China Cultural Center in Laos （ccclaos）

China Cultural Center in Laos （ccclaos） ສູນວັດທະນະທຳຈີນ ປະຈຳ ສປປ ລາວ
ເວລາເປີດ ວັນອັງຄານ-ວັນເສົາ
ຕອນເຊົ້າ 8:30-11:30; ຕອນບ່າຍ 14:00-17:00
ເບີໂທຕິດຕໍ່ 021-268891/268898

ສູນວັດທະນະທຳຈີນປະຈຳ ສປປລາວເປີດນຳໃຊ້ໃນວັນທີ 3 ພະຈິກ 2014,ສູນວັດທະນະທຳຈະຖືເອົາຄຸນນະພາບ,ສ້າງໄມຕີຈິດຕະພາບແລະການຮ່ວມມືເປັນເປົ້າໝາຍສຳຄັນ, ໂດຍປິ່ນອ້ອມກິດຈະກຳວັດທະນະທຳ,ການຝຶກອົບຮົມ, ສິດສອນ, ແລກປ່ຽນແນວຄິດ,ບໍລິການດ້ານຂໍ້ມູນຂ່າວສານ ແລະ ອື່ນໆ. ພ້ອມກັນນັ້ນຈະຈັດກິດຈະກຳທາງວັດທະນະທຳຕ່າງໆເລື້ອຍໆພາຍໃນຂົງເຂດວັດທະນະທຳເຊັ່ນ: ການສະແດງສິນລະປະ,ການວາງສະແດງ,ການປາຖະກະຖາ ແລະ ອື່ນໆ. ນອກນັ້ນ ຍັງໃຫ້ບໍລິການປະເພດຕ່າງໆເຊັ່ນ: ໃຫ້ຄຳ

ປຶກສາຂໍ້ມູນຂ່າວສານ, ຫ້ອງສະໝຸດ, ຝຶກອົບຮົມພາສາ ແລະຝີມືດ້ານວັດທະນະທຳອີກດ້ວຍ.ເຊິ່ງເປັນການເປີດປ່ອງຢ້ຽມໃຫ້ແກ່ປະຊາຊົນລາວໄດ້ສຳຜັດກັບວັດທະນະທຳຈີນ ແລະ ເປັນຂົວເຊື່ອມຕໍ່ເພື່ອເພີ່ມຄວາມເຂົ້າໃຈກັນລະຫວ່າງປະຊາຊົນທັງສອງຊາດ.ສູນວັດທະນະທຳ ສປ ຈີນ ປະຈຳ ສປປ ລາວ ຄອງຄອຍຮ່ວມມືກັບນັກສິນລະປິນລາວ-ຈີນ, ແລະ ຍິນດີຕ້ອນຮັບບັນດາເພື່ອນມິດສະຫາຍເຂົ້າມາທັດສະນະສຶກສາໃນສູນແຫ່ງນີ້ສະເໝີ.

ກິດຈະກຳ “ງານມ່ວນຊື່ນທ້າຍອາທິດ” ເສີມສ້າງການແລກປ່ຽນວັດທະນະທຳລາວ-ຈີນໄລຍະຜ່ານມາ, ສູນວັດທະນະທຳຈີນປະຈຳລາວ ໄດ້ຈັດ “ງານມ່ວນຊື່ນທ...
01/09/2026

ກິດຈະກຳ “ງານມ່ວນຊື່ນທ້າຍອາທິດ” ເສີມສ້າງການແລກປ່ຽນວັດທະນະທຳລາວ-ຈີນ

ໄລຍະຜ່ານມາ, ສູນວັດທະນະທຳຈີນປະຈຳລາວ ໄດ້ຈັດ “ງານມ່ວນຊື່ນທ້າຍອາທິດ” ໂດຍມີກິດຈະກຳທີ່ຫຼາກຫຼາຍເຊັ່ນ: ຫ້ອງຮຽນພາສາຈີນ, ການຮັບຊົມຮູບເງົາຈີນ 《独行月球》, ກິດຈະກຳ “ທູດນ້ອຍໝີແພນດາ” ແລະ ກິດຈະກຳສຳຜັດວັດທະນະທຳອາຫານຈີນ.

