Provincial Housing Authority KP

28/07/2026

۔28 جولائی 2026
*صوبائی وزیر ہاؤسنگ ڈاکٹر امجد علی کی ہاؤسنگ سکیموں میں شجرکاری اور درختوں کے تحفظ کو اولین ترجیح، جاری ترقیاتی منصوبوں کا تفصیلی جائزہ*

خیبر پختونخوا کے وزیر برائے ہاؤسنگ ڈاکٹر امجد علی نے ہاؤسنگ سکیموں میں درختوں اور پودوں کے تحفظ، وسیع شجرکاری مہم اور بنیادی شہری سہولیات کی فراہمی کو حکومت کی اولین ترجیح قرار دیتے ہوئے متعلقہ حکام کو اس حوالے سے مؤثر اقدامات کی ہدایت کی ہے۔ انہوں نے یہ ہدایات منگل کے روز اپنے دفتر میں محکمہ ہاؤسنگ کے صوبہ بھر میں جاری ترقیاتی منصوبوں کے جائزہ اجلاس کی صدارت کرتے ہوئے جاری کیں، جہاں مختلف ہاؤسنگ سکیموں پر پیش رفت، درپیش چیلنجز اور آئندہ کے لائحہ عمل پر تفصیلی بریفنگ دی گئی۔
اجلاس میں محکمہ ہاؤسنگ کے حکام نے صوبائی وزیر کو مختلف منصوبوں پر ہونے والی پیش رفت، اب تک اٹھائے گئے اقدامات، جاری ترقیاتی کاموں اور درپیش چیلنجز سے متعلق تفصیلی بریفنگ دی۔ اجلاس میں نیو پشاور ویلی، جلوزئی ہاؤسنگ سکیم، ہنگو ٹاؤن شپ، نوشہرہ میگا سٹی، جرمہ ہاؤسنگ سکیم، حیات آباد ہائی رائز فلیٹس پراجیکٹ اور دنگرام سوات ہاؤسنگ سکیم پر خصوصی طور پر غور کیا گیا۔اجلاس میں سیکرٹری ہاؤسنگ محمد انور خان، ڈائریکٹر جنرل ہاؤسنگ زاہد خان، ڈپٹی ڈائریکٹر ایڈمن امان الحق، پراجیکٹ ڈائریکٹر نیو پشاور ویلی عبدالودود، ڈائریکٹر ٹیکنیکل ون، ڈائریکٹر ٹیکنیکل ٹو اور ڈائریکٹر لیگل سمیت دیگر متعلقہ حکام نے شرکت کی۔اجلاس سے خطاب کرتے ہوئے صوبائی وزیر ڈاکٹر امجد علی نے ہدایت کی کہ تمام ہاؤسنگ سکیموں میں پانی، بجلی، تعلیمی اداروں، صحت کی سہولیات، مساجد اور دیگر بنیادی ضروریات کی فراہمی کو اولین ترجیح دی جائے تاکہ شہریوں کو معیاری اور مکمل رہائشی سہولیات میسر آسکیں۔انہوں نے متعلقہ حکام کو ہدایت کی کہ جلوزئی ہاؤسنگ سکیم میں قومی معیار کے معروف تعلیمی اداروں کی فرنچائزز کے قیام کے لیے عملی اقدامات کیے جائیں تاکہ رہائشیوں کو معیاری تعلیم کی سہولت مقامی سطح پر فراہم کی جا سکے۔ڈاکٹر امجد علی نے تمام ہاؤسنگ منصوبوں میں موجود درختوں اور پودوں کے تحفظ کو یقینی بنانے کے ساتھ ساتھ بھرپور شجرکاری مہم چلانے کی بھی ہدایت کی۔ انہوں نے کہا کہ ماحول دوست ترقی حکومت کی ترجیحات میں شامل ہے اور ہر منصوبے میں سرسبز ماحول کی فراہمی پر خصوصی توجہ دی جائے۔ہنگو ٹاؤن شپ کے حوالے سے صوبائی وزیر نے منصوبے کی باؤنڈری وال کی تعمیر جلد مکمل کرنے کی ہدایت دیتے ہوئے متعلقہ ٹھیکیداروں کو مقررہ ٹائم لائن کے اندر کام مکمل کرنے کا پابند بنانے پر زور دیا۔ انہوں نے پانی اور بجلی کے مسائل کے فوری حل کے لیے بھی مؤثر اور ٹھوس اقدامات کرنے کی ہدایت کی۔جرمہ ہاؤسنگ سکیم کے بارے میں انہوں نے کہا کہ وہاں اور دیگر منصوبوں میں شجرکاری مہم کو مزید تیز کیا جائے، درختوں اور پودوں کی حفاظت یقینی بنائی جائے اور متعلقہ عملے کی کارکردگی کی مؤثر نگرانی کی جائے تاکہ پودوں کی بروقت دیکھ بھال ممکن ہو سکے۔حیات آباد ہائی رائز فلیٹس پراجیکٹ کے حوالے سے ڈاکٹر امجد علی نے کہا کہ بہترین سہولیات اور معیاری تعمیرات کی بدولت پختونخوا ہاؤسنگ اتھارٹی کے منصوبے بین الاقوامی سطح پر بھی توجہ حاصل کر رہے ہیں، جبکہ بیرون ملک مقیم پاکستانی ان منصوبوں میں بڑھ چڑھ کر دلچسپی لے رہے ہیں، جو محکمہ کے لیے خوش آئند امر ہے۔اجلاس میں پشاور ون منصوبے کے کمرشل فلیٹس کو لیز آؤٹ اور فروخت کرنے کے مختلف پہلوؤں پر بھی مشاورت کی گئی تاکہ منصوبے کی تجارتی سرگرمیوں کو مزید مؤثر بنایا جا سکے۔آخر میں صوبائی وزیر ڈاکٹر امجد علی نے متعلقہ حکام کو ہدایت کی کہ تمام ترقیاتی منصوبوں میں ٹینڈرنگ کے عمل کو مزید تیز کیا جائے اور غیر ضروری تاخیر سے گریز کرتے ہوئے منصوبوں کو مقررہ مدت میں مکمل کیا جائے تاکہ عوام کو جلد از جلد معیاری رہائشی سہولیات فراہم کی جا سکیں۔
۔۔۔۔۔۔۔۔۔۔۔۔۔۔۔

