Bianco Madagascar - page

Bianco Madagascar - page C'est une page qui invite chaque citoyen à œuvrer ensemble contre la corruption et à conjuguer les efforts pour une croisade contre ce fléau.

📌𝐅𝐢𝐟𝐚𝐧𝐚𝐫𝐚𝐡𝐚𝐦-𝐩𝐢𝐚𝐫𝐚𝐡𝐚-𝐦𝐢𝐚𝐬𝐚 𝐞𝐨 𝐚𝐦𝐢𝐧’𝐧𝐲 𝐁𝐈𝐀𝐍𝐂𝐎, 𝐉𝐈𝐑𝐀𝐌𝐀 𝐚𝐫𝐲 𝐧𝐲 𝐀𝐍𝐀𝐅✅Antananarivo, 29 jolay 2026 – Nisy ny fanaovan-tsonia f...
30/07/2026

📌𝐅𝐢𝐟𝐚𝐧𝐚𝐫𝐚𝐡𝐚𝐦-𝐩𝐢𝐚𝐫𝐚𝐡𝐚-𝐦𝐢𝐚𝐬𝐚 𝐞𝐨 𝐚𝐦𝐢𝐧’𝐧𝐲 𝐁𝐈𝐀𝐍𝐂𝐎, 𝐉𝐈𝐑𝐀𝐌𝐀 𝐚𝐫𝐲 𝐧𝐲 𝐀𝐍𝐀𝐅
✅Antananarivo, 29 jolay 2026 – Nisy ny fanaovan-tsonia fiaraha-miasa eo amin’ny BIANCO, ny JIRAMA ary ny ANAF mba hanamafisana ny fisorohana ny kolikoly sy ny hosoka amin’ny alalan’ny fitsirihana ireo irika rehetra mety hisian’izany eo amin’ny famatsian-drano sy herinaratra omen’ny JIRAMA.
✅Voarakitra ao anatin’izany ny fanomezan’ny BIANCO tantsoroka ny JIRAMA eo amin’ny fanavaozana ny Politika anatiny iadiana amin’ny kolikoly, ny fanamafisana ny rafitra miady amin’ny kolikoly na ny STAC araka ny lahatenin’ny Tale Jeneralin’ny BIANCO hatrany.
✅Atao izao ezaka izao mba hisian’ny fahombiazana marina amin’ny famatsiana jiro sy rano eto Madagasikara.
🌐https://www.bianco-mg.org/fr/actuality/153-la-jirama-le-bianco-et-l-anaf-scellent-un-partenariat-contre-la-corruption-et-la-fraude

📌𝐅𝐢𝐚𝐫𝐚𝐡𝐚-𝐦𝐢𝐚𝐬𝐚𝐧’𝐧𝐲 𝐊𝐚𝐨𝐦𝐢𝐧𝐢𝐧𝐚 𝐀𝐦𝐛𝐨𝐧𝐢𝐯𝐨𝐡𝐢𝐭𝐫𝐚 𝐀𝐧𝐭𝐬𝐢𝐫𝐚𝐛𝐞 𝐬𝐲 𝐧𝐲 𝐁𝐈𝐀𝐍𝐂𝐎 ✅Antsirabe, 28 jolay 2026 – Nisy ny fihaonana teo amin...
29/07/2026

