CPI cherthalasouth MC

27/08/2026

മേദിനി ചേച്ചി ഇനി റെഡ് സല്യൂട്ടിൽ...🏡 ❤️🚩

കേരളത്തിന്റെ വിപ്ലവ വാനമ്പാടി സ: പി കെ മേദിനി ചേച്ചിക്ക് വൈക്കത്ത് പാർട്ടി വച്ചു നൽകിയ വീടിന്റെ ഗൃഹപ്രവേശന ചടങ്ങ് സിപിഐ സംസ്ഥാന സെക്രട്ടറി സ: ബിനോയ്‌ വിശ്വം ഉദ്ഘാടനം ചെയ്തു.

നിയമസഭ സ്പീക്കർ തിരുവഞ്ചൂർ രാധാകൃഷ്ണൻ,ഗായിക വൈക്കം വിജയലക്ഷ്മി,സ: വൈക്കം വിശ്വം,സ: കെ പ്രകാശ് ബാബു അടക്കം നിരവധി പ്രമുഖർ പങ്കെടുത്തു.

27/08/2026

https://www.youtube.com/live/oCUkxitvb4Q?si=FBiWJeA4GNt62YRc

Livetelecast powered by Prism Studio, Ph:9961424262

25/08/2026

https://www.facebook.com/share/v/19PuaS8sUp/

25/08/2026

പ്രതിപക്ഷ ഉപനേതാവ് വിഷയത്തില്‍ പ്രതിപക്ഷ നേതാവ് പിണറായി വിജയന്‍ നടത്തിയ പ്രസ്താവന മുന്നണി മര്യാദകളുടെ തികഞ്ഞ ലംഘനവും മുന്നണി രാഷ്ട്രീയത്തില്‍ ഉയര്‍ത്തിപ്പിടിക്കേണ്ട ധാര്‍മ്മികത ഇല്ലായ്മയുമായി മാത്രമേ കാണാന്‍ കഴിയൂ.

ഒന്നിലധികം രാഷ്ട്രീയ പാര്‍ട്ടികള്‍ രാഷ്ട്രീയമായ പൊതുലക്ഷ്യത്തിനുവേണ്ടി രൂപീകരിക്കുന്ന സംവിധാനമാണ് മുന്നണി. താന്‍ തീരുമാനിക്കും; എല്ലാം താനാണ് എന്നഭാവം മുന്നണിയുടെ കൂട്ടായ പ്രവര്‍ത്തനത്തിന് സഹായകരമല്ല, ഒരു കമ്മ്യൂണിസ്റ്റ് നേതാവിനും യോജിച്ചതുമല്ല.
നിയമസഭാ തെരഞ്ഞെടുപ്പിലെ കനത്ത പരാജയത്തെ തുടര്‍ന്ന് എല്‍ഡിഎഫില്‍ കൂട്ടായ പ്രവര്‍ത്തനത്തിന് സിപിഐ മുന്നോട്ടുവച്ചതാണ് പ്രതിപക്ഷ ഉപനേതാവ് സ്ഥാനം. സിപിഐയുടെ നിര്‍ദേശം വിവിധ തലങ്ങളില്‍ ചര്‍ച്ച ചെയ്തുകൊണ്ടിരിക്കുമ്പോഴാണ് പ്രതിപക്ഷ നേതാവ് അതിനെയെല്ലാം മറികടന്ന് പ്രസ്താവന നടത്തിയത്.