28/07/2026

صوبائی وزیر ہاؤسنگ ڈاکٹر امجد علی کی ہاؤسنگ سکیموں میں شجرکاری اور درختوں کے تحفظ کو اولین ترجیح، جاری ترقیاتی منصوبوں کا تفصیلی جائزہ

خیبر پختونخوا کے وزیر برائے ہاؤسنگ ڈاکٹر امجد علی نے ہاؤسنگ سکیموں میں درختوں اور پودوں کے تحفظ، وسیع شجرکاری مہم اور بنیادی شہری سہولیات کی فراہمی کو حکومت کی اولین ترجیح قرار دیتے ہوئے متعلقہ حکام کو اس حوالے سے مؤثر اقدامات کی ہدایت کی ہے۔ انہوں نے یہ ہدایات منگل کے روز اپنے دفتر میں محکمہ ہاؤسنگ کے صوبہ بھر میں جاری ترقیاتی منصوبوں کے جائزہ اجلاس کی صدارت کرتے ہوئے جاری کیں، جہاں مختلف ہاؤسنگ سکیموں پر پیش رفت، درپیش چیلنجز اور آئندہ کے لائحہ عمل پر تفصیلی بریفنگ دی گئی۔۔

اجلاس میں محکمہ ہاؤسنگ کے حکام نے صوبائی وزیر کو مختلف منصوبوں پر ہونے والی پیش رفت، اب تک اٹھائے گئے اقدامات، جاری ترقیاتی کاموں اور درپیش چیلنجز سے متعلق تفصیلی بریفنگ دی۔ اجلاس میں نیو پشاور ویلی، جلوزئی ہاؤسنگ سکیم، ہنگو ٹاؤن شپ، نوشہرہ میگا سٹی، جرمہ ہاؤسنگ سکیم، حیات آباد ہائی رائز فلیٹس پراجیکٹ اور دنگرام سوات ہاؤسنگ سکیم پر خصوصی طور پر غور کیا گیا۔

اجلاس میں سیکرٹری ہاؤسنگ محمد انور خان، ڈائریکٹر جنرل ہاؤسنگ زاہد خان، ڈپٹی ڈائریکٹر ایڈمن امان الحق، پراجیکٹ ڈائریکٹر نیو پشاور ویلی عبدالودود، ڈائریکٹر ٹیکنیکل ون، ڈائریکٹر ٹیکنیکل ٹو اور ڈائریکٹر لیگل سمیت دیگر متعلقہ حکام نے شرکت کی۔

