08/06/2026
๐๐๐ฉ๐ซ๐๐ฌ๐๐ง๐ญ๐ข๐ง๐ ๐๐ฎ๐๐ซ๐ญ๐จ ๐๐ซ๐ข๐ง๐๐๐ฌ๐ ๐ฐ๐ข๐ญ๐ก ๐ฉ๐ซ๐ข๐๐!
Huge congratulations to our 2025 MELLPI Pro regional nominees:
Barangay Babuyan (Outstanding BNC), Aldwin Manalon (Outstanding BNS), and Rinelyn Belleza (Outstanding CNPC).
Thank you for championing health and nutrition in our city. Best of luck this October!
#๐๐ฎ๐๐ซ๐ญ๐จ๐๐ซ๐ข๐ง๐๐๐ฌ๐๐๐ซ๐ข๐๐ || ๐๐๐๐. ๐๐๐๐๐๐๐, ๐๐๐๐๐๐๐๐๐ ๐๐ ๐๐๐๐๐๐ ๐๐๐๐๐๐๐๐ ๐๐ ๐๐๐๐๐๐๐๐ ๐๐๐๐๐๐ ๐๐๐๐ ๐๐ ๐๐๐๐๐๐๐๐๐๐๐ ๐๐๐๐๐๐๐๐ ๐๐๐๐๐๐๐๐๐ ๐๐๐๐๐๐๐
๐๐๐ฒ๐ ๐๐ฌ๐ญ๐ข๐๐ง๐๐๐ง, ๐๐๐ ๐๐๐ฅ๐ข๐ญ๐
๐๐ฎ๐ง๐ฒ๐จ ๐๐, ๐๐๐๐
Dumaan sa masusing pagsusuri ng Regional Nutrition Evaluation Team ng National Nutrition Council (NNC)-MIMAROPA ang mga programang pangnutrisyon ng Pamahalaang Lungsod ng Puerto Princesa sa isinagawang Monitoring and Evaluation of Local Level Plan Implementation Protocol (MELLPI Pro) para sa taong 2025 noong Hunyo 6, 2026. Bahagi ng evaluation ang pag-assess sa mga nominado ng lungsod para sa Regional Search for Outstanding Barangay Nutrition Council (BNC), Outstanding Barangay Nutrition Scholar (BNS), at Outstanding City Nutrition Program Coordinator (CNPC), na kumikilala sa mga natatanging programa at indibidwal na may mahalagang ambag sa pagsusulong ng nutrisyon sa kanilang komunidad.
Kinakatawan ng Barangay Babuyan ang Puerto Princesa sa paghahangad na makamit ang pagkilala bilang Outstanding Barangay Nutrition Council, habang sina Aldwin Manalon at Rinelyn Belleza, kapwa mula sa nasabing barangay, ang nominado para sa Outstanding Barangay Nutrition Scholar at Outstanding City Nutrition Program Coordinator. Pinangunahan ang pagsusuri nina Keren Faye Gaya, Nutrition Officer III ng NNC-MIMAROPA; Justine Fernandez, Nutritionist-Dietician II; at Armando Golifardo Jr., Local Government Operations Officer II ng DILG-MIMAROPA, na nagsuri sa implementasyon at epekto ng mga programang pangnutrisyon ng lungsod at barangay.
Layunin ng MELLPI Pro na masukat ang bisa at lawak ng pagpapatupad ng mga programa sa nutrisyon, lalo na ang mga inisyatibong nakatutok sa pagpapabuti ng kalagayang pangnutrisyon ng mga bata, buntis, nagpapasusong ina, at iba pang sektor na nangangailangan ng espesyal na pangangalaga. Sa isinagawang presentasyon, inilatag ng mga kinatawan ng Puerto Princesa City Nutrition Office na sina Maria Concepcion Solidum, Grace Parales, at Rinelyn Belleza ang mga datos, programa, at mahahalagang tagumpay ng lungsod sa pagpapatupad ng mga intervention laban sa malnutrisyon.
Ang pagkakapili sa Barangay Babuyan bilang kinatawan ng Puerto Princesa ay patunay ng aktibong pakikilahok ng komunidad at ng matagumpay na pagtutulungan ng barangay, mga nutrition worker, at lokal na pamahalaan sa pagsusulong ng wastong nutrisyon at malusog na pamumuhay.
Higit pa sa pagkilala, ipinakikita nito ang patuloy na pagsisikap ng lungsod na mapabuti ang kalusugan at kalidad ng buhay ng mga Puerto Princesan sa pamamagitan ng mga programang nakatuon sa nutrisyon, kalusugan ng ina at bata, at food security. Inaasahang ilalabas sa Oktubre ang resulta ng regional evaluation kung saan kabilang ang Puerto Princesa sa mga lokal na pamahalaang nagpakita ng kahusayan sa pagpapatupad ng mga programang pangnutrisyon.
