https://www.facebook.com/117426486302729/

Anakbayan UP Baguio, Baguio City (2026)

04/08/2026

Walang ibang patunay sa pandarahas na ginagawa ng AFP kundi ang patuloy nitong paghahasik ng takot sa kanayunan!

Mariing kinokondena ng Anakbayan UP Baguio ang nagpapatuloy na militarisasyon sa lalawigan ng Abra matapos ang muling pagbabandera at paggamit ng dahas bilang sagot sa lumalalim na krisis sa kanayunan, kasunod ng mga sunod-sunod na engkwentro sa Tineg at Licuan-Baay, ngayong araw at mga nakaraang linggo.

Sa tinagal-tagal ng panahon, ang militarisasyong ito ay hindi bago para sa Abra. Matagal nang nananalaytay na suliranin ang dugo at dahas na iniiwan ng militar batay sa mahabang listahan nito ng paglabag sa karapatang pantao, panggigipit sa mga sibilyan, at mararahas na operasyong isinasagawa sa ngalan ng hungkag na "kapayapaan" at "kontra-insurhensya."

Sa likod ng mga ito, pilit na itinutulak ang pagsasakaturapan ng 2,000-ektaryang military complex sa parehong lalawigan na magsisilbing panibagong himpilan ng AFP upang pagsilbihan ang gyerang interes ng dayuhang amo nito. Kasabay rin nito ang panghihimasok ng malakihang pagmimina, kabilang ang operasyon ng Yamang Mineral Corp na nakaamba sa Sallapadan, Licuan-Baay, Lacub, at Malibcong na kamakailan ay mariing tinutulan ng sambayanan.

Kung kaya't hindi kataka-taka na patuloy din ang paghahasik ng takot sapagkat lahat ng ito'y intensyunal upang protektahan ay ang interes ng malalaking korporasyon at mga proyektong kumakamkam sa lupaing ninuno na pilit ikinukubli ng AFP bilang makinarya ng pasismo. Sa mababang kasaysayan ng militar, iisa lang ang rason ng pananalagi nito sa kanayunan, at kailanman ay hindi para pagsilbihan ang mamamayan ang rasong ito.

Naninindigan ang Anakbayan UP Baguio na hangga't patuloy na inaagaw ang lupaing ninuno, winawasak ang kalikasan para sa tubo ng iilan, at ginagamit ang AFP bilang protektor at kasangkapan ng mapanirang mga proyekto, hindi mawawala at higit na makatarungan ang paglaban ng mamamayan!

26/07/2026

𝗯𝗔𝗴𝗮𝘆 𝗻𝗔𝗺𝗮𝗻 𝗞𝗮𝗨 𝗲𝗶,, 𝗦𝗨𝗠𝗔𝗠𝗔 𝗦𝗔 𝗦𝗢𝗡𝗔 𝗡𝗚 𝗕𝗔𝗬𝗔𝗡 2026!

Bukas, sa darating na State of the Nation Address (SONA) ni Marcos Jr., salubungin natin ito ng militanteng pagkakaisa upang ibunyag ang mga kasinungalingang itatago ang totoong kalagayan ng bansa.

Ngayong kumakaharap ang sambayanang Pilipono sa samu't saring mga krisis mula sa kawalan ng lupa ng magsasaka, krisis sa edukasyon, kawalan ng sapat na trabaho, patuloy na pagtaas ng mga bilihin, at patuloy na paglabag sa ating karapatan. Lahat ng ito ay nagpapatunay na walang puwang ang mamamayan sa palabas ng mapang-aping sistema.

Tanging sa pagkakaisang tangang epektibong paraan upang mapanday ang inaasam nating kinabukasan. Kung kaya't mahalagang tungkulin ng mga kabataan na ilantad ang tunay na kalagayan ng lipunan at makibaka para sa ating karapatan. Sama-sama tayong manindigan: Marcos at Duterte, Panagutin! ✊

✨ Magsuot ng PUTI!
🗓 Hulyo 27, 2026 (Lunes)
⏰ 10:30 AM
📍 Malcolm Square

24/07/2026

1, 2, 3, GOOO! SAMA-SAMA NA TAYO RITO SA SOYA 2026!