ສຳລັບກິດຈະກຳທ້າຍອາທິດນີ້ ໄດ້ຈັດຂຶ້ນພາຍໃຕ້ຫົວຂໍ້ “ລົດຊາດປະເທດຈີນ” ໂດຍຜູ້ເຂົ້າຮ່ວມໄດ້ຮຽນຮູ້ ແລະ ລົງມືເຮັດກ້ຽວຈີນຮ່ວມກັນ ພ້ອມທັງຮຽນຮູ້ວັດທະນະທຳ ແລະ ຄວາມໝາຍທີ່ແຝງຢູ່ໃນອາຫານຈີນ.

ກິດຈະກຳຕ່າງໆ ໄດ້ສ້າງໂອກາດໃຫ້ປະຊາຊົນລາວໄດ້ສຳຜັດ, ຮຽນຮູ້ພາສາ ແລະ ວັດທະນະທຳຈີນຢ່າງໃກ້ຊິດ, ພ້ອມທັງປະກອບສ່ວນຊຸກຍູ້ການແລກປ່ຽນດ້ານວັດທະນະທຳ ແລະ ເສີມສ້າງມິດຕະພາບລາວ-ຈີນໃຫ້ນັບມື້ແໜ້ນແຟ້ນຍິ່ງຂຶ້ນ.

27/08/2026

🚨 ໂຄ້ງສຸດທ້າຍ! ໃກ້ປິດຮັບສະໝັກແລ້ວ 🎤

ການແຂ່ງຂັນຄົນລາວຮ້ອງເພງຈີນ 2026 🇱🇦🇨🇳
💰 ລວມເງິນລາງວັນຫຼາຍກວ່າ 70 ລ້ານກີບ
✅ ສະໝັກຟຣີ
✅ ບໍ່ຈຳກັດອາຍຸ
✅ ເປີດຮັບຄົນລາວທົ່ວປະເທດ

ຜູ້ສະໝັກຈາກຕ່າງແຂວງທີ່ຜ່ານເຂົ້າຮອບ ຄະນະຈັດງານຮັບຜິດຊອບຄ່າເດີນທາງ, ອາຫານ ແລະ ທີ່ພັກ ✈️🏨

📅 ປິດຮັບສະໝັກວັນທີ 31 ສິງຫາ 2026

ຮີບກຽມວິດີໂອຮ້ອງເພງຈີນ ແລ້ວສະໝັກເຂົ້າມາເລີຍ! 🎶❤️

ຮູບເງົາວັນເສົານີ້!!! ຮູບເງົາຕະຫຼົກ ໄຊຟາຍ "ປະຕິບັດການໂດດດ່ຽວເທິງດວງຈັນ" ເຂົ້າຊົມຟຣີບໍ່ມີຄ່າໃຊ້ຈ່າຍ!! ລົງທະບຽນລິ້ງດ້ານລຸ່ມ...
25/08/2026

ຮູບເງົາວັນເສົານີ້!!! ຮູບເງົາຕະຫຼົກ ໄຊຟາຍ "ປະຕິບັດການໂດດດ່ຽວເທິງດວງຈັນ" ເຂົ້າຊົມຟຣີບໍ່ມີຄ່າໃຊ້ຈ່າຍ!! ລົງທະບຽນລິ້ງດ້ານລຸ່ມ ຫຼື ສະແກນ QR:
https://forms.gle/kYxzZJj5mTJd9md59

🍿🥤ໂປແກຣມຮູບເງົາວັນເສົາ ວັນທີ 29 ສິງຫາ.
ຊື່ຮູບເງົາ: ປະຕິບັດການໂດດດ່ຽວເທິງດວງຈັນ
ພາສາ：ຈີນ (ສັບຈີນ)
ຄວາມຍາວໜັງ: 120 ນາທີ
ເວລາສາຍ: ວັນເສົາເວລາ 14:00 ໂມງ
ສະຖານທີ່: ສູນວັດທະນະທໍາຈີນ ປະຈໍາ ສປປ ລາວ ຫ້ອງອະເນກປະສົງ ຊັ້ນ 1
ແຜນທີ່: https://maps.app.goo.gl/jXFZZFDGMxSw2pYb6
ບ້ານໂພນສະອາດ ເມືອງໄຊເສດຖາ ຕໍ່ໜ້າສະຖານີ BRT ອານຸສອນສະຖານປະທານສຸພານຸວົງ