പ്രതിപക്ഷ നേതാവ് പത്രസമ്മേളനത്തില്‍ പറഞ്ഞത് “ഉപനേതാവിനെ നിശ്ചയിച്ച് സ്പീക്കര്‍ക്ക് കത്തുകൊടുക്കേണ്ടത് ഞാനാണ്. അത് കൊടുത്താല്‍ ഉപനേതാവ് വരും. സിപിഐ(എം) നേതാവിന്റെ പേര് കൊടുക്കും”.
പ്രതിപക്ഷ ഉപനേതാവിന്റെ കാര്യം രാഷ്ട്രീയ വിഷയമാണ്. പ്രതിപക്ഷ നേതാവിന് സ്വന്തം നിലയില്‍ തീരുമാനിക്കാന്‍ കഴിയില്ല. സിപിഐ — സിപിഐ(എം) ത­മ്മില്‍ ചര്‍ച്ചകള്‍ നടന്നുവരികയാണ്. രണ്ട് പാര്‍ട്ടികളുടെയും ദേ­ശീയ നേതൃത്വങ്ങളുടെ മുന്നിലുള്ള വിഷയവുമാണ്. സിപി­ഐ(എം) — സിപിഐ ചര്‍ച്ചകളില്‍ ഒന്നുംതന്നെ പ്രതിപക്ഷ നേതാവ് കത്ത് കൊടുക്കുന്നതിനെ കുറിച്ച് സൂചിപ്പിച്ചിട്ടുമില്ല.

പ്രതിപക്ഷ നേതാവിന്റെ കാര്യത്തില്‍ കത്ത് കൊടുക്കുമെന്ന് പറയാന്‍ പ്രേരിപ്പിച്ചത് എന്താണ്? പ്രേരണ ഇടതുപക്ഷ രാഷ്ട്രീയം അല്ല എന്ന് വ്യക്തമാണ്?
എല്‍ഡിഎഫ് കണ്‍വീനര്‍ ടി പി രാമകൃഷ്ണന്‍ എംഎന്‍ സ്മാരകത്തിലെത്തി സിപിഐ സംസ്ഥാന സെക്രട്ടറി ബിനോയ് വിശ്വവുമായി പ്രതിപക്ഷ ഉപനേതാവ്, എല്‍ഡിഎഫ് യോഗം വിളിക്കേണ്ട കാര്യങ്ങള്‍ എന്നിവ ഉള്‍പ്പെടെ ചര്‍ച്ചചെയ്തതാണ്. തുടര്‍ന്ന് എല്‍ഡിഎഫ് യോഗം വിളിക്കാനും മുന്നണിയുടെ പ്രവര്‍ത്തനങ്ങള്‍ മുന്നോട്ടു കൊണ്ടുപോകാനും പ്രതിപക്ഷ നേതാവ് വിഷയം തടസം ആകേണ്ട എന്ന ധാരണയായി. എല്‍ഡിഎഫ് സംസ്ഥാന കമ്മിറ്റിയുടെ മുമ്പിലും ആ വിഷയം ഇപ്പോള്‍ വരേണ്ട എന്നും ധാരണ ഉണ്ടാക്കിയിരുന്നു.
രണ്ട് പാര്‍ട്ടികളുടെയും ദേശീയ – സംസ്ഥാന നേതൃത്വതലത്തിലുള്ള വിഷയം എന്ന നിലയിലാണ് കണ്ടത്. കേരള രാഷ്ട്രീയവും പ്രവര്‍ത്തനങ്ങളുമാണ് എല്‍ഡിഎഫ് സംസ്ഥാന കമ്മിറ്റിയുടെ അജണ്ടയില്‍ പ്രധാനമായി ഉണ്ടായിരുന്നത്.

12 ജില്ലകളിലായി 38 തദ്ദേശ സ്വയംഭരണ സ്ഥാനങ്ങളില്‍ നടക്കുന്ന ഉപതെരഞ്ഞെടുപ്പില്‍ എല്‍ഡിഎഫിന്റെ വിജയത്തിനായി കൂട്ടായി പ്രവര്‍ത്തിക്കുവാനും എല്‍ഡിഎഫിന്റെ ജില്ലാ — മണ്ഡലം — പ്രാദേശികതല സമിതികള്‍ ഓഗസ്റ്റ് — നവംബര്‍ മാസങ്ങളിലായി ചേരുന്നതിനും മുന്നണി സംവിധാനം ശക്തിപ്പെടുത്തുവാനും ഉപതെരഞ്ഞെടുപ്പില്‍ എല്‍ഡിഎഫിന്റെ വിജയം പരമാവധി ഉറപ്പുവരുത്തുന്നതിനായി കൂട്ടായി പ്രവര്‍ത്തനങ്ങള്‍ നടത്തണമെന്നും തീരുമാനിച്ചാണ് എല്‍ഡിഎഫ് യോഗം പിരി‍ഞ്ഞത്.