Sa darating muli na State of the Nation Address (SONA) ni Marcos Jr., tiyak na taliwas sa totoong kalagayan ng bansa ang mga mababangong salitang ibabahagi sa naghihirap na sambayanan. Ito'y mga panakip-butas sa ligalig ng ating lipunan. Ngayong tayo'y binabalot ng samu't saring krisis mula sa edukasyon, kawalan ng sapat na trabaho, mahal na bilihin, at mga paglabag sa ating karapatan, at marami pang iba, nagpapatunay ito na walang puwang ang hinayain ng mamamayan sa palabas ng mapang-aping sistema.

Sa kabila ng lahat ng ito, ang pagkakaisa natin sa kasalukuyan ang tanging paraan upang mapanday ang inaasam nating kinabukasan. Kung kaya't mahalagang tungkulin ng mga kabataan na ilantad ang kasingungalingan at ibunyag ang tunay na kalagayan ng bayan. Sama-sama tayong manindigan: Marcos at Duterte, Panagutin!

Bago ang People's SONA sa darating na Hulyo 27, magsama-sama tayo sa isang gabi ng talakayan, pagtatanghal, at paglaban. Sa lahat ng kabataan sa Baguio, mula paaralan hanggang komunidad, tara na sa State of the Youth Address (SOYA) 2026!✊

✨ Kita-kits sa Baguio SOYA 2026!
🗓 Hulyo 26, 2026 (Linggo)
⏰ 5:30 PM
📍 Baguio People’s Center

08/07/2026

Tuloy-tuloy ang ACCLAsang Bayan! Makibeki, Wag Mashokot! ✊🔻❤️‍🔥

Hindi natatapos ang Pride sa pagtatapos ng Hunyo. Ang pakikibaka ng mga sangkabaklaan ay magtutuloy hangga’t nananatili ang pang-aapi at diskriminasyon. Muli nating buhayin ang militanteng diwa ng Pride ngayong Hulyo—ipagdiwang ang buhay ng sangkabaklaan, ipaglaban ang ating mga karapatan, at ipagsigawan ang ating mga panawagan!

Sa gitna ng tumitinding krisis, nananatiling pinagkakaitan ng batayang karapatan ang mga LGBTQIA+ Pilipino. Mula sa diskriminasyon at karahasan hanggang sa kawalan ng makabuluhang proteksyon at kabuhayan, malinaw na hindi sapat ang representasyon kung wala namang tunay na paglaya.

Kaya't halina sa ACCLAsang Bayan—a pre-Queerchella social gathering, sumali sa talakayan na magpapalalim sa ating pag-unawa sa kasalukuyang kalagayan ng LGBTQIA+ sa Pilipinas at magpapatibay sa ating kolektibong paninindigan.

Tayo’y dumalo at magpadalo para sa isang Educational Discussion about The LGBT Situationer in the Philippines and q***r short films and cultural performances!

📍 CSS Courtyard
📅 July 9
🕙 10:00 AM – 5:00 PM

Co-organized by:
Bahaghari Metro Baguio
UPB Kasarian Gender Studies Program
Sumikom

This event would not be possible without:
UPB OBRA
Tanghalang Bayan ng Kabataan sa Baguio

Also brought to you by:
CADUA UPB

With special thanks to:
Innabuyog Gabriela Youth UP Baguio
ACS UPB
League of Filipino Students - UP Baguio
Anakbayan UP Baguio

Makibeki. Makibaka. Makiisa. 🏳️‍🌈✊❤️‍🔥

02/07/2026

𝗧𝗮𝗮𝘀-𝗸𝗮𝗺𝗮𝗼𝗻𝗴 𝗣𝗮𝗴𝗯𝗮𝘁𝗶, 𝗺𝗴𝗮 𝗞𝗮𝘀𝗮𝗺𝗮! ✊

Mataas na pinagpupugayan ng Anakbayan UP Baguio ang inyong pagtatapos.