اجلاس سے خطاب کرتے ہوئے صوبائی وزیر ڈاکٹر امجد علی نے ہدایت کی کہ تمام ہاؤسنگ سکیموں میں پانی، بجلی، تعلیمی اداروں، صحت کی سہولیات، مساجد اور دیگر بنیادی ضروریات کی فراہمی کو اولین ترجیح دی جائے تاکہ شہریوں کو معیاری اور مکمل رہائشی سہولیات میسر آسکیں۔

انہوں نے متعلقہ حکام کو ہدایت کی کہ جلوزئی ہاؤسنگ سکیم میں قومی معیار کے معروف تعلیمی اداروں کی فرنچائزز کے قیام کے لیے عملی اقدامات کیے جائیں تاکہ رہائشیوں کو معیاری تعلیم کی سہولت مقامی سطح پر فراہم کی جا سکے۔

ڈاکٹر امجد علی نے تمام ہاؤسنگ منصوبوں میں موجود درختوں اور پودوں کے تحفظ کو یقینی بنانے کے ساتھ ساتھ بھرپور شجرکاری مہم چلانے کی بھی ہدایت کی۔ انہوں نے کہا کہ ماحول دوست ترقی حکومت کی ترجیحات میں شامل ہے اور ہر منصوبے میں سرسبز ماحول کی فراہمی پر خصوصی توجہ دی جائے۔

ہنگو ٹاؤن شپ کے حوالے سے صوبائی وزیر نے منصوبے کی باؤنڈری وال کی تعمیر جلد مکمل کرنے کی ہدایت دیتے ہوئے متعلقہ ٹھیکیداروں کو مقررہ ٹائم لائن کے اندر کام مکمل کرنے کا پابند بنانے پر زور دیا۔ انہوں نے پانی اور بجلی کے مسائل کے فوری حل کے لیے بھی مؤثر اور ٹھوس اقدامات کرنے کی ہدایت کی۔

جرمہ ہاؤسنگ سکیم کے بارے میں انہوں نے کہا کہ وہاں اور دیگر منصوبوں میں شجرکاری مہم کو مزید تیز کیا جائے، درختوں اور پودوں کی حفاظت یقینی بنائی جائے اور متعلقہ عملے کی کارکردگی کی مؤثر نگرانی کی جائے تاکہ پودوں کی بروقت دیکھ بھال ممکن ہو سکے۔

حیات آباد ہائی رائز فلیٹس پراجیکٹ کے حوالے سے ڈاکٹر امجد علی نے کہا کہ بہترین سہولیات اور معیاری تعمیرات کی بدولت پختونخوا ہاؤسنگ اتھارٹی کے منصوبے بین الاقوامی سطح پر بھی توجہ حاصل کر رہے ہیں، جبکہ بیرون ملک مقیم پاکستانی ان منصوبوں میں بڑھ چڑھ کر دلچسپی لے رہے ہیں، جو محکمہ کے لیے خوش آئند امر ہے۔

اجلاس میں پشاور ون منصوبے کے کمرشل فلیٹس کو لیز آؤٹ اور فروخت کرنے کے مختلف پہلوؤں پر بھی مشاورت کی گئی تاکہ منصوبے کی تجارتی سرگرمیوں کو مزید مؤثر بنایا جا سکے۔

آخر میں صوبائی وزیر ڈاکٹر امجد علی نے متعلقہ حکام کو ہدایت کی کہ تمام ترقیاتی منصوبوں میں ٹینڈرنگ کے عمل کو مزید تیز کیا جائے اور غیر ضروری تاخیر سے گریز کرتے ہوئے منصوبوں کو مقررہ مدت میں مکمل کیا جائے تاکہ عوام کو جلد از جلد معیاری رہائشی سہولیات فراہم کی جا سکیں۔

22/07/2026

سیکرٹری ہاؤسنگ محمد انور خان کی زیرِ صدارت آن لائن کھلی کچہری، عوامی شکایات اور ہاؤسنگ منصوبوں سے متعلق اہم اعلانات

