Invest in Georgia

30/09/2026

საქართველოს ეკონომიკისა და მდგრადი განვითარების სამინისტროს სსიპ ინვესტიციების სააგენტოს თავმჯდომარე მიხეილ ხიდურელი აზერბაიჯანის საერთაშორისო საინვესტიციო ფორუმის (AIIF 2026) პანელურ დისკუსიაში მონაწილეობდა, სადაც საქართველოს საინვესტიციო გარემოზე, ქვეყანაში მიმდინარე საინვესტიციო პროექტებსა და აზერბაიჯანთან ეკონომიკური თანამშრომლობის შემდგომ განვითარებაზე ისაუბრა.

26/09/2026

25/09/2026

საქართველო CPHI Milan 2026-ზე!

6-8 ოქტომბერს ქართული ფარმაცევტული კომპანიები მსოფლიო ფარმაცევტული ინდუსტრიის ერთ-ერთ წამყვან საერთაშორისო გამოფენაზე წარდგებიან.

ღონისძიება მიზნად ისახავს საქართველოში წარმოებული მედიკამენტების ექსპორტის ხელშეწყობას, საერთაშორისო პარტნიორების მოძიებას და ქვეყნის ფარმაცევტული პოტენციალის გლობალურ ბაზარზე წარდგენას.

მილანი, იტალია
6-8 ოქტომბერი, 2026

22/09/2026

საქართველო SIAL Paris 2026-ზე!

წელს საქართველო 17–21 ოქტომბერს SIAL Paris-ზე 31 ქართული კომპანიითა და 3 თემატური პავილიონით იქნება წარმოდგენილი.

SIAL Paris მსოფლიოში ერთ-ერთი უმსხვილესი საერთაშორისო საკვებისა და სასმელების გამოფენაა, რომელიც ქართული კომპანიებისთვის საერთაშორისო პარტნიორებთან თანამშრომლობისა და საექსპორტო შესაძლებლობების გაფართოების მნიშვნელოვან პლატფორმას წარმოადგენს.

19/09/2026

საბერძნეთის დედაქალაქ ათენში, საქართველოს ეკონომიკისა და მდგრადი განვითარების სამინისტროს სსიპ ინვესტიციების სააგენტოსა და Enterprise Greece-ს შორის ურთიერთგაგების მემორანდუმი გაფორმდა.

მემორანდუმს ხელი მოაწერეს ინვესტიციების სააგენტოს თავმჯდომარემ მიხეილ ხიდურელმა და Enterprise Greece-ის ხელმძღვანელმა დიმიტრი სკალკოსმა. დოკუმენტი მხარეებს შორის თანამშრომლობის გაძლიერებას, გამოცდილების გაზიარებას და ბიზნესკავშირების განვითარებას ითვალისწინებს.

18/09/2026

ათენში, საქართველოს ეკონომიკისა და მდგრადი განვითარების სამინისტროს სსიპ ინვესტიციების სააგენტოს დელეგაციის სამუშაო ვიზიტის ფარგლებში, ბერძნული ბიზნესის წარმომადგენლებთან მრგვალი მაგიდის ფორმატის შეხვედრა გაიმართა.

შეხვედრაზე საქართველოს ბიზნესგარემო, საინვესტიციო პოტენციალი და სხვადასხვა სექტორში არსებული შესაძლებლობები განიხილეს. ყურადღება გამახვილდა ბერძნულ კომპანიებთან თანამშრომლობის პერსპექტივებსა და ორ ქვეყანას შორის ბიზნესკავშირების გაძლიერებაზე.

მრგვალი მაგიდა ინვესტიციების სააგენტოსა და Enterprise Greece-ის თანამშრომლობის ფარგლებში გაიმართა და მასში მონაწილეობა მიიღეს ინვესტიციების სააგენტოს თავმჯდომარემ, მიხეილ ხიდურელმა, მისმა მოადგილემ, თორნიკე სულაბერიძემ და საქართველოს ელჩმა საბერძნეთის რესპუბლიკაში ლევან ბერიძემ.

შეხვედრაში მონაწილეობდნენ საბერძნეთის ბიზნესასოციაციებისა და კერძო სექტორის წარმომადგენლები საინფორმაციო ტექნოლოგიების, ენერგეტიკის, ინფრასტრუქტურის, მშენებლობის, ტრანსპორტის, ლოგისტიკისა და წარმოების სექტორებიდან.

11/09/2026

ეკონომიკისა და მდგრადი განვითარების მინისტრის მოადგილე ირაკლი ნადარეიშვილი და სსიპ ინვესტიციების სააგენტოს თავმჯდომარის მოადგილე თორნიკე სულაბერიძე CIFTIS-2026-ს ესწრებიან.

