Fitaleavam-paritry ny Fahasalamam-bahoaka Analamanga

22/07/2026

📸 Orientation sur le Contact Tracing mpox
👉 Minisiteran’ny Fahasalamam-bahoaka
👉 Fitaleavam-paritry ny Fahasalamam-bahoaka Analamanga

Notanterahina tao amin’ny Notre Dame de Cénacle Soavimbahoaka ny atrikasa Orientation Contact Tracing mpox, natokana ho an’ireo EIR District sy ireo Agents Communautaires (AC) avy amin’ireo CSB eto amin’ny Grand Tanà.
Ny atrikasa dia notarihin’Andriamatoa Talem-paritry ny Fahasalamam-bahoaka Analamanga, niaraka tamin’ireo EIR Analamanga, mba hanamafisana ny fahaiza-manaon’ireo mpandray anjara amin’ny fanaraha-maso sy ny fitiliana ireo olona nifandray tamin’ny tranga mpox.
Taorian’ny fiofanana dia nanomboka avy hatrany ny asa eny ifotony ireo AC, izy ireo izay hanatanteraka izany mandritra ny 21 andro.
✅ Contact tracing (fanaraha-maso ireo olona nifandray tamin’ny tranga)
✅ Fanentanana momba ny aretina mpox
✅ Fampahafantarana ny maha-zava-dehibe ny vaksiny sy ireo fepetra fisorohana.

🙏 Fisaorana sy fankasitrahana no atolotra ny STRIDES noho ny fanohanana ara-teknika sy ara-pitaovana nahafahana nanatanteraka ity hetsika ity.

20/07/2026

📸 Fanaraha-maso amin'ny fanombohana ny tetikasa VITA CCU

👉 Minisiteran’ny Fahasalamam-bahoaka
👉 Fitaleavam-paritry ny Fahasalamam-bahoaka Analamanga
👉 SDSP Antananarivo Renivohitra

🗓️ 13 – 17 Jolay 2026
Notanterahina ny fanaraha-maso (supervision intégrée) ho fanombohana ny hetsika ao anatin’ny tetikasa VITA CCU (Vigilance et Intervention pour le Traitement du Cancer du Col de l’Utérus), tao amin’ireo CSB miisa 10 tohanan’ny Médecins du Monde (MdM), eo ambany fiahian’ny SDSP Antananarivo Renivohitra – DRSP Analamanga.
Nandritra ny fanombohana ny tetikasa dia nahazo fiofanana ireo mpiasan’ny fahasalamana. Efa nozaraina ireo fitaovana ilaina amin’ny asa, toy ny consommables, matériels techniques ary appareil de thermocoagulation, ho fanohanana ny kalitaon’ny tolotra omena ihany koa izy ireo.

🙏 Fisaorana no atolotra ireo ekipa sy mpiara-miombon’antoka rehetra nandray anjara tamin’ny fanatanterahana ity hetsika ity.

14/07/2026

📸 Fahasalamana Manakaiky Vahoaka
👉 Minisiteran’ny Fahasalamam-bahoaka
👉 Fitaleavam-paritry ny Fahasalamam-bahoaka Analamanga
👉 SDSP Ankazobe

Notanterahina tao amin’ny Fokontany Tsarahonenana sy Fokontany Kianjasoa, Kaominina Ambanivohitra Kiangara, ny hetsika “Fahasalamana Manakaiky Vahoaka”, izay natao hanatonana ny tolotra ara-pahasalamana ho an’ny mponina.
Anisan’ny tolotra nandritra ny hetsika:
✅ Didimpoitra faobe
✅ Fizaham-pahasalamana ankapobeny
✅ Fizahana maso
✅ Fanentanana ara-pahasalamana
Tanteraka ity hetsika ity noho ny fiaraha-miasan’ny SDSP Ankazobe, ny Kaominina Ambanivohitra Kiangara, ny Croix-Rouge Malagasy, ary ny Association FANASOA, izay samy nanome ny anjara birikiny ho fanatsarana ny fahasalaman’ny mponina.
🙏 Isaorana ireo mpiasan’ny fahasalamana sy ireo mpiara-miombon’antoka rehetra nandray anjara tamin’ny fanatanterahana ity hetsika ity.

11/07/2026

📸 Orientation des utilisateurs de l’APK sur tablette – Projet « Implémentation Research »
👉 Minisiteran’ny Fahasalamam-bahoaka
👉 Fitaleavam-paritry ny Fahasalamam-bahoaka Analamanga
👉 SDSP Antananarivo Renivohitra
🗓️ 07 – 10 Jolay 2026

Notanterahina ny atrikasa fanofanana sy fampiofanana ireo mpampiasa ny APK amin’ny tablette, ao anatin’ny tetikasa « Implémentation Research », izay mikendry ny hanatsarana ny kalitaon’ny tolotra ara-pahasalamana ho an’ny tanora sy ny zatovo ao amin’ireo CSAJ pilote efatra: Antsahamamy, Antanimena, Mahamasina ary Isotry Central.

🙏 Fisaorana no atolotra ireo ekipa rehetra nandray anjara tamin’ny fanatanterahana ny atrikasa, indrindra ny DSFA, DEPSI, EMAR, EMAD ary ireo CSB voakasika.
🙏 Fankasitrahana manokana ihany koa ho an’ireo mpiara-miombon’antoka ara-teknika sy ara-bola noho ny fanohanana sy ny fiaraha-miasa.
📌 Manomboka ny 13 Jolay 2026 dia hanomboka ny fanangonana ny angon-drakitra kalitatifa amin’ireo formulaire Prestataires sy tanora (15–24 taona), ho fanohanana ny fanatsarana hatrany ny tolotra ara-pahasalamana ho an’ny tanora.

