Bng Gondomar

26/10/2026

O BNG de Gondomar denuncia novamente o desprezo do Pleno municipal por parte de Paco Ferreira.

A ausencia de plenos é unha mostra máis da parálise en que o Ferreira ten sumido o Concello. Só exerce de alcalde ‘virtual’, máis ocupado nas redes sociais e nas súas ‘xiras moteiras’ que en cumprir coas súas obrigas municipais”

Podes ler a nova completa aquí: 👇

A fronte nacionalista denuncia que neste ano non se celebraron as sesións ordinarias dos plenos de xaneiro, marzo, abril, agosto e setembro; que dos únicos c...

25/10/2026

25/10/2026

Para facer valer os intereses de Galiza en Madrid. Para avanzar en dereitos e defender a vida digna. Para frear á dereita.

Agora, con máis forza! Imos a por todas o 29N. É o momento.

18/10/2026

No Día Mundial da Menopausa (18 outubro), reivindico o dereito das mulleres a vivirmos esa etapa das nosas vidas sen tabús nin estigmas. Coa liberdade de exteriorizarmos as seus síntomas sen que se resinta a nosa autoestima.

Aínda queda moito por andar no acompañamento desta etapa vital, tanto no ámbito da sanidade como no laboral. E desde logo tamén no do espazo público.

Serva de exemplo este lamentable episodio na miña vida política.

A súa incapacidade para rebater a miña argumentación no debate converteuse en ridiculización do uso do abano que eu empregaba para mitigar os sofocos.

E non foi só o alcalde, houbo un coro de risas que o acompañaron. Cero empatía ou sensibilidade.

Mulleres do mundo, feliz menopausa!

Manuela Rguez. Pumar
Voceira do BNG en Gondomar

16/10/2026

🗳️ O BNG de Gondomar elixe a Manuela Rodríguez Pumar como candidata á Alcaldía para as municipais de maio de 2027.

A Asemblea local deulle o seu aval unánime como cabeza de lista, recoñecendo o traballo feito neste mandato como voceira municipal e deputada provincial.

O BNG preséntase como a forza que máis iniciativas presentou e a única que fai campañas informativas periódicas nas parroquias. Co obxectivo claro: ser forza decisiva na futura gobernanza do Concello e dar a Gondomar o impulso que precisa.

Manuela Rodríguez: “Aspiramos a ser forza decisiva para a futura gobernanza do Concello, para rematar dunha vez co desgoberno actual”.

Un goberno que escoite, que responda ás necesidades da veciñanza e que goberne á pe de rúa, non desde as redes sociais. 👇

08/10/2026

📢 Esta semana rexistramos unha queixa polo mal estado de varias instalacións municipais.

Un exemplo é a ponte que une o Parque da Coelleira coa Policía Local, onde a falta de mantemento é evidente:

▪️ Hai falta de terra na entrada da ponte, que poden provocar caídas.
▪️ O chan é irregular, con táboas levantadas.
▪️ A malla antiescorregadiza está rota e ten buracos nos que se poden enganchar os pés.

Celebramos que o Concello invista en novas instalacións, como as do Parque das Ánimas. Pero o novo non pode facerse a costa do que xa existe: a Coelleira ou o Parque da Feira que tamén están en situación de risco para as nenas e nenos que os usan (podedes velo nas imaxes adxuntas nesta publicación).

👉 Esiximos unha revisión e reparación urxente destes espazos. A seguridade da veciñanza, e sobre todo da infancia, non pode esperar.

04/10/2026

🏠 Onte, O BNG saíu á rúa pola vivenda.

Miles de persoas encheron as rúas da cidade contra a especulación e os seus cómplices e por un dereito a unha vivenda digna. O BNG Baiona o BNG de Gondomar e o BNG Nigrán estivemos alí, porque vivir con dignidade non pode ser un luxo.

Esiximos máis vivenda pública, un plan contra o sen-fogarismo e medidas reais para frear os prezos do alugueiro e a especulación. No Val de Miñor sabemos ben o que é non atopar onde vivir.

A vivenda é un dereito, non un negocio. Seguimos! ✊

21/09/2026

🚨 O BNG lamentamos que o Partido Popular aproveite os incendios —coma o desta tarde en San Cibrán, na parroquia de Donas— para facer política partidaria e auténtica propaganda.

Chama a atención que, cun incendio en marcha e con medios traballando sobre o terreo, o cartel destaque en grande o nome da portavoz do PP en Gondomar por riba de calquera outra cousa.

Se dedicasen durante todo o ano o mesmo esforzo á prevención que agora dedican ao autobombo, terían motivos para presumir. Pero non é o caso. Este tipo de actuacións son un auténtico NOXO.

17/09/2026

🚨 Desde o BNG de Gondomar instamos ao goberno local a mellorar o servizo de xestión de resíduos na mesma medida que subiu a taxa do lixo. Facémonos eco das denuncias veciñais en Borreiros e Donas, onde mobles, aparellos domésticos e outros obxectos voluminosos quedan abandoados durante días zunto aos contenedores de lixo ordinario máis tamén pasa en outros lugares do concello.

👩‍🦰👨‍🦰👩‍🦱👨‍🦳🧓🧑 As veciñas e veciños lamentan que haxa quen deposita eses materiais nas illas de contenedores de xeito irregular, máis tamén que o Concello non pase a recollelos cando avisan da situación.

✍ No Bloque instamos ao goberno a desenvolver campañas efectivas de sensibilización e educación ambiental, de popularización da existencia e o funcionamento do servizo do punto limpio (e do desconto polo seu uso na taxa a pagar), ou da recollida de voluminosos a domicilio.

15/09/2026

📢 Poñemos a disposición da veciñanza un modelo de alegacións á ordenanza do prezo dos servizos de auga e saneamento, elaborado a partir do debatido nas reunións informativas parroquiais.

O documento propón bonificacións e fraccionamento de pago para casos de baixos ingresos ou dificultades económicas transitorias, tarificación progresiva que incentive o aforro de auga, e excepcións xustificadas á obriga de enganche ao saneamento.

📄 O documento é o que aparece adxunto nesta publicación, e tamén o podedes atopar na nosa páxina web, na parte superior, no apartado DOCUMENTOS.

⏰ O prazo remata este xoves 17 de setembro ás 12 da noite. Podedes presentalo de xeito presencial pola mañá ou a través da sede electrónica.

Documento:https://gondomar.bng.gal/media/bnggondomar/files/2026/09/14/Alegaci%C3%B3ns%20Ordenanza%20Auga%20e%20Saneamento_xen%C3%A9rica.pdf