Sa inyong paglabas ng pamantasan, nawa’y patuloy ninyong bitbitin ang diwang palaban at mga pambansa-demokratikong prinsipyo na hinubog sa pag-aaral, pakikibaka, at paglubog sa hanay ng masa. Higit pa sa diploma ang inyong tangan, dala ninyo ang talino at paninindigang iniaalay sa sambayanan.

Habang tinatahak ninyo ang iba’t ibang larangan, huwag kalimutan na patuloy pa rin ang mga krisis na idunudulot ng mala-kolonyal at mala-pyudal nating lipunan. Nananatiling hamon pa rin ito sa ating lahat na walang humpay na magpatuloy sa pakikibaka. Kaya saanman tayo dalhin ng ating landas, patuloy nating isulong ang pagmumulat, pag-oorganisa, at pagpapakilos ng mas nakararami. Patuloy nating ipaglaban ang pambansa-demokratikong adhikain para sa tunay na paglaya ng bayan.

May mundo pa tayong ipagwawagi.

𝗟𝗨𝗠𝗔𝗟𝗔𝗞𝗔𝗦, 𝗟𝗨𝗠𝗔𝗟𝗔𝗪𝗔𝗞, 𝗟𝗨𝗠𝗔𝗟𝗔𝗕𝗔𝗡, 𝗔𝗡𝗔𝗞𝗕𝗔𝗬𝗔𝗡! 𝗣𝗔𝗚𝗟𝗜𝗡𝗚𝗞𝗨𝗥𝗔𝗡 𝗔𝗡𝗚 𝗦𝗔𝗠𝗕𝗔𝗬𝗔𝗡𝗔𝗡!

29/04/2026

KABATAAN MAKIPAGKAISA SA MASANG ANAKPAWIS, TUMINDIG SA GITNA NG KRISIS!

Siguro patulog ka na ngayon o kakauwi lang galing trabaho? Bukas, bagong araw ulit ng pakikipagsapalaran sa pila ng jeep, pagsusumikap makapasok sa eskuwelahan nang tamang oras, at pagtitipid sa gitna ng kaliwa’t kanang pagtaas ng presyo ng mga bilihin. Napatanong ka na ba kung hanggang kailan ba tayo magtitiis sa ganito?

Gets mo ba ako, pero bakit may mga nagmimistulang naghahari-harian kahit ganito. Habang si Ramon Ang, kasama sila Marcos Jr at Sara Duterte na tuloy-tuloy ang pagpapayaman pero tayong mga ordinaryo ang patuloy na nagdurusa. Kahit tumunganga lang sila ng buong araw, panigurado may papasok na salapi sa kanilang bulsa. Habang tayo, kinakailangang makikipagsiksikan sa lansangang binabalot ng lagkit at pawis, pinapasan ang karampot na sahod, gutom, at kawalan ng seguridad sa buhay.

Habang sinusulat ko ito, pinipilit ko pa rin mangarap. Kahit kulang sa baon, walang pambayad ng tuition, nagtitiis sa gutom, at kailangan pang kumayod para makakain. Minsan hindi ko maiwasan mabalot ng pangamba, na baka magkulang na rin yung barya para sa pamasahe at baka hindi ko marating ang aking destinasyong may ginhawa.

Makatarungan ba ang ganitong kalagayan?

Sigurado akong hindi ako nag-iisa. May mga katulad din akong nangangarap kahit magkakaiba ang pinaroroonan. Sabi nga iba-iba anglandas na tinatahak… yung iba nag-aaral at nagpapakadalubhasa sa paaralan para maging balon ng murang lakas-paggawa… yung iba nasa pagawaan at pabrika para lumikha ng yaman… yung iba nagtatanim at umaani ng pananim na hindi nila nakakain… yung iba puno ng militansya, hindi naman pinanganak na nakataas ang kamao pero handang abutin ang kasulok-sulukan ng mga sitio at baryo para magmulat.