07/07/2026

02/07/2026

📸 Ako an-tsary – Varavarana misokatra sy fahasalamana manakaiky vahoaka

👉 Minisiteran’ny Fahasalamam-bahoaka
👉 Fitaleavam-paritry ny Fahasalamam-bahoaka Analamanga
👉 SDSP Manjakandriana

Nandritra ny volana Jona lasa teo, dia notanterahina tao amin’ny Distrika Manjakandriana ny hetsika “Varavarana Misokatra sy Fahasalamana Manakaiky Vahoaka”, nokarakarain’ny Minisiteran’ny Fahasalamam-bahoaka.
Marobe ireo mponina nisitraka tolotra ara-pahasalamana maimaimpoana, izay natao hanamora ny fidirana amin’ny fitsaboana sy fanentanana ara-pahasalamana ho an’ny rehetra.
🙏 Isaorana manokana ireo mpiasan’ny fahasalamana rehetra nanatanteraka sy nifanome tanana tamin’ity hetsika ity.

29/06/2026

📝FANAMAFISANA NY ADY AMIN’NY VALAN'ARETINA mpox
👉Minisiteran’ny Fahasalamam-bahoaka
👉Filtaleavam-paritry ny Fahasalamam-bahoaka Analamanga
👉SDSP Antananarivo Renivohitra’
Tontosa soa aman-tsara ny Fiofanana an’ireo mpisehatra ifotony sy eny anivon’ny fiaraha-monina mba ahafahana miady sy mandresy ny valan’aretina mpox.
Nahazo ny fahalalàna sy fahaiza-manao ireo Equipe d'Intervention Rapide (EIR) sy ireo Mpanentana Ara-pahasalamana (AC) eto Antananarivo Renivohitra.
🙏Ny tanjona dia ny fanamafisana ny fahaiza-manaon'izy ireo amin'ny fitiliana sy fandraisana an-tanana haingana ireo tranga voamarina, ny fanaraha-maso ireo olona marary sy ireo nifanerasera taminy, ary ny fanentanana ny vahoaka ny mba ho mailo mba hahafahana mifehy ny fiparitahan'ny mpox.
‎🧾Nohamafisina fa ny fiaraha-miasan’ny Equipe d’intervention Rapide sy ny Mpanentana ara-pahasalamana dia tetika mahomby hanapahana ny rojom-pifandraisan’ny aretina ka ahafahana mandresy ny valan’aretina
🙏Isaorana ny CDC AFRICA amin’ny fanohanana nahafahana nanatanteraka izao fiofanana izao

‎💯 MIASA MIARAKA HO AN'NY FANOVANA, MANASITRANA NY FIRENENA

25/06/2026

🧾 DRSP Analamanga
📝 25 Jona 2026

Ho fanamarihana ny Asaramanitra sy ny fetim-pirenena, ny sosialy eto amin’ny DRSP Analamanga dia nanatanteraka fizarana arendrina ho an’ny zanaky ny mpiasa.
Nisy ihany koa ny fizarana koba, ho mariky ny firaisankina sy fifampizarana amin’izao fotoam-pifaliana izao.
👉Ity hetsika ity dia maneho ny fanamafisana ny firaisankina sy ny fifanohanana eo anivon’ny mpiasa, ary ny fanajana ny soatoavina mandritra ny fety.
Mirary fety sambatra ho an’ny rehetra! 🎉

20/06/2026

🏥 Fitokanana ny CSB1 Nanjakana
📝 18 Jona 2026

Tontosa ny fitokanana ny CSB1 Nanjakana, ao amin’ny Kaominina Ambohitseheno, SDSP Manjakandriana. Ity fotodrafitrasa ara-pahasalamana ity dia natao hanatsarana ny fandraisana an-tanana ny fahasalaman’ny mponina sy hanamora ny fahazoana tolotra ara-pahasalamana eny ifotony.

👉Ny fisian’ity CSB1 vaovao ity dia maneho ny ezaka mitohy amin’ny fanakaikezana ny tolotra ara-pahasalamana ho an’ny vahoaka, mba hahafahan’ny rehetra misitraka fikarakarana ara-pahasalamana sy mora hatonina.
Fahasalamana manakaiky ny mponina hatrany no tanjona.

12/06/2026

🏥 Hetsika ara-pahasalamana – CSB2 Anepoka, Distrika Andramasina

Ny CSB2 Anepoka sy SDSP Andramasina dia nanao hetsika ara-pahasalamana niompana indrindra tamin’ny fahasalaman'ny reny sy ny zaza, izay nahitana:
✅ Fanentanana sy fanamafisana ireo aretina azo sorohina amin’ny alalan’ny vaksiny
✅ Fampahafantarana momba ny fandrindram-pianakaviana
✅ Fanentanana mikasika ny aretina MPOX
✅ Fanaovana didimpoitra maimaimpoana ho an’ny zaza sy ny reny
✅ Fanaovana vaksiny ho an’ny zaza latsaky ny 1 taona
Ny hetsika dia mikendry ny fiarovana ny fahasalamana ny zaza sy ny reny, ary ny fanamafisana ny fampiharana ny fiarovana ara-pahasalamana ho an’ny rehetra.

©️Andramasina