📝ເນື້ອໃນຂອງຮູບເງົາ:
ນັກວິທະຍາສາດຄົ້ນພົບປະກົດການອັນໜ້າຕົກໃຈທີ່ສະເທືອນໂລກ, ມີດາວເຄາະນ້ອຍຂະໜາດມະຫຶມາກຳລັງມຸ່ງເຂົ້າຫາໂລກ ແລະ ມະນຸດກຳລັງຈະປະສົບກັບໄພພິບັດຄັ້ງໃຫຍ່. ເພື່ອຊ່ວຍມະນຸດໃຫ້ລອດພົ້ນຈາກວິກິດຄັ້ງນີ້, ມະນຸດຈຶ່ງສະເໜີແຜນການອັນກ້າຫານທີ່ຊື່ວ່າ “ແຜນການໂລ້ດວງຈັນ” (月盾计划).
ຕູ້ກູແຢ້ (独孤月) ເປັນວິສະວະກອນລະດັບກາງຄົນໜຶ່ງໃນແຜນການນີ້. ໃນດວງຈັນທີ່ຢູ່ຫ່າງໄກ, ລາວແອບຫຼົງຮັກ ມາຫຼານຊິງ (马蓝星), ຫົວໜ້າຜູ້ບັນຊາການທີ່ທັງງາມ ແລະເກັ່ງກ້າ. ແຕ່ອີກຝ່າຍບໍ່ເຄີຍເຫັນລາວຢູ່ໃນສາຍຕາ.
ມື້ໜຶ່ງ, ກຸ່ມອຸກກາບາດໄດ້ມາເຖິງພື້ນຜິວດວງຈັນກ່ອນກຳນົດ. ມະນຸດທີ່ປະຈຳການຢູ່ເທິງດວງຈັນຕ່າງຮີບຮ້ອນອົບພະຍົບອອກໄປ, ແຕ່ໄດ້ຖິ້ມ ຕູ້ກູແຢ້ ໄວ້ຢູ່ເທິງນັ້ນໂດຍບໍ່ໄດ້ຕັ້ງໃຈ.
ໃນດວງຈັນອັນງຽບເຫງົາ ແລະ ແຫ້ງແລ້ງ, ນອກຈາກ ຕູ້ກູແຢ້ ແລ້ວຍັງມີຈິງໂຈ້ໂຕໜຶ່ງທີ່ມີອາລົມຮ້າຍ. ໃນສະຖານທີ່ອັນໂດດດ່ຽວຫ່າງໄກຈາກໂລກ, ຕູ້ກູແຢ້ ແລະຈິງໂຈ້ ຈຶ່ງເລີ່ມຕົ້ນການຜະຈົນໄພເພື່ອຄວາມຢູ່ລອດທີ່ທັງແປກໃໝ່ ແລະ ຕະຫຼົກ…

🎬✨ ກິດຈະກຳ “ງານມ່ວນຊື່ນທ້າຍອາທິດ” ເຊື່ອມໂຍງມິດຕະພາບລາວ-ຈີນ 🇱🇦🤝🇨🇳ສູນວັດທະນະທຳຈີນ ປະຈຳລາວ ຮ່ວມກັບທີມອາສາສະໝັກຊາວໜຸ່ມຈີນ (ຊ...
22/08/2026

🎬✨ ກິດຈະກຳ “ງານມ່ວນຊື່ນທ້າຍອາທິດ” ເຊື່ອມໂຍງມິດຕະພາບລາວ-ຈີນ 🇱🇦🤝🇨🇳

ສູນວັດທະນະທຳຈີນ ປະຈຳລາວ ຮ່ວມກັບທີມອາສາສະໝັກຊາວໜຸ່ມຈີນ (ຊຽງໄຮ້) ຊຸດທີ 14 ຈັດກິດຈະກຳ “ງານມ່ວນຊື່ນທ້າຍອາທິດ” ເພື່ອສົ່ງເສີມການແລກປ່ຽນດ້ານພາສາ ແລະ ວັດທະນະທຳລະຫວ່າງຊາວໜຸ່ມລາວ-ຈີນ.

