Georgia in Estonia

28/05/2026

📢საქართველოს საგარეო საქმეთა სამინისტრო აცხადებს საგრანტო კონკურსს „ჩემი ქართული სკოლა“

📌პროექტის მიზანი:

➡️ქართული ენის სწავლების ხარისხის გაუმჯობესება;
➡️მოსწავლეების კულტურულ აქტივობებში ჩართულობის გაზრდა;
➡️საკვირაო სკოლების გაძლიერება სასწავლო მასალით და შემოქმედებითი რესურსებით;
➡️საზღვარგარეთ მოქმედი ქართული საკვირაო სკოლების მხარდაჭერა, საზღვარგარეთ საქართველოს დიპლომატიურ წარმომადგენლობებისა და საკონსულო დაწესებულებების ჩართულობით.

✅კონკურსში მონაწილეობა შეუძლიათ:

➡️საზღვარგარეთ მოქმედ ქართულ დიასპორულ ორგანიზაციებს;
➡️საზღვარგარეთ მოქმედ ქართულ საკვირაო სკოლებს;
➡️საზღვარგარეთ მოქმედ არაკომერციულ ორგანიზაციებს, რომლებიც საქმიანობენ ქართული ენისა და კულტურის პოპულარიზაციის მიმართულებით, რომლებიც თანამშრომლობენ ქართულ საკვირაო სკოლებთან;
➡️სულ მცირე ბოლო ერთი წლის განმავლობაში საზღვარგარეთ მცხოვრებ და ადგილსამყოფელ ქვეყანაში არანაკლებ შემდგომი ექვსი თვის მანძილზე ცხოვრების უფლების მქონე საქართველოს მოქალაქეებს.

📩განაცხადები მიიღება 2026 წლის 28 ივნისის ჩათვლით, ელ-ფოსტის მისამართზე: [email protected]

📌კონკურსის შედეგები გამოცხადდება 2026 წლის 28 ივლისს.

🔗დამატებითი ინფორმაცია იხილეთ: https://mfa.gov.ge/news/077749-saqartvelos-sagareo-saqmeta-saministro-atskhadebs-sagranto-konkurss-chemi-qartuli-skola

27/05/2026

25/05/2026

11/05/2026

ხმა მიეცი საქართველოს

ხმის მიცემა დაიწყება ესტონეთის დროით 23:25 საათზე

30/04/2026

განათლების, მეცნიერებისა და ახალგაზრდობის მინისტრის მოადგილე ზვიად გაბისონიამ, ესტონეთში სამუშაო ვიზიტის ფარგლებში, სამუშაო შეხვედრები გამართა.
მინისტრის მოადგილე, საქართველოში ციფრული განათლების სისტემის გაუმჯობესების მიზნით, ესტონეთის განათლებისა და კვლევის სამინისტროს, განათლების ხარისხის განვითარების ეროვნული ცენტრის და უმაღლესი განათლების სისტემის წარმომადგენლებს შეხვდა.
შეხვედრებზე ზვიად გაბისონიამ ესტონურ მხარეს საქართველოს უმაღლესი განათლების სისტემის რეფორმის შესახებ მიაწოდა დეტალური ინფორმაცია. მინისტრის მოადგილემ განსაკუთრებული ყურადღება გაამახვილა უმაღლესი საგანმანათლებლო პროგრამების განხორციელების პროცესში ციფრული ტექნოლოგიების გამოყენებისა და ტექნოლოგიური ინფრასტრუქტურის მოდერნიზაციის აუცილებლობაზე.
სამუშაო ვიზიტის ფარგლებში ზვიად გაბისონია ტალინის ტექნოლოგიურ უნივერსიტეტს (TalTech) ეწვია, სადაც ონლაინ სწავლების პროცესს, უნივერსიტეტის ციფრულ ინფრასტრუქტურასა და TalTech-ის სპეციალურ AI პლატფორმას გაეცნო. აღნიშნული პლატფორმა უნივერსიტეტში ხელოვნური ინტელექტის დანერგვას, მის ეთიკურ გამოყენებასა და მაღალი ხარისხის კვლევის განვითარებას უზრუნველყოფს.
სამუშაო შეხვედრები ევროკავშირის Erasmus+ პროგრამის ფარგლებში დაფინანსებული პროექტის – „მაღალი ხარისხის ციფრული განათლების ხელშეწყობა საქართველოში“ (PRODIGE) ეგიდით გაიმართა.
შეხვედრებს ესწრებოდნენ ესტონეთის განათლებისა და ახალგაზრდობის საბჭოს, საინფორმაციო ტექნოლოგიების აკადემიისა (IT Academy) და ევროპის მენეჯმენტის განვითარების ფონდის (EFMD) წარმომადგენლები, ასევე ესტონეთის რესპუბლიკაში საქართველოს ელჩის მოვალეობის შემსრულებელი ირაკლი გიგაური.

15/04/2026

📢 საგარეო საქმეთა სამინისტრო აცხადებს დედაენის დღისადმი მიძღვნილ საგრანტო კონკურსს „ჩემი ენა ქართული“

📌პროექტის მიზანი:

➡️ქართული ენისა და კულტურის პოპულარიზაცია საზღვარგარეთ;
➡️დიასპორული ინიციატივების მხარდაჭერა და დედაენის დღის აღნიშვნის ხელშეწყობა, საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების აქტიური ჩართულობით.