📌𝐅𝐢𝐚𝐫𝐚𝐡𝐚-𝐦𝐢𝐚𝐬𝐚𝐧’𝐧𝐲 𝐊𝐚𝐨𝐦𝐢𝐧𝐢𝐧𝐚 𝐀𝐦𝐛𝐨𝐧𝐢𝐯𝐨𝐡𝐢𝐭𝐫𝐚 𝐀𝐧𝐭𝐬𝐢𝐫𝐚𝐛𝐞 𝐬𝐲 𝐧𝐲 𝐁𝐈𝐀𝐍𝐂𝐎
✅Antsirabe, 28 jolay 2026 – Nisy ny fihaonana teo amin’ny Tale Jeneralin’ny BIANCO sy ireo mpiasa eo anivon’ny Kaominina Ambonivohitra Antsirabe ho fanentanana azy ireo amin’ny ady amin’ny kolikoly.
✅Namelabelatra ny mahakasika ny fanorenana tsy ara-dalàna, ny fanararaotam-pahefana, ny fitorohana tsy mitombina ary indrindra ny andraikitry ny rafitra miady amin’ny kolikoly izay efa mipetraka eo anivon’ity Kaominina ity.
✅Tsara ny manamarika fa isan’ny vinan’ny BIANCO ny hametrahana masoivoho manakaiky vahoaka eto amin’ny faritra Vakinankaratra.
🌐https://www.bianco-mg.org/fr/actuality/152-collaboration-commune-urbaine-antsirabe-bianco-le-directeur-general-mobilise-le-personnel-a-la-lutte-contre-la-corruption

📌𝐅𝐚𝐦𝐨𝐥𝐚𝐯𝐨𝐥𝐚𝐧𝐚 𝐟𝐚𝐧𝐝𝐚𝐡𝐚𝐫𝐚𝐦-𝐦𝐩𝐢𝐨𝐟𝐚𝐧𝐚𝐧𝐚 𝐦𝐨𝐦𝐛𝐚 𝐧𝐲 𝐚𝐝𝐲 𝐚𝐦𝐢𝐧’𝐧𝐲 𝐤𝐨𝐥𝐢𝐤𝐨𝐥𝐲 𝐡𝐨 𝐚𝐧’𝐢𝐫𝐞𝐨 𝐦𝐩𝐢𝐚𝐧𝐚𝐭𝐫𝐚 𝐡𝐨 𝐦𝐚𝐧𝐚𝐦-𝐛𝐨𝐧𝐢𝐧𝐚𝐡𝐢𝐭𝐫𝐲 𝐧𝐲 𝐭𝐚𝐟𝐢𝐤𝐚 𝐬𝐲...
29/07/2026

📌𝐅𝐚𝐦𝐨𝐥𝐚𝐯𝐨𝐥𝐚𝐧𝐚 𝐟𝐚𝐧𝐝𝐚𝐡𝐚𝐫𝐚𝐦-𝐦𝐩𝐢𝐨𝐟𝐚𝐧𝐚𝐧𝐚 𝐦𝐨𝐦𝐛𝐚 𝐧𝐲 𝐚𝐝𝐲 𝐚𝐦𝐢𝐧’𝐧𝐲 𝐤𝐨𝐥𝐢𝐤𝐨𝐥𝐲 𝐡𝐨 𝐚𝐧’𝐢𝐫𝐞𝐨 𝐦𝐩𝐢𝐚𝐧𝐚𝐭𝐫𝐚 𝐡𝐨 𝐦𝐚𝐧𝐚𝐦-𝐛𝐨𝐧𝐢𝐧𝐚𝐡𝐢𝐭𝐫𝐲 𝐧𝐲 𝐭𝐚𝐟𝐢𝐤𝐚 𝐬𝐲 𝐢𝐫𝐞𝐨 𝐦𝐩𝐢𝐚𝐧𝐚𝐭𝐫𝐚 𝐡𝐨 𝐩𝐨𝐥𝐢𝐬𝐢𝐦-𝐩𝐢𝐫𝐞𝐧𝐞𝐧𝐚 𝐚𝐫𝐲 𝐢𝐫𝐞𝐨 𝐦𝐩𝐢𝐚𝐧𝐚𝐭𝐫𝐚 𝐡𝐨 𝐳𝐚𝐧𝐝𝐚𝐫𝐲
✅Antsirabe, 28 jolay 2026 – Nosokafana tamin’ny fomba ofisialy ny atrikasa ho famolavolana fandaharam-mpiofanana momba ny ady amin’ny kolikoly ho an’ireo mpianatra ho manam-boninahitry ny tafika (ACMIL) sy ireo mpianatra ho polisim-pirenena (ENIAP) ary ireo mpianatra ho zandary (EGNA). Tetikasa izay tohanan’ny Organisation Internationale de la Francophonie na ny OIF sy ny Masoivoho suisse eto Madagasikara.
✅Nanokatra izany tamin’ny fomba ofisialy ny Tale Jeneralin’ny BIANCO, RAZAKAMANANTSOA Gaby Nestor ary notronin’ireo manam-pahefana tao an-toerana sy ny solotena maharitry ny OIF eto Madagasikara.
✅Nisongadina nandritra ny lahateny nifandimby ny fahavononan’izy ireo hiara-hiady amin’ny kolikoly eo anivon’ny tafika sy ny zandary ary ny polisim-pirenena ary mifanindran-dalana amin’izany ihany koa ny Politika ankapoben’ny Fanjakana ho amin’ny Fanavaozana (PGE-R).
✅Ny tanjon’ny tetikasa izay tohanan’ny OIF sy ny Masoivoho suisse moa dia ny hamokatra mpiasam-panjakana tanora miaina ny fahitsiana eo am-panatanterahana ny asany sy hitondra fanovana.
🌐https://www.bianco-mg.org/fr/actuality/151-former-les-eleves-officiers-les-eleves-policiers-et-les-eleves-gendarmes-a-l-integrite-le-bianco-lance-des-ateliers-de-conception-de-modules-de-formation