پشاور: خیبر پختونخوا کے سیکرٹری ہاؤسنگ محمد انور خان کی زیرِ صدارت بدھ کے روز آن لائن کھلی کچہری کا انعقاد کیا گیا، جس میں ڈائریکٹر جنرل پختونخوا ہاؤسنگ اتھارٹی زاہد خان بھی شریک تھے۔ کھلی کچہری کے دوران عوام کے سوالات ٹیلیفون، سوشل میڈیا اور براہِ راست کالز کے ذریعے سنے گئے اور ان کے تفصیلی جوابات دیے گئے۔
کھلی کچہری میں صوبے بھر سے شہریوں نے شرکت کی اور مختلف ہاؤسنگ سوسائٹیز، سرکاری ملازمین کے پلاٹس، جلوزئی ہاؤسنگ سکیم، ہنگو ہاؤسنگ ٹاؤن شپ، نیو پشاور ویلی، پختونخوا ہاؤسنگ اتھارٹی کے منیجنگ ڈائریکٹر کی تعیناتی اور دیگر متعلقہ منصوبوں سے متعلق سوالات اور تجاویز پیش کیں۔

سیکرٹری ہاؤسنگ محمد انور خان نے عوام کو آگاہ کیا کہ محکمہ ہاؤسنگ آئندہ دو ماہ کے اندر پہلے مرحلے میں ریٹائرڈ ہونے والے سینئر سرکاری ملازمین کو تقریباً دو ہزار پلاٹس الاٹ کرے گا، جبکہ دوسرے مرحلے میں سینیارٹی کی بنیاد پر قرعہ اندازی کے ذریعے دیگر اہل ملازمین کو پلاٹس فراہم کیے جائیں گے۔
منیجنگ ڈائریکٹر پختونخوا ہاؤسنگ اتھارٹی کی تعیناتی سے متعلق سوال کے جواب میں انہوں نے کہا کہ اس عہدے پر تعیناتی جلد عمل میں لائی جائے گی۔ انہوں نے بتایا کہ ہاؤسنگ فاؤنڈیشن ایکٹ صوبائی اسمبلی سے منظور ہو چکا ہے، جبکہ آئندہ کابینہ اجلاس میں متعلقہ عہدے کی منظوری بھی حاصل کی جائے گی، جس کے بعد ہاؤسنگ فاؤنڈیشن باقاعدہ طور پر فعال ہو جائے گی۔
جلوزئی ہاؤسنگ سکیم اور نیو پشاور ویلی کے حوالے سے موصول ہونے والی شکایات پر سیکرٹری ہاؤسنگ نے بتایا کہ نیو پشاور ویلی کے ایک لاکھ چھ ہزار کنال رقبے پر ترقیاتی کام جاری ہے، تاہم بعض اراضی پر عدالتی مقدمات اور حکمِ امتناعی کے باعث کام عارضی طور پر رکا ہوا ہے۔ انہوں نے کہا کہ محکمہ نے حکمِ امتناعی کے خاتمے کے لیے عدالت سے رجوع کر رکھا ہے اور جیسے ہی عدالتی پابندی ختم ہوگی، ترقیاتی سرگرمیاں دوبارہ شروع کر دی جائیں گی۔
انہوں نے مزید کہا کہ “احساس اپنا گھر” صوبائی حکومت کا ایک فلیگ شپ منصوبہ ہے، جس کے تحت شہریوں کو اپنے گھروں کی تعمیر کے لیے آسان شرائط پر قرضوں کی سہولت فراہم کی جا رہی ہے۔
محکمہ ہاؤسنگ میں مختلف آسامیوں پر بھرتیوں سے متعلق سوال کے جواب میں سیکرٹری ہاؤسنگ نے بتایا کہ پہلے لیا گیا ٹیسٹ منسوخ ہو چکا ہے اور اب نئی بھرتیوں کے لیے ایٹا (ETEA) کے ذریعے دوبارہ ٹیسٹ منعقد کیا جائے گا۔
سوشل میڈیا کے ذریعے موصول ہونے والے ایک سوال کے جواب میں انہوں نے کہا کہ ایبٹ آباد میں بھی جلد نئی ہاؤسنگ سکیم اور رہائشی پلاٹس کے منصوبے پر کام شروع کیا جائے گا۔

سیکرٹری ہاؤسنگ نے واضح کیا کہ جلوزئی ہاؤسنگ سکیم کے حوالے سے سپریم کورٹ کے فیصلے پر من و عن عملدرآمد کیا جائے گا۔

