Minisiteran'ny Foloalindahy Madagasikara

02/09/2026

𝐅𝐈𝐀𝐑𝐀𝐇𝐀-𝐌𝐈𝐀𝐒𝐀 𝐈𝐍𝐃𝐄 𝐒𝐘 𝐌𝐀𝐃𝐀𝐆𝐀𝐒𝐈𝐊𝐀𝐑𝐀 :
𝐅𝐀𝐌𝐏𝐈𝐎𝐅𝐀𝐍𝐀𝐍𝐀 𝐈𝐑𝐄𝐎 𝐌𝐏𝐀𝐌𝐏𝐈𝐎𝐅𝐀𝐍𝐀 𝐓𝐄𝐍𝐘 𝐀𝐍𝐆𝐋𝐈𝐒𝐘 𝐒𝐘 𝐇𝐀𝐈𝐓𝐀𝐎 𝐀𝐑𝐀-𝐊𝐀𝐉𝐘 𝐌𝐈𝐑𝐈𝐍𝐃𝐑𝐀

👉Nanomboka ny alarobia 2 septambra 2026 ny fampiofanana ireo mpampiofana amin’ny teny anglisy sy ny haitao ara-kajy mirindra, izay tarihin’ireo Manamboninahitra Indianina ho an’ireo mpiasa sivily sy miaramila eo anivon’ny Minisiteran’ny Foloalindahy sy ny Etamazaoron'ireo Tafika.

➡️Izany fampiofanana izany dia tanterahina ao amin’ny trano fianarana teny vahiny eo anivon’ny Fitaleavan’ny Serasera ao amin’ny Minisiteran’ny Foloalindahy, izay haharitra dimy andro.

✅Nanotrona ny fanokafana izao fiofanana izao ny Talen’ny Haitao ara-kajy mirindra, ny Jeneraly RASEHENOSON Raymond, niaraka tamin’ny Talen’ny Serasera eto anivon’ny Minisiteran’ny Foloalindahy, Ramatoa ANDRIANARISOA Bodo Hanta Lovasoa.

ℹ️Tanjona amin’izao fampiofanana izao ny hanatsarana hatrany ny traikefa efa ananan’ireo mpampiofana, ary hampiakarana ihany koa ny fahaiza-manaon’izy ireo, mba hahafahan’izy ireo mampita izany amin’ireo olona hampianariny. Ny fianarana ho an'ny mpianatra atolotr'ireto Manamboninahitra ireto moa dia hanomboka ny 14 septambra 2026. Andiany faharoa ity delegasiona avy amin’ny firenena Indianina ity, izay tarihin’ny Kolonely Sukhinder Guleria. Efa manana traikefa maro amin'ny fampianarana teny anglisy sy fifehezana haitao ara-kajy mirindra ireto Manamboninahitra ireto, ary efa manana traikefa iraisam-pirenena amin'ny lafiny ara-Miaramila ihany koa.