📌𝐌𝐢𝐧𝐢𝐬𝐢𝐭𝐞𝐫𝐚𝐧’𝐧𝐲 𝐕𝐚𝐫𝐨𝐭𝐫𝐚 𝐬𝐲 𝐧𝐲 𝐅𝐚𝐧𝐣𝐢𝐟𝐚𝐧𝐚 : 𝐍𝐚𝐭𝐨𝐥𝐨𝐭𝐫𝐚 𝐧𝐲 𝐁𝐈𝐀𝐍𝐂𝐎 𝐚𝐧𝐢𝐨 𝐧𝐲 𝐏𝐨𝐥𝐢𝐭𝐢𝐤𝐚 𝐚𝐧𝐚𝐭𝐢𝐧𝐲 𝐢𝐚𝐝𝐢𝐚𝐧𝐚 𝐚𝐦𝐢𝐧’𝐧𝐲 𝐤𝐨𝐥𝐢𝐤𝐨𝐥𝐲 (𝐏𝐈𝐋𝐂𝐂)✅...
23/07/2026

📌𝐌𝐢𝐧𝐢𝐬𝐢𝐭𝐞𝐫𝐚𝐧’𝐧𝐲 𝐕𝐚𝐫𝐨𝐭𝐫𝐚 𝐬𝐲 𝐧𝐲 𝐅𝐚𝐧𝐣𝐢𝐟𝐚𝐧𝐚 : 𝐍𝐚𝐭𝐨𝐥𝐨𝐭𝐫𝐚 𝐧𝐲 𝐁𝐈𝐀𝐍𝐂𝐎 𝐚𝐧𝐢𝐨 𝐧𝐲 𝐏𝐨𝐥𝐢𝐭𝐢𝐤𝐚 𝐚𝐧𝐚𝐭𝐢𝐧𝐲 𝐢𝐚𝐝𝐢𝐚𝐧𝐚 𝐚𝐦𝐢𝐧’𝐧𝐲 𝐤𝐨𝐥𝐢𝐤𝐨𝐥𝐲 (𝐏𝐈𝐋𝐂𝐂)
✅Antananarivo, 23 jolay 2026 - Tontosa anio ny fanolorana amin’ny fomba ofisialy ny Politika anatiny iadiana amin’ny kolikoly ho an’ny Minisiteran’ny Varotra sy ny Fanjifana. Voarakitra ao anatin’izany ireo tanjona ankapobeny sy ireo drafitra enti-miady amin’ny kolikoly mba hampanjakana ny fitantanana mangarahara sy mahitsy ary ho fiarovana ny mpanjifa.
✅Nandritra ny lahatenin’i Ramatoa Minisitra, ANDRIAMADISON Haingotiana, dia notsipihiny mazava ny tsy fandeferany manoloana ny kolikoly izay mety hitranga eo anivon’ity Minisitera tantaniny ity. Efa misy ny ezaka ataon'ny mpiasa hoy izy, ary mila hamafisina izany mba hitokisan'ny vahoaka ny Ministera.
✅Ny Tale Jeneralin’ny BIANCO RAZAKAMANANTSOA Gaby Nestor kosa dia niarahaba manokana ny minisitra amin'izao finiavana azo tsapain-tanana hiady amin'ny kolikoly izao. Nanamafy ny fahavononan'ny BIANCO hanome tantsoroka ny ministera izy mba hampahomby ny ady amin’ny kolikoly, ary nanentana ny rehetra (mpiasa, mpanjifa, vahoaka) mba hiara-misalahy amin'ity ady iombonana ity.
🌐https://www.bianco-mg.org/fr/actuality/150-le-ministere-du-commerce-et-de-la-consommation-se-dote-d-une-politique-interne-de-lutte-contre-la-corruption