ພາຍໃນງານມີການສາຍຮູບເງົາຈີນ ເລື່ອງ: ຈຸດປະກາຍດາວ《人生大事》, ພ້ອມກິດຈະກຳມຸມພາສາຈີນ ໃຫ້ຊາວໜຸ່ມລາວໄດ້ສົນທະນາ ແລກປ່ຽນຄວາມຄິດ ແລະ ຝຶກໃຊ້ພາສາຈີນກັບອາສາສະໝັກຊາວໜຸ່ມຈີນ(ຊຽງໄຮ້).

ພ້ອມກັນນີ້ ຍັງມີກິດຈະກຳ “ທູດນ້ອຍແພນດ້າ” ອາທິດທີ 3 ໃຫ້ເດັກນ້ອຍລາວໄດ້ຮຽນຮູ້ວັດທະນະທຳບຸນກຸດຈີນ, ຄຳສັບພາສາຈີນ, ຫຼິ້ນເກມ ແລະ ປະດິດໂຄມໄຟ DIY ທ່າມກາງບັນຍາກາດທີ່ມ່ວນຊື່ນ. 🏮🐼

ກິດຈະກຳຄັ້ງນີ້ ເປັນອີກໜຶ່ງເວທີທີ່ຊ່ວຍສົ່ງເສີມຄວາມເຂົ້າໃຈ ແລະ ສາຍສຳພັນມິດຕະພາບລະຫວ່າງຊາວໜຸ່ມລາວ-ຈີນໃຫ້ແໜ້ນແຟ້ນຍິ່ງຂຶ້ນ. ❤️

21/08/2026

🎤 ສະໝັກແຂ່ງຂັນຮ້ອງເພງຈີນແນວໃດ?
ຄິບນີ້ພາທຸກຄົນເຮັດໄປພ້ອມກັນແບບງ່າຍໆ 📱✨

✅ ສະໝັກຟຣີ
✅ ບໍ່ຈຳກັດອາຍຸ
✅ ເປີດຮັບຄົນລາວທົ່ວປະເທດ
📅 ຮັບສະໝັກເຖິງວັນທີ 31 ສິງຫາ 2026
📢ປະກາດຜົນຮອບຄັດເລືອກວັນທີ 4 ກັນຍາ

ກຽມວິດີໂອຮ້ອງເພງຈີນຂອງເຈົ້າ ແລ້ວມາສະໝັກກັນເລີຍ! 🎶❤️

20/08/2026

🎤✨ ການແຂ່ງຂັນຮ້ອງເພງຈີນກັບມາອີກແລ້ວ! 🇱🇦🇨🇳

💰 ລວມເງິນລາງວັນຫຼາຍກວ່າ 70 ລ້ານກີບ!
🔥 ສະໝັກຟຣີ! ບໍ່ເສຍຄ່າໃຊ້ຈ່າຍ
📍 ເປີດຮັບຄົນລາວທົ່ວປະເທດ ບໍ່ຈຳກັດອາຍຸ

ສຳລັບຜູ້ສະໝັກຈາກຕ່າງແຂວງທີ່ຜ່ານເຂົ້າຮອບ ທາງຄະນະຈັດງານຈະຮັບຜິດຊອບ ຄ່າເດີນທາງໄປ-ກັບນະຄອນຫຼວງວຽງຈັນ, ອາຫານ ແລະ ທີ່ພັກ ໃຫ້ອີກດ້ວຍ ✈️🏨

