafitra ity no ahitana ny fizaram-paritra, izay mamaritra ireo faritra arovana sy ireo faritra natokana ho an’ny fampandrosoana, mba hiantohana ny fampiasana maharitra sy voalanjalanja ny harena amorontsiraka.

Mamaritra ihany koa ireo sehatra sy laharam-pahamehana amin’ny fitadiavana famatsiam-bola, ary mandrindra ny fandraisan’anjaran’ireo mpiara-miombon’antoka, mba hahafahana manatanteraka ireo tetikasa mifanaraka amin’ny filàna sy ny laharam-pahamehan’ny faritra amorontsiraka.

Ity dingana ity dia mikendry ny hanana morontsiraka voajary, voaaro ary maharitra, ho fototry ny fampandrosoana maharitra sy ho tombontsoan’ireo vondrom-piarahamonina amorontsiraka.

12/08/2026

𝐃𝐞́𝐜𝐢𝐬𝐢𝐨𝐧 𝐧°𝟏𝟓-𝐇𝐂𝐂/𝐃𝟑 𝐝𝐮 𝟑 𝐚𝐨𝐮̂𝐭 𝟐𝟎𝟐𝟔 𝐜𝐨𝐧𝐜𝐞𝐫𝐧𝐚𝐧𝐭 𝐥𝐚 𝐥𝐨𝐢 𝐧°𝟐𝟎𝟐𝟔-𝟎𝟎𝟕 𝐟𝐢𝐱𝐚𝐧𝐭 𝐥𝐞 𝐫𝐞́𝐠𝐢𝐦𝐞 𝐣𝐮𝐫𝐢𝐝𝐢𝐪𝐮𝐞 𝐝𝐮 𝐭𝐫𝐚𝐧𝐬𝐟𝐞𝐫𝐭 𝐝𝐞 𝐩𝐥𝐞𝐢𝐧 𝐝𝐫𝐨𝐢𝐭 𝐚̀ 𝐥’𝐄𝐭𝐚𝐭 𝐌𝐚𝐥𝐚𝐠𝐚𝐬𝐲 𝐝𝐞𝐬 𝐭𝐞𝐫𝐫𝐚𝐢𝐧𝐬 𝐢𝐧𝐬𝐜𝐫𝐢𝐭𝐬 𝐚𝐮𝐱 𝐧𝐨𝐦𝐬 𝐝’𝐞́𝐭𝐫𝐚𝐧𝐠𝐞𝐫𝐬 𝐩𝐞𝐧𝐝𝐚𝐧𝐭 𝐥’𝐞́𝐩𝐨𝐪𝐮𝐞 𝐜𝐨𝐥𝐨𝐧𝐢𝐚𝐥𝐞

https://www.hcc.gov.mg/?p=10048

Minisiteran’ny Fanajariana ny Tany sy ny Raharahan-tany

21/08/2026

20/08/2026

20/08/2026

18/08/2026

18/08/2026

17/08/2026

17/08/2026

14/08/2026

12/08/2026

12/08/2026

Address

Opening Hours

Telephone

Website

Alerts

Contact The Organization

Shortcuts

Share

Category

Listing takedown request

Monday	07:30 - 18:00
Tuesday	07:30 - 18:00
Wednesday	07:30 - 18:00
Thursday	07:30 - 18:00
Friday	07:30 - 18:00