انہوں نے کہا کہ صوبائی حکومت کو سرکاری ملازمین کی رہائشی ضروریات اور دیگر مسائل کا مکمل ادراک ہے، اسی لیے بڑے ہاؤسنگ منصوبوں پر کام تیزی سے جاری ہے، جبکہ مستقبل میں باقی رجسٹرڈ ملازمین کو بھی انہی منصوبوں میں پلاٹس فراہم کیے جائیں گے۔
اس موقع پر ڈی جی زاہد خان،پی ڈی نیو پشاور ویلی عبدالودود شاہ،ڈائریکٹر ٹیکنیکل ون اور ٹو عنران ہلال اور عادل سید بھی شریک تھے۔

22/07/2026

پشاور:

خیبر پختونخوا کے وزیر برائے ہاؤسنگ، ڈاکٹر امجد علی نے بدھ کے روز پختونخوا ہاؤسنگ اتھارٹی کے زیرِ تعمیر کمرشل و رہائشی منصوبے ورسک ون پشاور کا دورہ کیا اور جاری ترقیاتی کام کا تفصیلی جائزہ لیا۔

دورے کے دوران صوبائی وزیر نے منصوبے میں مختلف اپارٹمنٹس اور تعمیراتی سرگرمیوں کا معائنہ کیا۔ اس موقع پر سیکرٹری ہاؤسنگ محمد انور خان، ڈائریکٹر جنرل ہاؤسنگ زاہد خان اور محکمہ ہاؤسنگ کے دیگر اعلیٰ حکام بھی ان کے ہمراہ موجود تھے۔

محکمہ ہاؤسنگ کے حکام نے صوبائی وزیر کو منصوبے کی پیش رفت، تعمیراتی معیار اور کمرشل و رہائشی اپارٹمنٹس کے حوالے سے تفصیلی بریفنگ دی۔ بریفنگ میں بتایا گیا کہ ورسک ون پشاور پانچ کنال اور گیارہ مرلہ رقبے پر تعمیر کیا جا رہا ہے، جس میں بیسمنٹ پارکنگ سمیت جدید سہولیات فراہم کی گئی ہیں۔ منصوبہ دو سال قبل شروع کیا گیا تھا اور اس میں مجموعی طور پر 160 اپارٹمنٹس شامل ہیں۔ حکام کے مطابق منصوبہ آئندہ سال جون سے قبل مکمل کر لیا جائے گا۔

اس موقع پر گفتگو کرتے ہوئے ڈاکٹر امجد علی نے کہا کہ ورسک ون پشاور پختونخوا ہاؤسنگ اتھارٹی کا ایک اہم پائلٹ منصوبہ ہے، جسے عوام کو معیاری اور جدید رہائشی سہولیات کی فراہمی کے لیے ترجیحی بنیادوں پر مکمل کیا جا رہا ہے۔ انہوں نے کہا کہ اس منصوبے سے بالخصوص پشاور اور خیبر پختونخوا کے شہریوں کو جدید رہائشی سہولیات میسر آئیں گی۔

صوبائی وزیر نے مزید کہا کہ ورسک ون پشاور کے کمرشل یونٹس اور فلیٹس کو جلد عوام کے لیے مشتہر کیا جائے گا، جبکہ سرمایہ کاروں کو ہر ممکن سہولیات اور سازگار ماحول فراہم کیا جائے گا تاکہ وہ اعتماد کے ساتھ سرمایہ کاری کر سکیں۔

ڈاکٹر امجد علی نے کہا کہ صوبائی حکومت عوام کی بڑھتی ہوئی رہائشی ضروریات کو مدنظر رکھتے ہوئے جدید ہاؤسنگ سوسائٹیز، رہائشی پلاٹس، کمرشل فلیٹس اور معیاری شہری سہولیات پر مشتمل منصوبوں پر تیزی سے کام کر رہی ہے، تاکہ شہریوں کو محفوظ، جدید اور باوقار رہائشی ماحول فراہم کیا جا سک

22/07/2026

22/07/2026

21/07/2026

E-KHULI KACHEHRI
Date 22-07-2026
Time 11:00 Noon

Housing Department Khyber Pakhtunkhwa
for complaint registration
Helpline
091-9212430

General Information & PRs, KP Khyber Pakhtunkhwa
Khyber Pakhtunkhwa
Khyber Pakhtunkhwa Khyber Pakhtunkhwa Updates
Housing Authority and Khyber Pakhtunkhwa

14/07/2026

صوبائی وزیر ہاؤسنگ ڈاکٹر امجد علی کا حویلیاں ہاؤسنگ سکیم کا دورہ، کھلی کچہری میں الاٹیز کے مسائل سنے۔