📌𝐂𝐄𝐍𝐈 - 𝐁𝐈𝐀𝐍𝐂𝐎 : 𝐇𝐢𝐚𝐫𝐚-𝐡𝐢𝐞𝐧𝐭𝐚𝐧𝐚 𝐡𝐢𝐚𝐝𝐲 𝐚𝐦𝐢𝐧’𝐧𝐲 𝐤𝐨𝐥𝐢𝐤𝐨𝐥𝐲 𝐚𝐫𝐚-𝐩𝐢𝐟𝐢𝐝𝐢𝐚𝐧𝐚𝐧𝐚✅Antananarivo, 23 jolay 2026 – Nisy anio ny fanaov...
23/07/2026

📌𝐂𝐄𝐍𝐈 - 𝐁𝐈𝐀𝐍𝐂𝐎 : 𝐇𝐢𝐚𝐫𝐚-𝐡𝐢𝐞𝐧𝐭𝐚𝐧𝐚 𝐡𝐢𝐚𝐝𝐲 𝐚𝐦𝐢𝐧’𝐧𝐲 𝐤𝐨𝐥𝐢𝐤𝐨𝐥𝐲 𝐚𝐫𝐚-𝐩𝐢𝐟𝐢𝐝𝐢𝐚𝐧𝐚𝐧𝐚
✅Antananarivo, 23 jolay 2026 – Nisy anio ny fanaovan-tsonia fiaraha-miasa teo amin’ny BIANCO sy ny CENI notanterahin'ny Filoha RAKOTONARIVO Thierry sy ny Tale Jeneraly RAZAKAMANANTSOA Gaby Nestor.
Voarakitra ao anatin’ity fifanarahana ity ireo paika entina miady sy mampihena ny kolikoly eo amin’ny sehatry ny fifidianana ka ohatra amin’izany ny fanentanana ny olom-pirenena ho sahy hitoroka ny endrika kolikoly rehetra izay mety hisy mialoha, mandritra ary aorian’ ny fifidianana. Torak’izany ihany koa ny fanofanana ireo mpisehatra eo anivon’ny CENI sy ireo mpitarika na mpikambana amin'ny antoko politika eto Madagasikara.
✅Nanambara ny Filohan'ny CENI fa ho hentitra ny rafitra izay tarihiny amin'ny fanajana sy ny fampanajana ny lalana, ary ny fampanjakana ny mangarahara amin'ireo asa rehetra ho tanterahina manomboka izao.
✅Nambaran'ny Tale Jeneralin'ny BIANCO kosa fa vonona ny rafitra izay tarihiny hiara-misalahy amin'ny CENI na amin'ny fisorohana ny kolikoly, na ny fanabeazana ny mpisehatra rehetra, na ny fampiharana ny lalàna amin'ireo minia manao kolikoly amin'ny tontolon'ny fifidianana eto amin'ny firenena. Nanentana ny rehetra izy mba tsy ho faly hanome tsiny fotsiny fa mba handray andraikitra hitoroka ny tranga kolikoly miseho.
🌐https://www.bianco-mg.org/fr/actuality/149-bianco-ceni-un-partenariat-strategique-pour-prevenir-la-corruption-electorale

