Muslim Youth League Nilambur Constituency

08/09/2026

💚💚💚

സമാനതകളില്ലാത്ത വിജയത്തോടെ ചരിത്രത്തിലേക്ക് നടന്നുകയറിയ മുസ്ലിം യൂത്ത് ലീഗ് മലപ്പുറം ജില്ലാ സമ്മേളനത്തിന്റെ ആവേശവും സന്തോഷവും അവസാനിക്കുന്നില്ല.

മൂന്ന് ദിവസങ്ങളിലായി, മുവ്വായിരത്തിലേറെ പ്രതിനിധികളുടെ പങ്കാളിത്തത്താൽ അവിസ്മരണീയമായ ഈ മഹാസംഗമം വൻ വിജയമാക്കി മാറ്റിയ പ്രിയപ്പെട്ട സഹപ്രവർത്തകർക്കും ജില്ലാ കമ്മിറ്റിക്കും ഹൃദയം നിറഞ്ഞ നന്ദി.

കഴിഞ്ഞ അഞ്ച് വർഷക്കാലം മലപ്പുറം ജില്ലാ യൂത്ത് ലീഗിനെ അത്യന്തം ആത്മസമർപ്പണത്തോടെ നയിച്ച പ്രിയപ്പെട്ട കൂട്ടായ്മയാണ് പടിയിറങ്ങുന്നത്. പ്രസിഡന്റ് ഷെരീഫ് കുറ്റൂർ, ജനറൽ സെക്രട്ടറി മുസ്തഫ അബ്ദുൽ ലത്തീഫ്, ട്രഷറർ വാവ വിസപ്പടി എന്നിവരുടെ നേതൃത്വത്തിലുള്ള ഈ കമ്മിറ്റി സംഘടനയ്ക്ക് നൽകിയ സംഭാവനകൾ ചരിത്രത്തിൽ സുവർണ്ണ ലിപികളിൽ എഴുതപ്പെടേണ്ടതാണ്.

സംഘടനയെ അടിത്തട്ടിൽ ശക്തീകരിക്കാൻ അവർ നടപ്പിലാക്കിയ ‘ചിറക്’ ക്യാമ്പയിനും, കേരളത്തിന്റെ സാംസ്കാരിക കേന്ദ്രങ്ങളിലെല്ലാം വലിയ ചർച്ചയായി മാറിയ ‘മാ ലിറ്ററേച്ചർ ഫെസ്റ്റിവൽ’ യൂത്ത് ലീഗിന്റെ ബൗദ്ധികവും സംഘടനാപരവുമായ വളർച്ചയുടെ നാഴികക്കല്ലുകളാണ്. അതുപോലെ തന്നെ, മലപ്പുറത്തിന്റെ സമ്പൂർണ്ണ ചരിത്രം അടയാളപ്പെടുത്തുന്ന, പത്ത് വോളിയത്തിലധികം വരുന്ന ചരിത്ര ഗ്രന്ഥ പദ്ധതിയുടെ പ്രവർത്തനങ്ങൾ ഈ കമ്മിറ്റിയുടെ ദീർഘവീക്ഷണത്തിന്റെ നേർസാക്ഷ്യമാണ്.
മികച്ച ഒട്ടനവധി പ്രവർത്തനങ്ങളിലൂടെ യൂത്ത് ലീഗ് പ്രസ്ഥാനത്തിന്റെ പോരാട്ട വീര്യം മലപ്പുറത്തിന്റെ മണ്ണിൽ അടയാളപ്പെടുത്തിയാണ് ഈ നേതൃത്വം പടിയിറങ്ങുന്നത്. ഈ അഞ്ച് വർഷക്കാലത്തെ സ്തുത്യർഹമായ സേവനത്തിനും, ഈ സമ്മേളനം ഇത്രത്തോളം വിജയകരമാക്കിത്തീർത്തതിന് പിന്നിൽ പ്രവർത്തിച്ച ഓരോരുത്തർക്കും ഹൃദയത്തിന്റെ ഭാഷയിൽ നന്ദിയും സ്നേഹവും അറിയിക്കുന്നു.

