31/07/2026
ഓഗസ്റ്റ് 1 സഖാവ് എം എ അപ്പുകുട്ടൻ ഓർമ്മദിനം
(നമ്മുടെയെല്ലാം അപ്പുചേട്ടൻ) നമ്മെ വിട്ടുപിരിഞ്ഞിട്ട് എട്ട് വർഷം തികയുന്നു. മീനടത്തിന്റെ രാഷ്ട്രീയ ചരിത്രതാളുകളിൽ തങ്കലിപികളാൽ എഴുതപെട്ട നാമം സ. എം എ അപ്പുകുട്ടൻ . മീനടത്തു കമ്മ്യൂണിസ്റ്റ് പ്രസ്ഥാനത്തെ കെട്ടിപ്പടുത്തുന്നതിൽ നിർണായക പങ്കുവഹിച വ്യക്തിത്വം.മീനടത്തേ പ്രഥമ ഗ്രാമപഞ്ചായത്ത് പ്രസിഡന്റ് , മീനടം സർവീസ് സഹകരണ ബാങ്ക് പ്രസിഡന്റ്, ബാങ്ക് ഡയറക്ടർ ബോർഡ് മെമ്പർ, എന്നി നിലകളിൽ തന്റേതായ വ്യക്തിമുദ്ര പതിപ്പിച്ച പ്രതിഭ.സിപിഐ.എം പുതുപ്പള്ളി ഏരിയ കമ്മറ്റി അംഗം, സിപിഐ.എം മീനടം ലോക്കൽ സെക്രട്ടറി എന്നി നിലകളിൽ ദീർഘക്കാലം പ്രവർത്തിച്ചു. ഇരുട്ടിന്റെ മറവിൽ തന്റെ ജീവനെടുക്കാൻ വന്ന എതിരാളികളുടെ അതിക്രൂരമായ ആസിഡ് ആക്രമണത്തിനരയാകേണ്ടി വന്നു കാഴ്ച്ച പോലും നഷ്ടപെട്ട സഖാവ് തിരികെ ജീവിതത്തിലേക്ക് മടങ്ങിയെത്തി ഒരടി പോലും പിന്നോട്ട് പോകാതെ വർധിതവീര്യത്തോടെ മരണം വരെയും പാർട്ടിക്കായി നിലക്കൊളുകയും മീനടത്തിന്റെ രാഷ്ട്രീയ മണ്ഡലങ്ങളിൽ നിറസാന്നിധ്യമായിരുന്നു. പ്രിയ സഖാവിന്റെ ഓർമകൾക്ക് മുന്നിൽ ഒരുപിടി രക്തപുഷ്പങ്ങൾ അർപ്പിക്കുന്നു.