യോഗത്തിന്റെ അധ്യക്ഷന്‍ പ്രതിപക്ഷ നേതാവ് ആയിരുന്നു. മുന്നണിയുടെ കൂട്ടായ പ്രവര്‍ത്തനത്തിന്റെ പ്രാധാന്യം പ്രതിപക്ഷ നേതാവും വിശദീകരിച്ചു.
തര്‍ക്കങ്ങള്‍ എല്‍ഡിഎഫിന്റെ പ്രവര്‍ത്തനങ്ങള്‍ക്ക് തടസമാകരുതെന്ന ധാരണയില്‍ തീരുമാനമെടുത്ത് മുന്നോട്ടുപോകുമ്പോള്‍ പ്രതിപക്ഷ നേതാവ് പത്രസമ്മേളനം നടത്തി ഏകപക്ഷീയ നിലപാടുകള്‍ പ്രഖ്യാപിക്കുന്നത് എല്‍ഡിഎഫിനെ ശക്തിപ്പെടുത്താനാണോ?

എല്‍ഡിഎഫിനെ ദുര്‍ബലപ്പെടുത്താന്‍ ഉതകുന്ന പ്രസ്താവനയ്ക്ക് പ്രതിപക്ഷ നേതാവിനെ പ്രേരിപ്പിച്ചത് എന്താണ്? എല്‍ഡിഎഫ് എന്താണ്? മുന്നണി ഉയര്‍ത്തിപ്പിടിക്കുന്ന രാഷ്ട്രീയവും ധാര്‍മ്മികതയും എന്താണ്? ഇന്നത്തെ ഇന്ത്യന്‍ രാഷ്ട്രീയ സാഹചര്യത്തില്‍ യോജിച്ച പ്രവര്‍ത്തനങ്ങളുടെ പ്രാധാന്യം അനിവാര്യമാണ്. ഈ കാര്യങ്ങളിലെല്ലാം വ്യക്തത ആവശ്യവുമാണ്. പ്രതിപക്ഷ നേതാവിന്റെ ഇഷ്ടാനിഷ്ടങ്ങള്‍ ഇടതുപക്ഷ രാഷ്ട്രീയത്തില്‍ ഉയര്‍ത്തിക്കൊണ്ടുവരാന്‍ ശ്രമിക്കരുത്. അത്തരം സമീപനങ്ങള്‍ ഇടതുപക്ഷം ഉയര്‍ത്തിപ്പിടിക്കുന്ന രാഷ്ട്രീയവും ധാര്‍മ്മികതയെ ദുര്‍ബലപ്പെടുത്തും. കേരള രാഷ്ട്രീയത്തില്‍ ശക്തമായി ഇടപെടാന്‍ ശ്രമിക്കുന്ന ബിജെപി — സംഘ്പരിവാര്‍ സംഘടനകള്‍ക്കാണ് അത്തരം സമീപനങ്ങള്‍ സഹായകരമാകുക.

സിപിഐ(എം) സംസ്ഥാന സെക്രട്ടറിയായിരുന്ന കോടിയേരി ബാലകൃഷ്ണന്‍ രാഷ്ട്രീയ ധാര്‍മ്മിക വിഷയങ്ങളില്‍ എടുത്ത നിലപാടുകള്‍ കേരളം ആവേശത്തോടെയാണ് സ്വീകരിച്ചത്. ഇടതുപക്ഷ നിലപാട് ശക്തമായി ഉയര്‍ത്തിപ്പിടിച്ച് കേരളത്തിന് പിന്തുണ നല്‍കിയതാണ്. ഐക്യമുന്നണി രാഷ്ട്രീയത്തിന്റെ പ്രാധാന്യം, മുന്നണികളിലെ പാര്‍ട്ടികളോട് എങ്ങനെ സമീപിക്കണം എന്നതെല്ലാം ലോക കമ്മ്യൂണിസ്റ്റ് പ്രസ്ഥാനത്തിന്റെ അനുഭവങ്ങളില്‍ നിന്നും പാഠങ്ങള്‍ ഉള്‍ക്കൊള്ളണം. കമ്മ്യൂണിസ്റ്റ് ഇന്റര്‍നാഷണലിന്റെ ജനറല്‍ സെക്രട്ടറിയും മഹാനായ ലോക കമ്മ്യൂണിസ്റ്റ് നേതാവും ആയിരുന്ന ജോര്‍ജ് ദിമിത്രോവ് 1935ല്‍ മുന്നോട്ടുവച്ചതാണ് മുന്നണി രാഷ്ട്രീയത്തിന്റെ പ്രാധാന്യം.