📌𝐙𝐚𝐧𝐝𝐚𝐫𝐢𝐦𝐚𝐫𝐢𝐚𝐦-𝐩𝐢𝐫𝐞𝐧𝐞𝐧𝐚 : 𝐦𝐚𝐧𝐚𝐦𝐚𝐟𝐲 𝐧𝐲 𝐟𝐚𝐡𝐚𝐯𝐨𝐧𝐨𝐧𝐚𝐧𝐲 𝐡𝐢𝐚𝐝𝐲 𝐚𝐦𝐢𝐧’𝐧𝐲 𝐤𝐨𝐥𝐢𝐤𝐨𝐥𝐲✅Antananarivo, 22 jolay 2026 - Lanonana lehibe ...
22/07/2026

📌𝐙𝐚𝐧𝐝𝐚𝐫𝐢𝐦𝐚𝐫𝐢𝐚𝐦-𝐩𝐢𝐫𝐞𝐧𝐞𝐧𝐚 : 𝐦𝐚𝐧𝐚𝐦𝐚𝐟𝐲 𝐧𝐲 𝐟𝐚𝐡𝐚𝐯𝐨𝐧𝐨𝐧𝐚𝐧𝐲 𝐡𝐢𝐚𝐝𝐲 𝐚𝐦𝐢𝐧’𝐧𝐲 𝐤𝐨𝐥𝐢𝐤𝐨𝐥𝐲
✅Antananarivo, 22 jolay 2026 - Lanonana lehibe no notanterahina anio teny amin’ny Minisitera miadidy ny Zandarimaria : fanolorana ny Politika anatiny Iadiana amin’ny Kolikoly na ny PILCC, ny fanolorana ny Fitsipi-pitondrantena nohavaozina ary ny fanaovan-tsonia fiaraha-miasa eo amin’ny BIANCO sy ny Komandin’ny zandarmariam-pirenena.
✅Nitarika ity hetsika ity ny Jeneraly BAMA Marima, Ministra Delege misahana ny Zandarimariam-pirenena, notronon’ny Jeneraly BOTOTSARA Nathanaël James lefitry ny Komandin’ny Zandarmariam-pirenena, sy Atoa RAZAKAMANANTSOA Gaby Nestor, Tale Jeneralin’ny BIANCO. Nandritra ny lahatenin’izy ireo dia nisongadina ny fahavononan’ny Zandarimaria, izay eo ambany fitarihan’ny Minisitra, hiady amin’ny kolikoly ahazoana mamerina indray ny fitokisan’ny vahoaka. Nanamafy ihany koa ny Tale Jeneralin’ny BIANCO fa ny fiaraha-mientan’ny tsirairay no ahafahana mamongotra ny kolikoly ary noderainy manokana izao fahavononan’ny fianakaviamben’ny Zandaramaria izao.
🌐https://www.bianco-mg.org/fr/actuality/148-le-ministere-delegue-charge-de-la-gendarmerie-renforce-son-engagement-dans-la-lutte-contre-la-corruption

📌𝐁𝐈𝐀𝐍𝐂𝐎- 𝐌𝐄𝐍 : 𝐟𝐚𝐧𝐚𝐦𝐚𝐟𝐢𝐬𝐚𝐧𝐚 𝐧𝐲 𝐟𝐢𝐚𝐫𝐚𝐡𝐚-𝐦𝐢𝐚𝐬𝐚 𝐡𝐚𝐦𝐩𝐚𝐡𝐨𝐦𝐛𝐲 𝐧𝐲 𝐚𝐝𝐲 𝐚𝐦𝐢𝐧’𝐧𝐲 𝐤𝐨𝐥𝐢𝐤𝐨𝐥𝐲✅Antananarivo, 21 jolay 2026 - Notanterah...
21/07/2026