🏆 ເງິນລາງວັນ
🥇 ລາງວັນຊະນະເລີດ 18,000,000 ກີບ — 1 ລາງວັນ
🥈 ລາງວັນທີ 2: 10,000,000 ກີບ — 2 ລາງວັນ
🥉 ລາງວັນທີ 3: 6,000,000 ກີບ — 3 ລາງວັນ
👏 ລາງວັນຊົມເຊີຍ 3,000,000 ກີບ — 6 ລາງວັນ
🎁 ລາງວັນການສະແດງດີເດັ່ນ: ລາງວັນ ພ້ອມດ້ວຍໃບຍ້ອງຍໍ— 1 ລາງວັນ
❤️ ລາງວັນແຕ່ງກາຍດີເດັ່ນ: ລາງວັນ ພ້ອມດ້ວຍໃບຍ້ອງຍໍ— 1 ລາງວັນ

📣 ໃຜສະໝັກໄດ້ແດ່?
✅ ຄົນລາວທົ່ວປະເທດ
✅ ບໍ່ຈຳກັດອາຍຸ
✅ ມັກຮັກການຮ້ອງເພງຈີນ ແລະ ກ້າສະແດງອອກ
✅ ການແຂ່ງຂັນໃຊ້ສະເພາະເພງພາສາຈີນ
✅ ຫາກຜ່ານເຂົ້າຮອບ ຜູ້ເຂົ້າແຂ່ງຂັນຕ້ອງກະກຽມເພງສຳລັບແຕ່ລະຮອບ ໂດຍບໍ່ໃຫ້ເພງຊ້ຳກັນ

📅 ກຳນົດການແຂ່ງຂັນ

📹 ຮອບສົ່ງວິດີໂອ
ເປີດຮັບສະໝັກຕັ້ງແຕ່ມື້ນີ້ – 31 ສິງຫາ 2026

🎬 3 ກັນຍາ 2026
ຄະນະກຳມະການຄັດເລືອກ 60 ຜົນງານຈາກວິດີໂອ ເພື່ອເຂົ້າສູ່ຮອບຕໍ່ໄປ

🎤 12 ກັນຍາ 2026
ແຂ່ງຂັນຮ້ອງສົດ ຄັດເລືອກຈາກ 60 ຄົນ ເຫຼືອ 30 ຄົນ ແລະ ຄັດຕໍ່ເຫຼືອ 12 ຄົນສຸດທ້າຍ
📍 ສູນວັດທະນະທຳຈີນ ປະຈຳລາວ

🎼 23–24 ກັນຍາ 2026
12 ຄົນສຸດທ້າຍ ຈະໄດ້ເຂົ້າຮ່ວມການຝຶກອົບຮົມການຮ້ອງເພງກັບ ຊ່ຽວຊານດ້ານການຮ້ອງເພງຈາກ ສປ ຈີນ 🇨🇳

🏆 25 ກັນຍາ 2026 — ຮອບຊິງຊະນະເລີດ
📍 ຫໍວັດທະນະທຳແຫ່ງຊາດ

🎶 ຖ້າເຈົ້າມັກຮ້ອງເພງຈີນ ນີ້ອາດເປັນເວທີຂອງເຈົ້າ!
ຢ່າລໍຖ້າໃຫ້ໂອກາດຜ່ານໄປ — ກຽມເພງທີ່ເຈົ້າມັກ ແລ້ວມາສະໝັກກັນ! 🎤❤️

七夕节 💕🇨🇳ເທສະການຊີຊີ ຫຼື “ວັນແຫ່ງຄວາມຮັກຂອງຈີນ” ເປັນໜຶ່ງໃນບຸນປະເພນີຈີນທີ່ມີຄວາມໝາຍພິເສດ. ເທສະການນີ້ ມີທີ່ມາຈາກຕຳນານ “牛郎织女”...
19/08/2026

七夕节 💕🇨🇳
ເທສະການຊີຊີ ຫຼື “ວັນແຫ່ງຄວາມຮັກຂອງຈີນ” ເປັນໜຶ່ງໃນບຸນປະເພນີຈີນທີ່ມີຄວາມໝາຍພິເສດ.