✅კონკურსში მონაწილეობა შეუძლიათ:

➡️საზღვარგარეთ მოქმედ ქართულ დიასპორულ ორგანიზაციებს;
➡️ქართულ საკვირაო სკოლებს;
➡️საზღვარგარეთ მოქმედ არაკომერციულ ორგანიზაციებს, რომლებიც საქმიანობენ ქართული ენისა და კულტურის პოპულარიზაციის მიმართულებით;
➡️სულ მცირე ბოლო ერთი წლის განმავლობაში საზღვარგარეთ მცხოვრებ და ადგილსამყოფელ ქვეყანაში არანაკლებ შემდგომი ექვსი თვის მანძილზე ცხოვრების უფლების მქონე საქართველოს მოქალაქეებს.

📩 განაცხადები მიიღება 2026 წლის 14 მაისის ჩათვლით, ელ-ფოსტის მისამართზე: [email protected]

📍კონკურსის შედეგები გამოცხადდება 2026 წლის 26 მაისს.

🔗 დამატებითი ინფორმაცია იხილეთ: https://estonia.mfa.gov.ge/news/455652-sagareo-saqmeta-saministro-atskhadebs-dedaenis-dghisadmi-midzghvnil-sagranto-konkurss-chemi-ena-qart

12/04/2026

საქართველოს საელჩო ესტონეთის რესპუბლიკაში გილოცავთ აღდგომის ბრწყინვალე დღესასწულს!

18/03/2026

სრულიად საქართველოს კათოლიკოს-პატრიარქის, ილია II-ის გარდაცვალებასთან დაკავშირებით, სამძიმრის წიგნი გაიხსნება საქართველოს საელჩოში, მისამართზე: Viru väljak 2, 10111 Tallinn.

19 და 20 მარტს, 13:00-დან 16:00 საათამდე.

18/03/2026

18/03/2026

GEO/ENG
სრულიად საქართველოს ვუსამძიმრებ ჩვენი ერის სულიერი მამის, სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის გარდაცვალებას.

მისი გარდაცვალებით დასრულდა უდიდესი ეპოქა ჩვენი დედაეკლესიისა და ქართული სახელმწიფოს ისტორიაში. უწმინდესის მწყემსთავრობის პერიოდი ჩვენი ქვეყნისთვის ურთულეს, გარდამტეხ წლებს დაემთხვა. ამ ისტორიულ გზაზე იგი მუდმივად რჩებოდა ერის სულიერ წინამძღვრად და ერთიანობის სიმბოლოდ. პატრიარქმა საკუთარი სიბრძნით, მოყვასისადმი სიყვარულით, უსაზღვრო მოთმინებითა და მიტევების უნარით შეძლო ჩვენს გულებში რწმენის განმტკიცება.

უწმინდესის ღვაწლი სცდება წმინდა სასულიერო განზომილებას. ეროვნული თვითმყოფადობის შენარჩუნების, ტრადიციების გადარჩენისა და სახელმწიფოებრიობის განმტკიცების საქმეში ილია II-ის ღვაწლი ფასდაუდებელია. უფლის, სამშობლოსა და ადამიანისადმი უანგარო მსახურებით მან სამუდამოდ დაიმკვიდრა ადგილი ჩვენი მრავალსაუკუნოვანი ისტორიის უდიდეს მოღვაწეთა შორის.

გულწრფელ სამძიმარს ვუცხადებ საქართველოს სამოციქულო ავტოკეფალურ მართლმადიდებელ ეკლესიას, წმინდა სინოდს, მღვდელმთავრებს, მრევლს და თითოეულ თანამოქალაქეს. ჩვენი და ყველა მომავალი თაობის ვალია, ღირსეულად გავუფრთხილდეთ ჩვენი სულიერი მამის უდიდეს მემკვიდრეობას.
საუკუნოდ იყოს მისი ხსენება.
საქართველოს პრემიერ-მინისტრი
ირაკლი კობახიძე

I extend my condolences to all of Georgia on the passing of the spiritual father of our nation, His Holiness and Beatitude Ilia II, Catholicos-Patriarch of All Georgia.

With his passing, a great era in the history of our Mother Church and the Georgian state has come to an end. The period of patriarchate of His Holiness coincided with the most difficult and pivotal years for our country. Along this historic path, he remained a spiritual leader of the nation and a symbol of unity. Through his wisdom, love for others, boundless patience and capacity for forgiveness, the Patriarch strengthened faith in our hearts.

The legacy of His Holiness goes beyond the purely spiritual dimension. His contribution to preserving national identity, safeguarding traditions and strengthening statehood is invaluable. Through his selfless service to God, the homeland and humanity, Ilia II has secured an eternal place among the greatest figures in our centuries-old history.

I extend my sincere condolences to the Georgian Apostolic Autocephalous Orthodox Church, the Holy Synod, the clergy, the faithful and every single citizen of the country. It is the duty of us and all future generations to carefully preserve the immense legacy of our spiritual father.

May his memory be eternal
Irakli Kobakhidze
Prime Minister of Georgia