Magkakaiba ang kinatatayuan ng mga kabataan pero may pagkakapareho, lahat ay pinagsasamantalahan. Sa mga kwento ng nauna, may pangarap din sila para sa lahat… pero walang nakamit na hindi nagkakaisa sa pangunguna ng masang anakpawis. Hindi kita kilala pero alam kong nasa iisang krisis tayo ngayon. Kung pagod ka na tulad ko, huwag kang matakot na humawak ng placard at ibigkis ang kamao ng pakikiisa.

Holiday sa isang araw, kita-kits?

29/04/2026

𝗔𝗡𝗢 𝗔𝗡𝗚 𝗠𝗔𝗬𝗢 𝗨𝗡𝗢? ⚙️

Ang Mayo Uno o Araw ng Paggawa ay isang pandaigdigang paggunita sa mga pakikibaka ng uring manggagawa para sa makataong kondisyon sa paggawa, makatarungang sahod, seguridad sa trabaho, at iba pang batayang karapatan sa paggawa.

Sa Pilipinas, unang ipinagdiwang ito noong Mayo 1, 1903, kung saan humigit-kumulang 100,000 manggagawa ang nagmartsa sa pangunguna ng Obrera Democratica de Filipinas patungong Malacañang. Pangunahing panawagan nito ang “Death to Imperialism” upang tutulan ang pagsasamantala at impluwensya ng imperyalismong Estados Unidos sa Pilipinas, gayundin bilang pagkilala sa karapatan ng mga manggagawa na mag-organisa at lumaban para sa kanilang kapakanan.

Sa kasalukuyan, nananatiling buhay ang diwa ng Mayo Uno bilang araw ng pagkilos at paniningil ng mga manggagawa kasama ang lahat ng demokratikong sektor ng lipunan upang labanan ang mababang sahod, kontraktwalisasyon, kawalan ng seguridad sa trabaho, at iba’t ibang anyo ng pang-aabuso sa mamamayan.

28/04/2026

𝗞𝗔𝗕𝗔𝗧𝗔𝗔𝗡, 𝗦𝗨𝗠𝗔𝗠𝗔 𝗦𝗔 𝗠𝗔𝗬𝗢 𝗨𝗡𝗢!

📍 8 AM Assembly, Baguio Convention Center
🔴 MAGSUOT NG P**A 🔻

Sa harap ng magkakaugnay at lumalalang mga suliranin, nananatiling malinaw ang hamon sa bawat kabataang sinusuong ang sistemang mapagsamantala. Hindi hiwalay ang krisis sa atin, ramdam ito ng bawat kabataan sa lahat ng sektor at saray ng masang api ang patuloy na pagsirit ng presyo ng bilihin, kawalan ng batayang pangangailangan, at kawalang kasiguraduhan na kabuhayan.

Ang walang tigil na gyerang agresyon ng Estados Unidos sa iba’t ibang bahagi ng mundo ay kumitil ng buhay ng mga kabataan. Habang sa Pilipinas, walang saysay na solusyon at pasismo ang tugon ng rehimeng US-Marcos Jr. sa hinaing ng mamamayan. Talamak pa rin ang korapsyon at malayang nakakapagpaluho ang mga gahamang sangkot sa ilalim ng nabubulok na sistema ng estado. Sa ganitong kalagayan, nananatiling pinakamabigat ang pasan ng masang anakpawis.

Kung kaya makiisa sa malawak na hanay ng mga batayang sektor at sama-samang itaguyod ang mga panawagan ng masang Pilipino. Sa darating na Mayo Uno, tumindig kasama ang manggagawa, magsasaka, maralita, tsuper, at lahat ng masang inaapi. Hangga’t walang makatarungang pamumuhay, hindi titigil maningil ng hustisya ang mamamayan!