საქართველო მომსახურებით ვაჭრობის ჩინეთის საერთაშორისო გამოფენაზე ეროვნული პავილიონით პირველად არის წარმოდგენილი. პეკინში მიმდინარე გამოფენაზე საქართველოს მონაწილეობას სსიპ ინვესტიციების სააგენტო უზრუნველყოფს.

საქართველოს ეროვნულ პავილიონში ირაკლი ნადარეიშვილმა პეკინის ვიცე-მერს, თანგ ვენხუნგს უმასპინძლა. შეხვედრის ფარგლებში პეკინის ვიცე-მერი საქართველოს საინვესტიციო და ბიზნესგარემოს გაეცნო და პავილიონში წარმოდგენილი ქართული ღვინო დააგემოვნა.

CIFTIS-2026-ში 90 ქვეყანა, რეგიონი და საერთაშორისო ორგანიზაცია, ასევე 1 800-ზე მეტი კომპანია მონაწილეობს.

10/09/2026

🇬🇧🇬🇪 საქართველოში კიდევ ერთი მნიშვნელოვანი ბრიტანელი ინვესტორი შემოვიდა - Contact Web Ltd.

სსიპ ინვესტიციების სააგენტოს აქტიური ჩართულობით, კომპანიამ საქართველოში ოპერირება დაიწყო და გაფართოებას გეგმავს, რაც დაახლოებით 250 ახალი სამუშაო ადგილის შექმნას ითვალისწინებს.

10/09/2026

გაიტანე შენი პროდუქტი ჩინეთის ბაზარზე.

ეკონომიკისა და მდგრადი განვითარების სამინისტროს სსიპ „ინვესტიციების სააგენტო“ იწვევს ექსპორტზე ორიენტირებულ ქართულ კომპანიებს 2026 წლის 5–10 ნოემბერს, შანხაიში, ჩინეთის საერთაშორისო იმპორტის გამოფენაში (China International Import Expo, CIIE) მონაწილეობის მისაღებად.

ეს არის შესაძლებლობა ქართული კომპანიებისთვის, წარადგინონ საკუთარი პროდუქცია საერთაშორისო ბაზარზე, შეხვდნენ პოტენციურ ბიზნესპარტნიორებს და შექმნან ახალი საექსპორტო შესაძლებლობები ჩინეთში.

პირველი მონაწილეობა უფასოა.

რეგისტრაციის ბოლო ვადა: 19 სექტემბერი, 2026

თუ შენი კომპანია აწარმოებს საკვებს, სასმელს, სოფლის მეურნეობის, საფეიქრო ან სხვა საექსპორტო პროდუქტს, გაიგე მეტი მონაწილეობის შესახებ.

დარეგისტრირდი ახლა

The China International Import Expo (CIIE) will be...

10/09/2026

Spielwarenmesse Nürnberg 2027 ში მონაწილეობის მისაღებად განაცხადების მიღება დაიწყო.

საქართველოს ეკონომიკისა და მდგრადი განვითარების სამინისტროს სსიპ ინვესტიციების სააგენტო იწვევს ექსპორტზე ორიენტირებულ ქართულ კომპანიებს 2027 წლის 2–6 თებერვალს, ნიურნბერგში, გერმანიაში, სათამაშოების ინდუსტრიის ერთერთ უმსხვილეს საერთაშორისო გამოფენაში Spielwarenmesse Nürnberg 2027 მონაწილეობის მისაღებად.

დარეგისტრირდი Spielwarenmesse Nürnberg 2027 ზე და წარადგინე შენი ქართული სათამაშოების ბრენდი ევროპის საერთაშორისო ბაზარზე.

Spielwarenmesse Nürnberg 2027 სათამაშოების ინდუსტრიის ერთერთი ყველაზე მნიშვნელოვანი საერთაშორისო პლატფორმაა, რომელიც ათიათასობით პროფესიონალ ვიზიტორს, დისტრიბუტორს, იმპორტიორსა და შემსყიდველს აერთიანებს.

თუ აწარმოებ ხის სათამაშოებს ან სამაგიდო თამაშებს, ეს არის შესაძლებლობა, შენი პროდუქტი წარადგინო საერთაშორისო აუდიტორიის წინაშე და დაამყარო პირდაპირი კონტაქტები პოტენციურ პარტნიორებთან ევროპულ ბაზარზე.

ნიურნბერგი, გერმანია
2–6 თებერვალი, 2027

რეგისტრაცია სრულდება 18 სექტემბერს, 16:00 საათზე.

დარეგისტრირდი ახლავე.