03/06/2026
Sut mae safonau lles anifeiliaid yn cael eu gorfodi yn ein lladd-dai?
Rhaid i bob lladd-dy gael ei gymeradwyo gan yr ASB cyn iddo allu gweithredu.
Rhaid i Filfeddygon Swyddogol fod yn y lladd-dy bob dydd y mae’n gweithredu i wirio bod y busnes bwyd yn bodloni gofynion lles anifeiliaid.
Mae’n ofynnol i bob lladd-dy yng Nghymru a Lloegr hefyd fod â theledu cylch cyfyng o’r holl fannau lle mae anifeiliaid byw.
Ni ddylai anifeiliaid wynebu oedi diangen cyn eu lladd.
Rhaid i bob gweithredwr a fydd yn trin ac yn lladd anifeiliaid gael ei hyfforddi a bod o dan oruchwyliaeth gyson wrth ddal Tystysgrif Cymhwysedd dros dro, neu fod wedi’i hyfforddi’n llawn a dal Tystysgrif Cymhwysedd lawn.
Os caiff safonau lles anifeiliaid eu torri, gall gweithredwyr wynebu dirwyon, colli eu trwydded, mynd i’r carchar, a gall y busnes golli ei gymeradwyaeth i weithredu fel lladd-dy.
Gallwch ddod o hyd i fwy o wybodaeth am les anifeiliaid ar ein blog, Y Gwir am Fwyd - https://food.blog.gov.uk/2026/06/03/food-fact-check-animal-welfare-in-abattoirs-and-slaughterhouses/