📌𝐁𝐈𝐀𝐍𝐂𝐎- 𝐌𝐄𝐍 : 𝐟𝐚𝐧𝐚𝐦𝐚𝐟𝐢𝐬𝐚𝐧𝐚 𝐧𝐲 𝐟𝐢𝐚𝐫𝐚𝐡𝐚-𝐦𝐢𝐚𝐬𝐚 𝐡𝐚𝐦𝐩𝐚𝐡𝐨𝐦𝐛𝐲 𝐧𝐲 𝐚𝐝𝐲 𝐚𝐦𝐢𝐧’𝐧𝐲 𝐤𝐨𝐥𝐢𝐤𝐨𝐥𝐲
✅Antananarivo, 21 jolay 2026 - Notanterahina anio teny amin’ny Minisiteran’ny Fanabeazam-pirenena Anosy ny fanaovan-tsonia fiarahamiasa teo amin’ny BIANCO sy ny MEN.
✅Nandritra ny lahatenin’ny Minisitra RAJAONARISON Sendra Nirina no nanentanany ireo mpiara-miasa aminy hiara-hisalahy amin’ny ady atao amin'io fanetriben'ny firenena io sy amin'ny fampiharana ny fanjakana tsara tantana eo amin’ny sehatry ny fanabeazana.
✅Ho an’ny Tale Jeneralin’ny BIANCO, RAZAKAMANANTSOA Gaby Nestor kosa dia notsipihiny fa fanamafisana ireo ezaka efa natao teo amin’ny lafiny fanabeazana sy fisorohana ny kolikoly izao fifanaraham-piarahamiasa izao. Hojerena manokana hoy izy ny hamokarana ireo boky ilain'ny mpampianatra sy ny mpianatra ho amin'ny fampianarana sy fianarana ny taranja ady amin'ny kolikoly. Nanentana koa izy ny hanondroan'ny Ministera ny Andro Nasionaly hoan'ny tambazotran'ny tanora mandala ny fahamarinana sy ny fahitsiana (Journée Nationale des RHI).
🌐https://www.bianco-mg.org/fr/actuality/147-bianco-men-une-collaboration-renforcee-au-service-de-la-lutte-contre-la-corruption-dans-le-secteur-de-l-education

📌𝐊𝐚𝐨𝐦𝐢𝐧𝐢𝐧𝐚 𝐀𝐧𝐭𝐚𝐧𝐚𝐧𝐚𝐫𝐢𝐯𝐨 𝐑𝐞𝐧𝐢𝐯𝐨𝐡𝐢𝐭𝐫𝐚 (𝐂𝐔𝐀) : 𝐅𝐢𝐭𝐬𝐢𝐫𝐢𝐡𝐚𝐧𝐚 𝐢𝐫𝐞𝐨 𝐢𝐫𝐢𝐤𝐚 𝐦𝐞𝐭𝐲 𝐡𝐢𝐝𝐢𝐫𝐚𝐧’𝐧𝐲 𝐤𝐨𝐥𝐢𝐤𝐨𝐥𝐲 𝐚𝐦𝐢𝐧’𝐧𝐲 𝐟𝐚𝐦𝐩𝐢𝐝𝐢𝐫𝐚𝐧𝐚 𝐧𝐲 𝐡𝐚𝐛𝐚𝐧...
16/07/2026