ഇസ്മായിൽ മൂത്തേടം
ജില്ലാ ഓർഗനൈസിംഗ് സെക്രട്ടറി,
മുസ്ലിം ലീഗ് മലപ്പുറം

Shareef Kuttoor Musthafa Abdul Latheef

02/09/2026

“അനീതിയുടെ കാലത്തിന് യുവധയുടെ തിരുത്ത്” എന്ന പ്രമേയത്തിൽ സംഘടിപ്പിച്ച മണ്ഡലം കൗൺസിലിന്റെ ഭാഗമായി മുസ്ലിം യൂത്ത് ലീഗ് നിലമ്പൂർ നിയോജകമണ്ഡലം കമ്മിറ്റി നിലവിൽ വന്നു.

01/09/2026

20 ദിനങ്ങൾ
400+ കിലോമീറ്ററുകൾ
അരലക്ഷത്തോളം യുവാക്കൾ കൂടെ നടന്നപ്പോൾ
അതൊരു ചരിത്രമായി മാറി!

മുസ്‌ലിം യൂത്ത് ലീഗ് മലപ്പുറം ജില്ലാ കമ്മിറ്റി വഴിക്കടവിൽ നിന്ന് പൊന്നാനിയിലേക്ക് സംഘടിപ്പിച്ച യൂത്ത് മാർച്ച് സംഘടനാ ചരിത്രത്തിൽ തന്നെ അതുല്യമായൊരു അദ്ധ്യായം.

ആയിരക്കണക്കിന് ചെറുപ്പക്കാർ ഹരിത പതാക കൈകളിലേന്തി മലപ്പുറത്തിന്റെ നഗര ഗ്രാമ വീഥികളിലൂടെ നിറഞ്ഞൊഴുകി.
അവരെ കാണാനും സ്വീകരിക്കാനും പതിനായിരങ്ങൾ ഒഴുകിയെത്തിയതും നിറമുള്ളൊരു കാഴ്ച്ച തന്നെയായിരുന്നു. പ്രസ്ഥാനം ദർശിച്ച ഏറ്റവും വലിയ സംഘാടനത്തിന് നേതൃത്വം നൽകിയതിന്റെ ചാരിതാർഥ്യത്തോടെ മുസ്‌ലിം യൂത്ത് ലീഗ് മലപ്പുറം ജില്ലാ കമ്മിറ്റി അതിന്റെ സംഘടനാ കാലയളവിന് ഇവിടെ പരിസമാപ്തി കുറിക്കുകയാണ്.

മുസ്‌ലിം യൂത്ത് ലീഗ് മലപ്പുറം ജില്ലാ സമ്മേളനം.
2026 സപ്തംബർ 4,5,6
മലപ്പുറം

01/09/2026

സംസ്ഥാന അധ്യാപക അവാർഡ് കരസ്ഥമാക്കിയ നിലമ്പൂർ കൂറ്റമ്പാറ സ്വദേശി സിദ്ദീഖ് ഹസ്സൻ മാഷിന് ഹൃദയം നിറഞ്ഞ അഭിനന്ദനങ്ങൾ!

നിലമ്പൂർ മോഡൽ യു.പി. സ്കൂളിലെ ഹെഡ്മാസ്റ്ററായി മികച്ച സേവനം കാഴ്ചവയ്ക്കുന്ന സിദ്ദീഖ് ഹസ്സൻ മാഷിന്റെ ഈ നേട്ടം നാടിനും വിദ്യാഭ്യാസ മേഖലയ്ക്കും അഭിമാനമാണ്.

പ്രശസ്ത ഗായകൻ ഹാനാൻഷയുടെ ഉപ്പ കൂടിയായ മാഷിന് ഇനിയും ഉയരങ്ങൾ കീഴടക്കാൻ കഴിയട്ടെ എന്ന് ആശംസിക്കുന്നു.

മുസ്‌ലിം യൂത്ത് ലീഗ് നിലമ്പൂർ നിയോജകമണ്ഡലം കമ്മിറ്റി

01/09/2026

മുസ്‌ലിം യൂത്ത് ലീഗ് നിലമ്പൂർ നിയോജകമണ്ഡലം ‘യൂത്ത് സംഗമം’ സംഘടിപ്പിച്ചു.