26/04/2026

𝗛𝗨𝗦𝗧𝗜𝗦𝗬𝗔 𝗣𝗔𝗥𝗔 𝗦𝗔 𝗧𝗢𝗕𝗢𝗦𝗢 𝟭𝟵! 𝗠𝗜𝗟𝗜𝗧𝗔𝗥 𝗦𝗔 𝗞𝗔𝗡𝗔𝗬𝗨𝗡𝗔𝗡, 𝗣𝗔𝗟𝗔𝗬𝗔𝗦𝗜𝗡!

Mariing kinokondena ng Anakbayan UP Baguio ang walang habas na pagpatay ng 79th Infantry Battalion ng AFP kila Alyssa Alano, RJ Ledesma, Maureen Keil Santuyo, Errol Wendel, Lyle Prijoles, Kei Sorem, at iba pang biktima ng teroristang operasyon ng berdugong estado sa Toboso, Negros Occidental. Nakikiisa rin kami sa pakikiramay sa mga pamilya at kasama nilang pinagkait pang makita at makasalamuha sila muli.

Malinaw na ang mga biktima ay mga sibilyan na nagtungo sa kanayunan para pag-aralan ang kalagayan ng mga pinagsasamantalahang magsasaka. Si Alyssa ay isang lider-estudyante ng UP Diliman at kasalukuyang USC Councilor. Si RJ ang nagsisilbing regional coordinator ng Altermidya sa Negros Island. Kasama rin nila si Maureen Keil Santuyo, isang peasant advocate sa ilalim ng NNARA Youth; at si Errol Wendel, isang organisador at staff ng Unyon ng mga Manggagawa sa Agrikultura (UMA). Samantalang sila Lyle Prijoles, isang Filipino-American human rights advocate; at si Kai Sorem, isang aktibistang Filipino-American din na piniling bumalik sa Pilipinas upang ganap na makita ang katotohanan sa bansa.

Taliwas sa pinapakalat ng estado tungkol sa kanila, sila ay mga pamilya, kaibigan, at kasama ng mamamayan na piniling talikuran ang komportableng buhay para makipamuhay at ipaglaban ang ang karapatan ng pinagsasamantalahan sa Negros: ang mga magsasaka at manggagawang bukid. Malinaw na ang kanilang desisyon ay kadakilaang nauugat sa pagmamahal at hindi terorismo, sapagkat tumatagos sa puso ng mga inaapi sa kanayunan ng Negros ito.

Habang ang mga komunidad sa Negros ay nakakaranas ng matinding militarisasyon, pagkamkam ng lupa, development aggression, at pananamantala mula sa mga panginoong may-lupa, walang pag-aatubili silang tumugon na pagsilbihan ang mamamayang patuloy na inaapi ng sistema. Ito’y pagsisilbi na hindi nangangailangan ng permit, hindi nangangailangan ng koordinasyon sa mismong nang-aapi sa masa. Hindi ito katanungan kung bakit nasa “mapangib na lugar” bagkus kailangan nating suriin kung bakit ba ito humantong sa pagiging mapanganib?

Sa ilalim ng rehimen ni Duterte, isinailalim mula noong 2018 ang Negros sa tinaguriang “State of Lawless Violence”. Ito’y isang mekanismo upang maghasik ng lagim sa isla sa pamamagitan ng militarisasyon at paglabag sa karapatang pantao. Sa operasyong kinasa noong Abril 19, hindi bababa sa 168 pamilya at 800+ indibidwal ang napilitang lumikas sa kanilang mga tahanan. Sa halip na tugunan ang panawagan ng mga magsasaka para sa lupa at nakabubuhay na sahod, ang isinagot ng estado ay terorismo. Sina Alyssa, RJ, Maureen, Errol, Lyle, at Kai ay pilit pinapalabas na NPA upang bigyang-katwiran ang kanilang kamatayan.