📌𝐊𝐚𝐨𝐦𝐢𝐧𝐢𝐧𝐚 𝐀𝐧𝐭𝐚𝐧𝐚𝐧𝐚𝐫𝐢𝐯𝐨 𝐑𝐞𝐧𝐢𝐯𝐨𝐡𝐢𝐭𝐫𝐚 (𝐂𝐔𝐀) : 𝐅𝐢𝐭𝐬𝐢𝐫𝐢𝐡𝐚𝐧𝐚 𝐢𝐫𝐞𝐨 𝐢𝐫𝐢𝐤𝐚 𝐦𝐞𝐭𝐲 𝐡𝐢𝐝𝐢𝐫𝐚𝐧’𝐧𝐲 𝐤𝐨𝐥𝐢𝐤𝐨𝐥𝐲 𝐚𝐦𝐢𝐧’𝐧𝐲 𝐟𝐚𝐦𝐩𝐢𝐝𝐢𝐫𝐚𝐧𝐚 𝐧𝐲 𝐡𝐚𝐛𝐚𝐧-𝐭𝐬𝐞𝐧𝐚
✅Ny 15 sy 16 jolay 2026 dia nanatanteraka atrikasa ho fanatsarana ny fampidirana ny haban-tsena eo anivon’ny Kaominina Antananarivo Renivohitra ny Birao Mahaleotena Iadiana amin’ny Kolikoly (BIANCO). Tohanan’ny GIZ ity atrikasa ity ary nahitana ny fandraisan'anjaran' ireo ekipa teknika avy ao amin'ny CUA, ny solotenan’ny mpivarotra, ny fiarahamonim-pirenena mivondrona ao amin’ny SLC ary ny avy ao amin’ny fikambanan’ny mpiaro ny zon’ny mpanjifa.
✅Ny tanjona amin’izany dia hamolavolana paikady maharitra sy mahomby hanatsarana ny fomba fiasa mba ho lavitry ny kolikoly ny fampidirana ny haban-tsena ao amin'ny kitapom-bolan'ny Kaominina Ambonivohitr'Antananarivo.
🌐https://www.bianco-mg.org/fr/actuality/143-cerner-les-risques-de-corruption-dans-le-processus-de-recouvrement-des-recettes-des-marches-de-la-commune-urbaine-d-antananarivo-cua

📌𝐓𝐨𝐚𝐦𝐚𝐬𝐢𝐧𝐚 : 𝐍𝐚𝐧𝐝𝐫𝐚𝐲 𝐧𝐲 𝐟𝐚𝐧𝐤𝐚𝐥𝐚𝐳𝐚𝐧𝐚 𝐧𝐚𝐬𝐢𝐨𝐧𝐚𝐥𝐲 𝐧𝐲 𝐀𝐧𝐝𝐫𝐨 𝐀𝐟𝐫𝐢𝐤𝐚𝐧𝐚 𝐈𝐚𝐝𝐢𝐚𝐧𝐚 𝐚𝐦𝐢𝐧’𝐧𝐲 𝐤𝐨𝐥𝐢𝐤𝐨𝐥𝐲✅Toamasina, 10 jolay 2026 – Nank...
10/07/2026

📌𝐓𝐨𝐚𝐦𝐚𝐬𝐢𝐧𝐚 : 𝐍𝐚𝐧𝐝𝐫𝐚𝐲 𝐧𝐲 𝐟𝐚𝐧𝐤𝐚𝐥𝐚𝐳𝐚𝐧𝐚 𝐧𝐚𝐬𝐢𝐨𝐧𝐚𝐥𝐲 𝐧𝐲 𝐀𝐧𝐝𝐫𝐨 𝐀𝐟𝐫𝐢𝐤𝐚𝐧𝐚 𝐈𝐚𝐝𝐢𝐚𝐧𝐚 𝐚𝐦𝐢𝐧’𝐧𝐲 𝐤𝐨𝐥𝐢𝐤𝐨𝐥𝐲
✅Toamasina, 10 jolay 2026 – Nankalazaina teto Toamasina anio ny Andro Afrikana iadiana amin’ny kolikoly izay nofaritan’ny Vondrona Afrikana hankalazaina isaky ny 11 jolay. Nomarihana tamin’ny fitokanana ny Birao vaovao ho an’ny BIANCO Toamasina izany ary ny lanonam-pankalazana kosa dia notanterahina tao amin’ny PACT Toamasina.
✅Ny hetsika rehetra dia notarihin’ny Filohan’ ny Fanavaozana ny Repoblikan’i Madagasikara, notronin’ny Praiminisitra, Lehiben’ny Governemanta. Tonga nanome voninahitra izany ihany koa ny Minisitra maro, solombavam-bahoaka, Prefet sy Lehiben’ny faritra maro, lehiben’ny distrika sy ben’ny tanana, ny tanora ary ireo mpikambana maro avy amin’ny rafitra anatiny miady amin’ny kolikoly eo anivon’ny Minisitera.
✅Marihina fa miisa 1144 ireo fanambaram-pananana sy tombotsoa ara-toekarena voaray nandritra ity fankalazana nasionaly ity.
🌐https://www.bianco-mg.org/fr/actuality/142-toamasina-accueille-la-celebration-nationale-de-la-journee-africaine-de-lutte-contre-la-corruption