ເທສະການນີ້ ມີທີ່ມາຈາກຕຳນານ “牛郎织女” ເລື່ອງລາວຄວາມຮັກຂອງໜຸ່ມລ້ຽງງົວ ແລະ ສາວທໍຜ້າ ທີ່ສາມາດພົບກັນໄດ້ພຽງປີລະຄັ້ງ ໃນຄືນວັນທີ 7 ເດືອນ 7 ຕາມປະຕິທິນຈັນທະຄະຕິຈີນ 🌌✨

ໃນປັດຈຸບັນ 七夕节 ກາຍເປັນວັນທີ່ຄູ່ຮັກສະແດງຄວາມຮັກຕໍ່ກັນເຊັ່ນ:ມອບຂອງຂວັນ, ກິນເຂົ້າ ຫຼື ໃຊ້ເວລາຮ່ວມກັນ. ❤️

ນອກຈາກຈະເປັນເທສະການແຫ່ງຄວາມຮັກແລ້ວ 七夕节 ຍັງສື່ເຖິງຄວາມປາຖະໜາຕໍ່ຄວາມຮັກທີ່ງົດງາມ, ຄວາມສຸກຂອງຄອບຄົວ ແລະ ການສືບສານວັດທະນະທຳຈີນ. 🌸

ຮູບເງົາວັນເສົານີ້!!! ກຽມທິດຊູ້ໃຫ້ພ້ອມ ແລ້ວມາເປັນກໍາລັງໃຈໃຫ້ສຽວເຫວິນ ກັບ ໂມ້ຊ່ານເມີ້ຍໄປນໍາກັນ, ເຂົ້າຊົມຟຣີບໍ່ມີຄ່າໃຊ້ຈ່າຍ...
18/08/2026

ຮູບເງົາວັນເສົານີ້!!! ກຽມທິດຊູ້ໃຫ້ພ້ອມ ແລ້ວມາເປັນກໍາລັງໃຈໃຫ້ສຽວເຫວິນ ກັບ ໂມ້ຊ່ານເມີ້ຍໄປນໍາກັນ, ເຂົ້າຊົມຟຣີບໍ່ມີຄ່າໃຊ້ຈ່າຍ!! ລົງທະບຽນລິ້ງດ້ານລຸ່ມ ຫຼື ສະແກນ QR:
https://forms.gle/YsHJLa7k3Afi5HyN9

🥳 ຫຼັງຈົບຮູບເງົາ ມີກິດຈະກໍານັ່ງສົນທະນາແລກປ່ຽນ ເພື່ອຝຶກຝົນພາສາຈີນ.
🍿🥤ໂປແກຣມຮູບເງົາວັນເສົາ ວັນທີ 22 ສິງຫາ.
ຊື່ຮູບເງົາ: ຈຸດປະກາຍດາວ
ພາສາ：ຈີນ (ສັບຈີນ)
ຄວາມຍາວໜັງ: 112 ນາທີ
ເວລາສາຍ: ວັນເສົາເວລາ 14:00 ໂມງ
ສະຖານທີ່: ສູນວັດທະນະທໍາຈີນ ປະຈໍາ ສປປ ລາວ ຫ້ອງອະເນກປະສົງ ຊັ້ນ 1
ແຜນທີ່: https://maps.app.goo.gl/jXFZZFDGMxSw2pYb6
ບ້ານໂພນສະອາດ ເມືອງໄຊເສດຖາ ຕໍ່ໜ້າສະຖານີ BRT ອານຸສອນສະຖານປະທານສຸພານຸວົງ