01/09/2026

𝐌𝐈𝐍𝐈𝐒𝐈𝐓𝐄𝐑𝐀𝐍’𝐍𝐘 𝐅𝐎𝐋𝐎𝐀𝐋𝐈𝐍𝐃𝐀𝐇𝐘
𝐅𝐀𝐌𝐏𝐈𝐓𝐀𝐌-𝐁𝐀𝐎𝐕𝐀𝐎

Ny Minisiteran’ny Foloalindahy dia manao izao fampitam-baovao izao, manoloana ny fahatratrarana rongony tany anaty fiara voalaza fa an’ny Manamboninahitra Jeneraly iray tany Betroka ny 30 aogositra 2026 misasak’alina :
- Voamarina fa tsy Manamboninahitra Jeneraly no tompon’ny fiara na tao anaty fiara tamin’io fotoana io fa olona tsy manana io laharam-boninahitra io, izay ninia nanao sandoka nentina nanatontosa asa ratsy
- Marihina etoana fa ny fiara entina manatanteraka asa sy iraka ihany no tokony ahitana ny marika maha-manamboninahitra Jeneraly (cocarde), ary tokony ho hita ao anatin'izany fiara izany ny mitondra ny laharam-boninahitra
- Manao fampitandremana ho an'ireo olona mampiasa na mitonona ho Foloalindahy amin'ny fanaovana zavatra tsy mifanaraka amin'ny fotokevitra hijoroan'ity farany, indrindra ny fampiasana ireo famantarana mampiavaka ny asan'ny Foloalindahy, toy ny fanamiana, ny laharam-boninahitra (grade), ny famantarana amin’ny trano na fiara…..
- Eo am-piandrasana ny valin'ny fanadihadiana dia manome toky fa raha misy miaramila amperin'asa voakasik'izao raharaha izao dia hisy ny fandraisana fepetra hentitra ara-miaramila izay tsy misakana ny sazy sy fanenjehana araka ny didy aman-dalana manan-kery eto amin’ny tany sy ny firenena
- Miantso ireo Manamboninahitra Jeneraly, Manamboninahitra ambony, Manamboninahitra, Manamboninahitra Lefitra sy Miaramila an-daharana hanaja hatrany ny fitsipika sy lalana mifehy azy ireo, ka hitandro toy ny anak’andriamaso ny hasina maha-Miaramila, mba tsy hahafahan’ny mpanosom-potaka misandoka ny andraikitra sy ny maha-izy azy ny Miaramila
- Tanjona ny hametrahana ny vina : « Foloalindahy manakaiky vahoaka » ka aoka hotanterahitsika an-tsakany sy an-davany izany

Ho an’ny Tanindrazana🇲🇬

29/08/2026

27/08/2026

𝐓𝐎𝐑𝐊𝐈𝐀-𝐌𝐀𝐃𝐀𝐆𝐀𝐒𝐈𝐊𝐀𝐑𝐀
𝐍𝐈𝐓𝐒𝐈𝐃𝐈𝐊𝐀 𝐍𝐘 𝐌𝐈𝐍𝐈𝐒𝐈𝐓𝐑𝐘 𝐍𝐘 𝐅𝐎𝐋𝐎𝐀𝐋𝐈𝐍𝐃𝐀𝐇𝐘 𝐍𝐘 𝐌𝐀𝐒𝐎𝐈𝐕𝐎𝐇𝐎𝐍'𝐈 𝐓𝐎𝐑𝐊𝐈𝐀 𝐕𝐀𝐎𝐕𝐀𝐎

👉Nitsidika tamin’ny fomba ofisaly an’Andriamatoa Minisitry ny Foloalindahy, ny Jeneraly RAZAFITOMBO Maminirina Ely tao amin'ny Ministeran'ny Foloalindahy Ampahibe ny Masoivohon'ny Repoblikan'i Torkia vaovao eto Madagasikara, Ramatoa Halime Ebru Demircan sy ny delegasiona notarihiny ny alakamisy 27 aogositra 2026.

➡️Fitsidihana voalohany nataon-dRamatoa Masoivohin’i Torkia tao amin’ny Minisiteran’ny Foloalindahy moa izao, raha toa ka ny volana may 2026 izy no nandray ny toerana maha-Masoivoho azy teto Madagasikara🇲🇬.

ℹ️Niompana tamin’ny fitohizan’ny fiaraha-miasa misy eo amin’i Torkia sy Madagasikara amin’ny lafiny ara-tafika ny fifanakalozana nifanaovan’ny roa tonta, ka voaresaka tamin’izany ny fahatongavan'ny "Agence Spatiale Turque" eto Madagasikara ny 10 sy 11 septambra ho avy izao. Marihina fa efa misy ny fifanarahana ara-tafika na « memorandum d’entente » eo amin’i Torkia🇹🇷 sy Madagasikara ary efa miara-miasa amin’ny lafiny fiofanana ara-miaramila ny firenena roa tonta.