📌𝐅𝐈𝐇𝐀𝐎𝐍𝐀𝐍𝐀 𝐓𝐀𝐌𝐈𝐍’𝐈𝐑𝐄𝐎 𝐕𝐎𝐍𝐃𝐑𝐎𝐍’𝐍𝐘 𝐅𝐈𝐀𝐑𝐀𝐇𝐀𝐌𝐎𝐍𝐈𝐌-𝐏𝐈𝐑𝐄𝐍𝐄𝐍𝐀 𝐒𝐘 𝐅𝐀𝐍𝐀𝐎𝐕𝐀𝐍-𝐓𝐒𝐎𝐍𝐈𝐀 𝐅𝐈𝐀𝐑𝐀𝐇𝐀-𝐌𝐈𝐀𝐒𝐀✅Toamasina, 8 jolay 2026 – Amin’i...
09/07/2026

📌𝐅𝐈𝐇𝐀𝐎𝐍𝐀𝐍𝐀 𝐓𝐀𝐌𝐈𝐍’𝐈𝐑𝐄𝐎 𝐕𝐎𝐍𝐃𝐑𝐎𝐍’𝐍𝐘 𝐅𝐈𝐀𝐑𝐀𝐇𝐀𝐌𝐎𝐍𝐈𝐌-𝐏𝐈𝐑𝐄𝐍𝐄𝐍𝐀 𝐒𝐘 𝐅𝐀𝐍𝐀𝐎𝐕𝐀𝐍-𝐓𝐒𝐎𝐍𝐈𝐀 𝐅𝐈𝐀𝐑𝐀𝐇𝐀-𝐌𝐈𝐀𝐒𝐀
✅Toamasina, 8 jolay 2026 – Amin’izao herinandron’ny fankalazana ny Andro Afrikana iadiana amin’ny kolikoly izao dia nisy ny hetsika nokarakarain’ny BIANCO niarahana tamin’ireo fiarahamonim-pirenena sy fikambanan'ny Tanora ao anatin’ny faritra Atsinanana (Toamasina, Vavatenina) sy Analanjirofo. Nanamarika ity fihaonana ity ny fanaovan-tsonia fiaraha-miasa izay natrehan’ny Tale Jeneralin’ny BIANCO.
✅Fotoana ihany koa io nahafahan'ny mpisehatra ao amin'ny fiarahamonim-pirenena nitafatafa sy nidinika tamin’ny Tale Jeneralin’ny BIANCO ka ny toromarika sy ny hevitra nifampizarana tamin’izany dia entina hanatsarana ny fomba fiasa sy hanamafisana ny traikefan'ireo mpandray anjara.
🌐https://www.bianco-mg.org/fr/actuality/141-rencontre-avec-les-osc-et-signature-de-conventions

Address

Villa "LA PISCINE" Ambohibao/BP 399
Antananarivo
101

Telephone

+261335460000

Website

Alerts

Be the first to know and let us send you an email when Bianco Madagascar - page posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Bianco Madagascar - page:

Shortcuts

Share

Category