​ചുങ്കത്തറ:"അനീതിയുടെ കാലത്ത് യുവതയുടെ തിരുത്ത്" എന്ന പ്രമേയത്തിൽ മുസ്‌ലിം യൂത്ത് ലീഗ് ജില്ലാ സമ്മേളനത്തിന്റെ ഭാഗമായി നിലമ്പൂർ നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ യൂത്ത് സംഗമം സംഘടിപ്പിച്ചു. വരാനിരിക്കുന്ന മുസ്‌ലി യൂത്ത് ലീഗ് ജില്ലാ സമ്മേളനത്തിന്റെ മുന്നോടിയായാണ് സംഗമം സംഘടിപ്പിച്ചത്. ചുങ്കത്തറ ലീഗ് ഹൗസിൽ നടന്ന പരിപാടി മുസ്‌ലിം ലീഗ് പഞ്ചായത്ത്‌ പ്രസിഡന്റ് പറമ്പിൽ ബാവ ഉദ്ഘാടനം ചെയ്തു.
​മുസ്‌ലിം യൂത്ത് ലീഗ് നിലമ്പൂർ നിയോജകമണ്ഡലം പ്രസിഡന്റ് യാസർ അറഫാത്ത് ചടങ്ങിൽ അധ്യക്ഷത വഹിച്ചു.
അടുത്ത മാസം 4, 5, 6 തീയതികളിൽ നടക്കുന്ന മുസ്‌ലിം യൂത്ത് ലീഗ് ജില്ലാ സമ്മേളനത്തിന് നിയോജക മണ്ഡലത്തിൽ നിന്നും രജിസ്റ്റർ ചെയ്ത പ്രവർത്തകരെ പങ്കെടുപ്പിക്കാൻ യോഗം തീരുമാനിച്ചു.
​യോഗത്തിൽ മണ്ഡലം ജനറൽ സെക്രട്ടറി ഇർഷാദ് കക്കോടൻ, ട്രഷറർ ഹാരിസ്, ഭാരവാഹികളായ അജ്മൽ അണക്കായി, നഫ്സാദ് കുട്ടായി, അജ്മൽ പി മൂത്തേടം, ബാപ്പു ചരലിൽ എം എസ് എഫ് പ്രസിഡന്റ്‌ സഫ്‌വാൻ തുടങ്ങിയവർ സംസാരിച്ചു വാജിദ്, ജനീഷ്,ബിഷർ, ഫവാസ്, മിഥ്ലാജ്, അഫ്ളൽ, റാഷിദ്‌, ആസിഫ്,സാജിദ്, റഫീഖ്,ഫാരിസ്,മിസ്ബാഹ് തുടങ്ങിയവർ നേതൃത്വം നൽകി

28/08/2026

പോരാട്ടവീര്യത്തിന്റെ പുതിയ നേതൃത്വം! ✊🔥

27/08/2026

"അനീതിയുടെ കാലത്തിന് യുവതയുടെ തിരുത്ത്"

​മുസ്‌ലിം യൂത്ത് ലീഗ് നിലമ്പൂർ നിയോജക മണ്ഡലം കമ്മിറ്റിക്ക് പുതിയ നേതൃത്വം

​▫️ പ്രസിഡന്റ്: യാസർ അറഫാത്ത്
▫️ ജനറൽ സെക്രട്ടറി: ഇർഷാദ് കക്കോടൻ
▫️ ട്രഷറർ: ഹാരിസ് മുണ്ടോടൻ

​▫️ വൈസ് പ്രസിഡന്റുമാർ:
അജ്മൽ അണക്കായി | നഫ്സാദ് കുട്ടായി | അമീൻ പുലിക്കുത്ത് | ബഷീർ പോത്തുകല്ല്

​▫️ സെക്രട്ടറിമാർ:
ബാപ്പു ചരലിൽ | ഷെരീഫ് പട്ടാക്കൽ | പി കെ അജ്മൽ അലി

25/08/2026

നന്മയുടെയും സൗഹൃദത്തിന്റെയും പൂക്കൾ വിരിയട്ടെ... ഒത്തൊരുമയുടെയും സ്നേഹത്തിന്റെയും സന്തോഷത്തിന്റെയും പൊന്നോണക്കാലം വരവായി...
ജാതിമത ഭേദമന്യേ ഏവർക്കും ഹൃദയം നിറഞ്ഞ ഓണാശംസകൾ! 🌸🌾✨

​സ്നേഹാശംസകളോടെ,

മുസ്‌ലിം യൂത്ത് ലീഗ് നിലമ്പൂർ നിയോജക മണ്ഡലം കമ്മിറ്റി

24/08/2026

പ്രവാചകൻ കാണിച്ചുതന്ന സ്നേഹത്തിന്റെയും കാരുണ്യത്തിന്റെയും പാതയിലൂടെ സഞ്ചരിക്കാൻ ഈ ദിനം നമുക്ക് പ്രചോദനമാകട്ടെ.
ഏവർക്കും നബിദിനാശംസകൾ