26/08/2026

𝐀𝐒𝐈𝐄𝐅 𝐌𝐀𝐍𝐀𝐊𝐀𝐑𝐀
𝐃𝐈𝐀𝐁𝐄, "𝐙𝐔𝐌𝐁𝐀" 𝐒𝐘 "𝐌𝐀𝐓𝐂𝐇 𝐃𝐄 𝐆𝐀𝐋𝐀" 𝐍𝐎 𝐍𝐈𝐒𝐀𝐍𝐓𝐀𝐑𝐀𝐍𝐀 𝐍𝐘 𝐅𝐈𝐇𝐀𝐎𝐍𝐀𝐍𝐀 𝐀𝐑𝐀-𝐏𝐀𝐍𝐀𝐓𝐀𝐍𝐉𝐀𝐇𝐀𝐍𝐓𝐄𝐍𝐀

🟢Nisokatra tamin'ny fomba ofisialy ny alarobia 26 aogositra 2026 ny fifaninanana ara-panatanjahantena ataon'ny mpiasam-panjakana tao Manakara karakarain'ny ASIEF (Association Sportive Interministérielle pour l'Entretien des Fonctionnaires). Nanombohana ny lanonam-panokafana ny diabe niatomboka manoloana ny Gara nihazo ny Kianja monisipaly Manakara izay notarihin'Andriamatoa Filohan'ny fanavaozana ny Repoblikan'i Madagasikara🇲🇬, ny Kolonely RANDRIANIRINA Michaël, ireo Mpanolontsaina Avo mirahalahy, ireo Minisitra mpikambana eo anivon'ny Governemanta, ireo Manam-pahefana isan-tsokajiny eto amin'ny firenena ary ireo atleta avy amin'ny Minisitera sy Andrim-panjakana maro mandray anjara amin'izao fifaninanana izao.

ℹ️Nandritra ny lahateny nataony no nampatsiahivin'Andriamatoa Filohan'ny Fanavaozana ny Repoblikan'i Madagasikara fa ny fanatanjahan-tena dia natao hampisy ny firaisan-kina eo amin'ny mpiasam-panjakana ankoatra ny fitaizam-batana ary am-pirahalahina no hitondrana ny lalao ka ny mandresy tsy hobiana ary ny resy tsy akoraina. Namaranana ny fotoana ho an'ny tapak'andro maraina ny "zumba"🕺 izay niarahan'ny rehetra. Nitohy tamin'ny "match de gala" baolina kitra⚽ sy "basket ball"🏀 nihaonan'ny Mpikambana eo anivon'ny Governemanta sy ireo ekipa avy amin'ny atleta mpandray anjara ny fotoana ho an'ny tolakandro. Nandritra izany fihaonana izany no nahatafidiran'Andriamatoa Ministry ny Foloalindahy, ny Jeneraly RAZAFITOMBO Maminirina Ely baolina 🎯miisa telo.

26/08/2026

𝐅𝐀𝐍𝐎𝐊𝐀𝐅𝐀𝐍𝐀 𝐍𝐘 𝐀𝐒𝐈𝐄𝐅
𝐍𝐈𝐆𝐀𝐃𝐎𝐍𝐀 𝐓𝐀𝐎 𝐌𝐀𝐍𝐀𝐊𝐀𝐑𝐀 𝐍𝐘 𝐅𝐈𝐋𝐎𝐇𝐀𝐍'𝐍𝐘 𝐅𝐀𝐍𝐀𝐕𝐀𝐎𝐙𝐀𝐍𝐀

🟢Nigadona tao Manakara ny 25 aogositra 2026 ny delegasiona notarihin'ny Filohan'ny Fanavaozana ny Repoblikan'i Madagasikara🇲🇬, ny Kolonely RANDRIANIRINA Michaël, ny Mpanolontsaina Avo, ny Kolonely ANDRIAMIHARISOA Gervais miaraka amin'ireo Minisitra mpikambana eo anivon'ny Governemanta ahitana ny Minisitry ny Foloalindahy.

