30/07/2026
*ഐലന്റ് ക്ലബ്ബിനെ ഏറെ സ്നേഹിച്ച കുഞ്ഞു മാഷ്...*
---------------------------
തുരുത്തി വാർഡ് കൗൺസിലറും നഗരസഭാ ആരോഗ്യ സ്റ്റാൻഡിങ് കമ്മിറ്റി ചെയർമാനുമായിരുന്ന കാലം, *ഇ.അബ്ദുൽ റഹിമാൻ കുഞ്ഞു മാസ്റ്റർ ഐലന്റ് ക്ലബ്ബിന്റെ ഉപദേശക സമിതി ചെയർമാനായിരുന്നു.*
ക്ലബ്ബിന്റെ പ്രവർത്തനങ്ങളിലെല്ലാം ഒപ്പം ചേർന്ന് വേണ്ട ഉപദേശ, നിർദേശങ്ങൾ നൽകിയിരുന്ന മാഷ് ക്ലബിന്റെ പരിപാടികളിൽ എല്ലാം സജീവ സാനിദ്ധ്യമായിരുന്നു. നാട്ടിൽ സംഘടിപ്പിച്ച മിക്ക പരിപാടികളുടെയും ഉൽഘാടകനും മാഷ് തന്നെയായിരുന്നു.
തുരുത്തിയിലുണ്ടായ വെള്ളപ്പൊക്ക സമയത്തിന് ശേഷം ക്ലബ്ബ് പ്രവർത്തകരേയും കൂട്ടി നാട്ടിലെ എല്ലാ കിണറുകളിലും ക്ലോറിനേഷൻ നടത്തുകയും, ജലജന്യ രോഗങ്ങൾക്കെതിരെ വീടുകൾ കയറിയിറങ്ങി ബോധവൽക്കരണം നടത്തുകയും, ക്ലബ്ബ് പ്രവർത്തകർ കാസർകോട് ജനറൽ ആശുപത്രി പരിസരം ശുചീകരിക്കുമ്പോൾ ശുചീകരണ പ്രവർത്തിയിൽ ഒപ്പം ചേർന്ന് പങ്കടുക്കുകയും പ്രവർത്തകർക്ക് ആവശ്യമായ ഭക്ഷണം എത്തിച്ചു തന്നതും ഞാൻ ഇന്നും ഓർക്കുന്നു. നഗരസഭയുടെ ആരോഗ്യ ബോധവൽകരണ പരിപാടികളിൽ
ക്ലബ്ബ് പ്രവർത്തകരെയും കൂട്ടി ബ്സ്റ്റാന്റുകൾ കേന്ദ്രീകരിച്ച് ലഘുലേഘകൾ വിതരണം ചെയ്തിട്ടുണ്ട്. നെഹ്റു യുവകേന്ദ്രയുമായി സഹകരിച്ച് മുനിസിപ്പൽ ടൗൺഹാളിൽ സംഘടിപിച്ച പഞ്ചാബി നൃത്തോത്സവത്തിന് വേണ്ടി ടൗൺഹാൾ ഒരുക്കി തന്നതും, കാസർകോട് നഗരത്തിൽ അതിന്റെ വിളമ്പര ഘോഷയാത്രയിൽ ക്ലബ്ബ് പ്രവർകരോടപ്പം ചേർന്ന് മുന്നിൽ നിന്ന് നയിക്കുകയും ചെയ്തത് അദ്ദേഹം എത്രമാത്രം ക്ലബിനെ പിന്തുണച്ചിരുന്നതിന്റെ ഉദാഹരണമാണ്.
വിദ്യാ സമ്പന്നമായ ഒരു ജനതയെ വാർത്തടുക്കാനായിരുന്നു മാഷിന്റെ ശ്രമം. വിദ്യാർത്ഥികൾക്ക് പലപ്പോഴായി ഗൈഡൻസ് ക്ലാസുകൾ സംഘടിപ്പിച്ചിട്ടുണ്ട്, പലപ്പോഴും അദ്ദേഹത്തിന്റെ പ്രസംഗങ്ങൾ നിങ്ങൾ നല്ലത് പോലെ പഠിക്കുക ഗൾഫ് ജോലി എപ്പോഴും ശാശ്വതമല്ല വിദ്യ അഭ്യസിച്ച് സർക്കാർ ജോലികളിൽ കയറുക, പ്രത്യേകിച്ച് ന്യൂനപക്ഷങ്ങൾക്ക് വലിയ അവസരമുണ്ട് അത് പരമാവതി പ്രയോജനപ്പെടുത്തുക എന്നതായിരുന്നു.
ജില്ലയിലെ മികച്ച യൂത്ത് ക്ലബ്ബിനുള്ള അവാർഡിന് അപേക്ഷിക്കുന്ന സമയത്ത് കാസറകോട് നഗരസഭയുടെ ഭാഗത്ത് നിന്നും ഒരുപാട് പിന്തുണകൾ നൽകി, കബ്ബിന്റെ പരിപാടികൾക്കെല്ലാം മാഷിന്റെ ലെറ്റർ പാടിൽ സീലും ഒപ്പും വെച്ച് സാക്ഷ്യപത്രം തന്നു, അന്ന് മുനിസിപ്പൽ ചെയർമാനായിരുന്ന ടി.ഇ അബ്ദുല്ല സാഹിബിന്റെ ചേമ്പറിലേക്ക് ഞങ്ങളെയും കൂട്ടി ക്ലബ്ബിന്റെ പ്രവർത്തനങ്ങൾ ചൂണ്ടികാണിച്ചു നഗരസഭയുടെ പ്രശംസ പത്രവും വാങ്ങിച്ച് തന്നു. ആ സമയത്ത് കൂടുതൽ സമയം ഞങ്ങൾ മാഷിന്റെ റൂമിലായിരുന്നു, ഇപ്പുറത്തെ റൂമിലുണ്ടായിരുന്ന അന്നത്തെ വൈസ് ചെയർമാൻ എ. അബ്ദുൽ റഹിമാൻ സാഹിബ് ഞങ്ങളോട് തമാശ രൂപത്തിൽ പറയുമായിരുന്നു നിങ്ങൾ അവിടെ തന്നെ പായയും ഇട്ട് കിടന്നോളൂ എന്ന്, അത്രയ്ക്കും ക്ലബ്ബിനെ ഉയർച്ചയുടെ പാതയിലെത്തിക്കാൻ വേണ്ട എല്ലാ സഹായ സഹകരണങ്ങളും മാഷ് ചെയ്ത് തന്നിട്ടുണ്ട്. *ജില്ലയിലെ മികച്ച യൂത്ത് ക്ലബ്ബായി തുരുത്തി ഐലന്റ് ക്ലബ്ബിനെ തിരഞ്ഞെടുത്തപ്പോൾ ഏറെ സന്തോഷവനായിരുന്നു മാഷ്.*
അദ്ദേഹം ചെയ്ത് തന്ന സഹായങ്ങളെ എന്നും സ്മരിക്കപ്പെടും. പടച്ച തമ്പുരാൻ മാഷിന്റെ ഖബറിടം വിശാലമാക്കട്ടെ... സ്വർഗം നൽകി അനുഗ്രഹിക്കുമാറാകട്ട... ആമീൻ
✍️
*അബു മെഡിക്കൽ*
(മുൻ ജനറൽ സെക്രട്ടറി, ഐലന്റ് സ്പോർട്സ് ക്ലബ്ബ് തുരുത്തി)