📝ເນື້ອໃນຂອງຮູບເງົາ:
ຫຼັງຈາກອອກຈາກຄຸກ, "ໂມ້ຊານເມີ້ຍ" (莫三妹) ກໍພົບວ່າຕົນເອງຖືກແຟນຖິ້ມ. ພໍ່ຂອງລາວຢາກມອບກິດຈະການຈັດງານສົບຂອງຄອບຄົວໃຫ້ລາວເບິ່ງແຍງ, ແຕ່ກໍຍັງບໍ່ເຊື່ອໝັ້ນວ່າລາວຈະເຮັດບໍ່ສຳເລັດ, ສ່ວນໂຕໂມ້ຊານເມີ້ຍເອງກໍບໍ່ໄດ້ສົນໃຈໃນທຸລະກິດຄອບຄົວນີ້ເລີຍ.
ຈົນມື້ໜຶ່ງ ມີເດັກຍິງຄົນໜຶ່ງໄດ້ບຸກເຂົ້າມາໃນຮ້ານ ແລະ ຖາມວ່າແມ່ເຖົ້າຂອງຂ້ອຍທີ່ຖືກລົດຂົນຈັບໄປນັ້ນຢູ່ໃສ. ຫຼັງຈາກນັ້ນ, ດ້ວຍຄວາມບັງເອີນ ແລະ ຄວາມວຸ້ນວາຍຫຼາຍຢ່າງ ໂມ້ຊານເມີ້ຍຈຶ່ງໄດ້ຮັບລ້ຽງ "ສ່ຽວເຫວິນ" (小文) ເດັກຍິງທີ່ໜ້າສົງສານແຕ່ຊວນໃຫ້ປວດຫົວຄົນນີ້.
ໃນລະຫວ່າງທີ່ຢູ່ນໍາກັນ, ຈາກຄູ່ປັບກໍກາຍມາເປັນ "ພໍ່ລູກ", ຄອຍຢູ່ຄຽງຂ້າງ ແລະ ຢຽວຢາຈິດໃຈຊຶ່ງກັນແລະກັນ. ເດັກນ້ອຍຄ່ອຍໆປ່ຽນທັດສະນະຄະຕິຂອງໂມ້ຊານເມີ້ຍທີ່ມີຕໍ່ອາຊີບ ແລະ ການໃຊ້ຊີວິດ, ເຮັດໃຫ້ລາວເລີ່ມກັບມາຄິດທົບທວນເຖິງຄຸນຄ່າຂອງອາຊີບຜູ້ຈັດງານສົບ ຫຼື ສັບປະເຫຼີ່ອີກຄັ້ງ.

ສູນວັດທະນະທຳຈີນປະຈຳລາວ ຈັດງານສັບປະດາວັດທະນະທຳວັນທີ 15 ສິງຫາ 2026, ສູນວັດທະນະທຳຈີນປະຈຳລາວ ຈັດກິດຈະກຳວັດທະນະທຳຫຼາກຫຼາຍ ໂດຍ...
18/08/2026

ສູນວັດທະນະທຳຈີນປະຈຳລາວ ຈັດງານສັບປະດາວັດທະນະທຳ

ວັນທີ 15 ສິງຫາ 2026, ສູນວັດທະນະທຳຈີນປະຈຳລາວ ຈັດກິດຈະກຳວັດທະນະທຳຫຼາກຫຼາຍ ໂດຍປະກອບມີ: ການເປີດງານສາຍຮູບເງົາດີເດັ່ນປະເທດຈີນ ປະຈຳປີ 2026 ໂດຍສາຍຮູບເງົາ “ເທບສາມຕາ ຢາງຈ້ຽນ”, ກິດຈະກຳມຸມພາສາຈີນໃຫ້ຜູ້ຮ່ວມໄດ້ຝຶກສົນທະນາພາສາຈີນຜ່ານຫົວຂໍ້ຈາກຮູບເງົາ, ກິດຈະກຳ “ທູດນ້ອຍໝີແພນດ້າ” ສຳລັບເດັກນ້ອຍ ແລະ ເປີດຫ້ອງຮຽນພາສາຈີນລະດູໃບໄມ້ຫຼົ່ນ ລະດັບ HSK1 ແລະ HSK2.

ກິດຈະກຳທັງໝົດຊ່ວຍເສີມສ້າງການແລກປ່ຽນພາສາ ແລະວັດທະນະທຳ ພ້ອມສ້າງຄວາມໃກ້ຊິດລະຫວ່າງປະຊາຊົນລາວ–ຈີນ.

Address

ບ້ານໂພນສະອາດ
Vientiane

Opening Hours

Tuesday 09:00 - 16:30
Wednesday 09:00 - 16:30
Thursday 09:00 - 16:30
Friday 09:00 - 16:30
Saturday 09:00 - 16:30

Telephone

+85621228898

Website

Alerts

Be the first to know and let us send you an email when China Cultural Center in Laos （ccclaos） posts news and promotions. Your email address will not be used for any other purpose, and you can unsubscribe at any time.

Shortcuts

Share

Category