➡️Ny fanokafana amin'ny fomba ofisialy ny fifaninanana ara-panatanjahantena🤾 karakarain'ny ASIEF moa no anton'izao dia izao, izay hotontosaina ny alarobia 26 aogositra 2026. Raha ny mahakasika ny ekipan'ny Minisiteran'ny Foloalindahy dia efa nisy ireo lalao nandraisanan'izy ireo anjara ny 25 aogositra 2026 toy ny taranja Basketball🏀, Lawn tennis🥎 ary ny tsipy kanetibe. Nanatrika ireo lalao ireo ny Talen'ny Ofisy Miaramila misahana ny Fanatanjahantena sy Kolontsaina - (OMSC) eo anivon'ny Minisiteran'ny Foloalindahy izay mpitarika ny delegasiona, ny Jeneraly RAKOTONDRABARY Eric, notronin'ny Talen'ny Foiben'ny Sampandraharaha misahana ny fahasalamana miaramila (DCSSM), ny Jeneraly AJIBARA Florent.

25/08/2026

𝐀𝐒𝐈𝐄𝐅 𝟐𝟎𝟐𝟔 :
𝐌𝐈𝐎𝐌𝐀𝐍𝐀 𝐇𝐈𝐀𝐓𝐑𝐈𝐊𝐀 𝐈𝐙𝐀𝐍𝐘 𝐍𝐘 𝐌𝐏𝐈𝐋𝐀𝐋𝐀𝐎𝐍'𝐍𝐘 𝐌𝐈𝐍𝐈𝐒𝐈𝐓𝐄𝐑𝐀𝐍'𝐍𝐘 𝐅𝐎𝐋𝐎𝐀𝐋𝐈𝐍𝐃𝐀𝐇𝐘

🟢Nigadona tao Manakara ireo delegasiona avy ao amin'ny Minisiteran'ny Foloalindahy hiatrika ny fifaninanana ara-panatanjahantena karakarain'ny ASIEF (Association Sportive Interministérielle pour l'Entretien des Fonctionnaires) ka mpilalao sy atleta 189 mianadahy no hiatrika ny fifaninanana ary taranja 11 no handraisana anjara amin'izany toy ny baolina kitra, basket-ball, athlétisme, tennis, tennis de table, karaté, boxe, kick boxing, lomano, VTT, tsipy kanetibe... Mitarika ireto delegasiona ireto ny Talen'ny Ofisy Miaramila misahana ny Fanatanjahantena sy Kolontsaina - (OMSC) eo anivon'ny Minisiteran'ny Foloalindahy, ny Jeneraly RAKOTONDRABARY Eric.

ℹ️ Anatin'ny fanomanan-tena tanteraka izy ireo amin'izao fotoana izao ary vonona hanao ny ezaka rehetra hitazomana ny laharana voalohany araky ny fanentanana efa nataon'Andriamatoa Minisitry ny Foloalindahy🇲🇬, izay mpandray anjara feno amin'ny taranjam-panatanjahan-tena "tennis" ary efa nandrombaka amboara maro tamin'izany.
Marihina moa fa ny alarobia 26 aogositra 2026 ny fanokafana amin'ny fomba ofisialy ny fifaninanana.

24/08/2026

AKADEMIA MIARAMILA :
FAHA-10 TAONAN'NY ANDIANY MIVANTANA FAHA-37

Mankalaza ny faha-10 taona nivoahana ny Akademia Miaramila Antsirabe ireo Manamboninahitra avy ao amin’ny andiany mivantana faha-37 (37°promotion) mitondra ny anarana « AVO» ny 22 aogositra 2026.
Nisy ny hetsika natao hanamarihana izany, izay natomboka tamin’ny fotoam-pivavahana⛪ iraisam-pinoana notontosaina tao amin’ny Chapelle Militaire Antsirabe.