الاٹیز بلاخوف و خطر گھر بنائیں، 5 کے وی کا سولر سسٹم مفت لگا کر دیں گے۔ صوبائی وزیر کا اعلان

خیبرپختونخوا کے وزیر برائے ہاؤسنگ ڈاکٹر امجد علی نے منگل کے روز حویلیاں ہاؤسنگ سکیم کا دورہ کیا، جہاں انہوں نے کھلی کچہری میں پلاٹ الاٹیز سے ملاقات کی، ان کے مسائل سنے اور ان کے حل کی یقین دہانی کرائی۔ اس موقع پر چیئرمین ڈیڈک ایبٹ آباد و رکن صوبائی اسمبلی افتخار خان جدون، ڈائریکٹر جنرل خیبرپختونخوا ہاؤسنگ اتھارٹی محمد زاہد، علاقہ معززین، پلاٹ الاٹیز، اراضی دہندگان اور دیگر متعلقہ حکام بھی موجود تھے۔
صوبائی وزیر نے کہا کہ وہ وزیراعلیٰ خیبرپختونخوا کی خصوصی ہدایت پر حویلیاں آئے ہیں۔ انہوں نے کہا کہ وہ گزشتہ سال بھی اس منصوبے کا دورہ کر چکے ہیں اور حویلیاں ٹاؤن شپ میں سہولیات کی کمی کو ہر صورت دور کیا جائے گا۔
ڈاکٹر امجد علی نے کھلی کچہری کے شرکاء کو بتایا کہ 219 کنال پر مشتمل حویلیاں ٹاؤن شپ کی ترقی کے لیے رواں مالی سال کے بجٹ میں 80 ملین روپے مختص کیے گئے ہیں۔ انہوں نے اعلان کیا کہ ٹاؤن شپ میں جامع مسجد اور منی سپورٹس کمپلیکس تعمیر کیا جائے گا، جہاں والی بال، فٹسال سمیت دیگر کھیلوں کی سہولیات فراہم کی جائیں گی۔
صوبائی وزیر نے ڈائریکٹر جنرل ہاؤسنگ اتھارٹی کو ہدایت کی کہ ان تمام ترقیاتی منصوبوں کے ٹینڈرز تین ماہ کے اندر جاری کیے جائیں۔ انہوں نے کہا کہ ٹاؤن شپ میں بجلی اور پانی کی بنیادی سہولیات پہلے سے موجود ہیں جبکہ گیس پائپ لائن کی فراہمی کے لیے محکمے کو احکامات جاری کر دیے گئے ہیں۔
انہوں نے الاٹیز پر زور دیا کہ وہ بلا خوف و خطر ٹاؤن شپ میں اپنے گھروں کی تعمیر شروع کریں اور اعلان کیا کہ جو افراد ٹاؤن شپ میں گھر تعمیر کریں گے انہیں 5 کلو واٹ کا سولر سسٹم مفت فراہم کیا جائے گا۔
ڈاکٹر امجد علی نے مزید کہا کہ ہاؤسنگ سکیم کے لیے زمین فراہم کرنے والے مالکان کے معاوضے میں اضافے سے متعلق عدالتی احکامات پر من و عن عمل کیا جائے گا۔
اس موقع پر چیئرمین ڈیڈک ایبٹ آباد و ایم پی اے افتخار خان جدون نے کہا کہ گزشتہ سال اعلان کردہ جامع مسجد کی تعمیر پر تاحال کام شروع نہیں ہو سکا، اس کی تعمیر کا فوری آغاز کیا جانا چاہیے۔ انہوں نے مطالبہ کیا کہ حویلیاں ٹاؤن شپ میں مقامی افراد، بالخصوص اپنی اراضی فراہم کرنے والوں کو روزگار کے مواقع دیے جائیں۔
افتخار خان جدون نے کہا کہ ہاؤسنگ سکیم کے لیے اراضی دینے والے مالکان کا معاوضہ بڑھانے کا مطالبہ جائز ہے اور انہیں موجودہ مارکیٹ ریٹ کے مطابق معاوضہ فراہم کیا جانا چاہیے۔

14/07/2026

Perliminary visit by ADG,director technical,director planning,LAC Housing department,Ac town3 and revenue staff of upcoming project meherma heights to assess all the technical and legal aspect