ലോക കമ്മ്യൂണിസ്റ്റ് പ്രസ്ഥാനം മുന്നണി രാഷ്ട്രീയത്തിലൂടെ ഏറെ നേട്ടങ്ങള്‍ കൈവരിച്ചു. ഫാസിസ്റ്റ് ശക്തികള്‍ക്കെതിരായ പോരാട്ടത്തില്‍ വിജയം വരിച്ചത് മുന്നണി രാഷ്ട്രീയത്തിലൂടെയാണ്. ഇന്ത്യയിലെ ഇന്നത്തെ രാഷ്ട്രീയ സാഹചര്യത്തിലും മുന്നണി രാഷ്ട്രീയത്തിന്റെ പ്രാധാന്യം ഏറെയാണ്. മുന്നണി രാഷ്ട്രീയത്തിന്റെ ഏറെ അനുഭവമുള്ള സംസ്ഥാനമാണ് കേരളം.

ദിമിത്രോവ് ആവര്‍ത്തിച്ച് പറഞ്ഞത് “മുന്നണി യജമാനന്‍ — ഭൃത്യന്‍ തമ്മിലുള്ള ബന്ധമല്ല. പാര്‍ട്ടികള്‍ തമ്മില്‍ തുല്യമായ പങ്കാളിത്തവും സഹകരണവുമാണ് പുലര്‍ത്തേണ്ടത്. തുല്യപങ്കാളിത്തവും പരസ്പര ബഹുമാനവും ഉണ്ടാകണം. എല്ലാം നിയന്ത്രിക്കാന്‍ ശ്രമിക്കരുത്. മുന്നണിയിലെ മറ്റ് പാര്‍ട്ടികളുടെ സ്വാതന്ത്ര്യത്തെയും ആശയങ്ങളെയും മാനിക്കണം. തീരുമാനങ്ങള്‍ ഏകപക്ഷീയമായി അടിച്ചേല്പിക്കാതെ ചര്‍ച്ചകളിലൂടെയും ധാരണകളിലൂടെയും എടുക്കണം.“കമ്മ്യൂണിസ്റ്റുകാര്‍ മുന്നണി രാഷ്ട്രീയത്തില്‍ ഉയര്‍ത്തിപ്പിടിക്കേണ്ട രാഷ്ട്രീയ പക്വത പ്രതിപക്ഷ നേതാവിന് ഉണ്ടായില്ലെന്ന് പറയേണ്ടിവരുന്നത് ഖേദകരമാണ്.

25/08/2026

Communist Party of India
Central Bank of India
Current A/c. No.: 1033004545
IFSC: CBIN0280306
Branch: Press Area, New Delhi

Donate online: cpofindia.com/donate

22/08/2026

#തോൽപിക്കാനാകില്ല......

CPI ബുക്ക് ചെയ്ത സ്പെഷ്യൽ ട്രയിൻ റദ്ദ് ചെയ്തതിലൂടെ മോദിയും റയിൽവേയും മുടക്കാൻ ശ്രമിച്ചത് 1440 പേരുടെ യാത്ര.