🟢Nitohy tamin’ny fanolorana mari-pahatsiarovana amin’ny fanatsarana ny fotodrafitrasa misy ao amin’ny Sekoly mba ho tsangambaton’izao fankalazana izao ary nofaranana tamin’ny fiaraha-misakafo ho nofon-kena mitam-pihavanana izany.
Ny teny filamatra nofidian’ny andiany tamin’izao fankalazana izao dia : "Mifahara àry ka sikino fahamarinana ny valahanareo ary mitafia ny rariny ho fiarovan-tratra".
Ny lanonana dia notanterahina tao amin’ny Akademia Miaramila Antsirabe izay notarihin’ny Mpibaiko ny Andiany, ny Kolonely RAMPANARIVO Solofoniaina Thierry, Mpanolotsaina Avon’ny Fanavaozana ny Repoblikan’i Madagasikara sy Ramatoa vadiny, niaraka tamin’ny Ombimangan’ny Andiany, ny Komandà MIANDRY Joseph Gervais Henri. Notronin’Andriamatoa Jeneraly RAZAFITOMBO Maminirina Ely, Minisitry ny Foloalindahy, izay Ray Mpiahy ny Andiany (Parrain de Promotion) sy Ramatoa vadiny izany niaraka tamin’ireo tompon’andraikitra avy ao amin’ny Tafika Malagasy sy ny Zandarimariam-Pirenena ary Ramatoa Préfet miadidy ny tananàn’Antsirabe.

ℹ️Nandray sy nanotrona azy ireo tamin’izany ny Jeneraly RATSARAHEVITRA Andriamisetra, Komandin’i Akademia Miaramila sy Ramatoa vadiny, ary natrehan’ireo Manamboninahitra tompon’andraikitra ao amin’ny Sekoly sy ireo Manamboninahitra sivily sy Miaramila miasa ao anatin’ny Faritra Vakinankaratra.

21/08/2026

FAMINDRAM-PITANTANANA EO ANIVON'NY SEKRETARIA MAHARITRY NY FIAROVANA SY NY FILAMINAM-PIRENENA (SPDSN) SY NY FISAFOAN-DRAHARAHA ANKAPOBEN'NY TAFIKA (IGA).

🟢Notanterahina ny zoma 21 aogositra 2026 teny Andafiavaratra ny famindram-pitantanana🤝 roa sosona eo anivon'ireo ratsa-mangaikan'ny Fiadidiana ny Fanavaozana ny Repoblikan'i Madagasikara🇲🇬, ny Sekretaria Maharitry ny Fiarovana sy ny Filaminam-pirenena ary ny Fisafoan-draharaha Ankapoben'ny Tafika.

➡️Nanombohana izany ny fifamindram-pitantanana teo amin'Andriamatoa Jeneraly DERAMASINJAKA Manantsoa Rakotoarivelo izay misolo toerana ny Amiraly RANDRIANARISOA Marosoa amin'ny maha Sekretera maharitra ny filaminana sy ny Fiarovam-pirenena (SPDSN).

➡️Taorian'izay dia nitohy tamin'ny famindram-pitantanana teo amin'ny Tale jeneralin'ny Fisafoan-draharaha ankapoben'ny Tafika ny fotoana izay nifanaovan'Andriamatoa Jeneraly ANDRIAMASIMANANA William Michel misolo toerana ny Jeneraly RAMBININTSAOTRA Lanto Ny-Aina izay nitana izany andraikitra izany teo aloha.
Niahy izao lanonana izao ny Sekretera Jeneralin'ny Fiadidiana ny Fanavaozana ny Repoblikan'i Madagasikara ny Jeneraly ITIBAR Ottman nanotrona izany ihany koa ny Minisitry ny Foloalindahy ny Jeneraly RAZAFITOMBO Maminirina Ely, ny Minisitra delege misahana ny Zandarimariam-pirenena ary ireo olo-manan-kaja miaramila sy sivily isan-tsokajiny.