Sa kabila ng mga pahayag ng AFP laban sa kanila, lalo lamang nahahayag ang kawalan ng kredibilidad ng militar, kung saan paulit-ulit na ginagamit ang red-tagging at disimpormasyon upang gawing lehitimo ang pagpaslang sa mga sibilyang naglilingkod sa masa. Patunay na walang pinipiling target ang pasistang estado, sapagkat estudyante, aktibista, mamamahayag, o karaniwang mamamayan man.

Hindi kailanman naging mali ang paggamit ng edukasyon at kakayahan upang maunawaan at baguhin ang kalagayan ng lipunan. Sa harap ng kahirapan at pang-aapi, patuloy na may mga umusbong at pinipiling maglingkod sa kanayunan kung saan naroon ang nakararaming pinagsasamantalahan. Sa bigat na sakit at pagluluksa, sigurado kami na hindi mabubura ang kanilang bakas sa puso ng mamamayan na kanilang pinagsilbihan at sa mga nais magpatuloy ng kanilang sinimulan.

Pinakamataas na pagpupugay ang dapat ialay ng mga kabataan kina Alyssa Alano, RJ Ledesma, Maureen Keil Santuyo, Errol Wendel, Lyle Prijoles, Kai Sorem, at sa lahat ng biktima ng Toboso Massacre. Sa gitna ng krisis sa kasalukuyan, hindi kataka-taka na ang tatahaking landas ng kabataan ay ang masilbi sa sambayanan!

HUSTISYA PARA KAY ALYSSA ALANO!
HUSTISYA PARA KAY RJ LEDESMA!
HUSTISYA PARA KAY MAUREEN KEIL SANTUYO!
HUSTISYA PARA KAY ERROL WENDEL!
HUSTISYA PARA KAY KAI SOREM!
HUSTISYA PARA KAY LYLE PRIJOLES!
HUSTISYA PARA SA LAHAT NG BIKTIMA NG BERDUGONG ESTADO!

26/04/2026

ICYMI | NAKIISA ANG ANAKBAYAN UPB SA PAGDIRIWANG NG 42ND PEOPLES’ CORDILLERA DAY SA BAGUIO PUBLIC MARKET!

Sa pagdiriwang ng ika-42 taon ng Peoples’ Cordillera Day, bitbit ng mga kabataan ang mga panawagan upang patuloy na patambulin ang isyu ng lungsod at iba pang sektor. Nag-walkout sa mga klase at nagtungo sa Baguio Public Market ang mga kabataan upang samahan ang mga maliit na manininda, tsuper, maralitang lungsod, at iba pang batayang sektor sa pagdiriwang ng araw na ito. Ang esensya ng Peoples’ Cordillera Day ay isang pagkilala at pagpapatuloy ng sinimulang pakikibaka nila Macli-ing Dulag laban sa pagpapatayo ng dambuhalang dam sa Chico River na makakaapekto sa mga komunidad ng Mt. Province at Kalinga.

Sa gitna ng tumitinding krisis panlipunan dahil sa gyerang agresyon ng US-Israel sa Iran, muling naiipit ang mga kabataan sa kaguluhang hindi namin nilikha. Dahil naaapektuhan ang ekonomya, ipinapasa sa mga mamamayan ang kapasidad na pasanin ang krisis. Sa kabila ng lahat, inutil ang tugon ni Marcos Jr. na tanging band-aid solutions para maprotektahan ang interes ng mga korporasyong gumaganansya sa lahat ng ito.

Kahit pa man sunod-sunod ang mga pasistang atake sa mga kabataan dahil sa ating militanteng pakikibaka, huwag tayong panghinaan ng loob na magpatuloy. Inuudyok tayo ng panahon upang panindigan ang landas na magbibigay katarungan para sa mamamayang nag-alay ng buhay para sa sambayanan.

Anakbayan UP Baguio

04/08/2026

26/07/2026

24/07/2026

08/07/2026

02/07/2026

29/04/2026

29/04/2026

28/04/2026

26/04/2026

26/04/2026

Address

Website

Alerts

Contact The Organization

Shortcuts

Share

Category