ഞങ്ങൾ എത്തുന്നത് 1690 പേർ.🚩💪
ബദലാവ് സരൂരി ഹേ,
(മാറ്റം അനിവാര്യം)
സിപിഐ | CPI Kerala

21/08/2026

സി.പി.ഐ മുന്‍ സംസ്ഥാന സെക്രട്ടറി കാനം രാജേന്ദ്രനെ സ്മരിച്ചു കൊണ്ട് കാനം രാജേന്ദ്രന്‍ സ്മാരക സമിതി തയ്യാറാക്കിയ കാനം കനലോര്‍മ്മ സി പി. ഐ സംസ്ഥാന സെക്രട്ടറി ബിനോയ് വിശ്വം മുന്‍ സംസ്ഥാന സെക്രട്ടറി പന്ന്യന്‍ രവീന്ദ്രന് നല്‍കി പ്രകാശനം നിര്‍വ്വഹിച്ചു.

ഡി രാജ , ബിനോയ് വിശ്വം, മുഖ്യമന്ത്രി വി.ഡി സതീശന്‍ , പ്രതിപക്ഷ നേതാവ് പിണറായി വിജയന്‍, എ. കെ. ആന്റണി, ഗോവിന്ദന്‍ മാസ്റ്റര്‍, രമേശ് ചെന്നിത്തല, സ്പീക്കര്‍ തിരുവഞ്ചൂര്‍ രാധാകൃഷ്ണന്‍, കെ. പ്രകാശ് ബാബു , പന്ന്യന്‍ രവീന്ദ്രന്‍, കെ ഇ ഇസ്മയില്‍, വിനയന്‍ , സച്ചിദാനന്ദന്‍ തുടങ്ങി രാഷ്ട്രീയ സാംസ്‌കാരിക സാമൂഹ്യ രംഗത്തെ പ്രമുഖര്‍ എഴുതിയ ലേഖനങ്ങളും കാനത്തിന്റെ പൊതു രംഗത്തെ ഇടപെടലുകളുടെ സചിത്ര വിവരണങ്ങളും സ്മരണികയിലുണ്ട്.
ജി. ആര്‍. അനില്‍ എഡിറ്ററും ജയശ്ചന്ദ്രന്‍ കല്ലിംഗല്‍ കണ്‍വീനറുമായി തയ്യാറാക്കിയ സുവനീറില്‍ 280 പേജുണ്ട്. കളര്‍ ട്രാക്കാണ് ഡിസൈന്‍ ചെയ്തത്. പ്രകാശന ചടങ്ങില്‍ കാനം രാജേന്ദ്രന്റെ സഹധര്‍മ്മിണിയും കുടുംബാംഗങ്ങളും സി.പി.ഐ സംസ്ഥാന കൗണ്‍സില്‍ അംഗങ്ങളും പങ്കെടുത്തു.

21/08/2026

ചരിത്രത്തെ വളച്ചൊടിക്കുന്ന ഈ കാലത്ത്
സമര നായകരുടെ കുടുംബാംഗങ്ങളെയും സഖാക്കളെയും സാക്ഷിയാക്കി

ദേശീയ സ്വാതന്ത്ര്യ സമരത്തിൻ്റെ ഭാഗമായ പുന്നപ്ര വയലാർ മാരാരിക്കുളം സമരത്തിൽ രക്തസാക്ഷിത്വം വരിച്ച
ആശാരി കുമാരൻ,
പാടത്ത് രാമൻകുട്ടി,
പോട്ടച്ചാൽ വെളിയിൽ ഭാനു,
ശങ്കരൻ തറയിൽ,
ടി കെ കുമാരൻ,
വേലായുധൻ
തുടങ്ങിയ 6 സഖാക്കൾക്കായുള്ള സ്‌മൃതി മണ്ഡപം CPI സംസ്ഥാന സെക്രട്ടറി ബിനോയ് വിശ്വം നാടിന് സമർപ്പിച്ചു.

20/08/2026

നവീകരിച്ച മാരാരിക്കുളം രക്തസാക്ഷി സ്മാരകത്തിൽ CPI ആലപ്പുഴ ജില്ലാ സെക്രട്ടറി അഡ്വ: എസ്. സോളമൻ പതാക ഉയർത്തുന്നു.