Mongolian Embassy to the USA

07/24/2024

МОНГОЛ УЛС, АМЕРИКИЙН НЭГДСЭН УЛСЫН ИЖ БҮРЭН СТРАТЕГИЙН ЯРИА ХЭЛЭЛЦЭЭ БОЛОВ

Mонгол Улс, Америкийн Нэгдсэн Улсын анхдугаар Иж бүрэн стратегийн яриа хэлэлцээ 2024 оны 7 дугаар сарын 23-ны өдөр Вашингтон хотноо болов. Яриа хэлэлцээг монголын талаас Гадаад харилцааны сайд Б.Батцэцэг, америкийн талаас Төрийн нарийн бичгийн даргын орлогч Курт М.Кэмпбэлл нар тэргүүлж, хоёр талаас нийт 6 байгууллагын 40 орчим төлөөлөгч оролцлоо.

Энэхүү яриа хэлэлцээ нь хоёр улсын харилцаа Стратегийн гуравдагч хөршийн түншлэлд хүрснээс хойш Иж бүрэн стратегийн яриа хэлэлцээний механизмыг нэвтрүүлж байгаагаар онцлог бөгөөд хоёр талын харилцан сонирхсон асуудлаар сэдэвчилсэн долоон хуралдааныг зохион байгуулав.

Яриа хэлэлцээний үеэр талууд Монгол Улс, Америкийн Нэгдсэн Улсын Стратегийн гуравдагч хөршийн түншлэлийн хүрээнд улс төр, батлан хамгаалах, худалдаа, боловсрол, соёл, хүмүүнлэгийн харилцаа, иргэд хоорондын хэлхээ холбоог улам гүнзгийрүүлэх, цаашид нэн чухал эрдэс баялаг, эрчим хүч, агаарын тээвэр, сансар судлал, цахим хөгжил зэрэг салбарт эдийн засаг, хөгжлийн хамтын ажиллагааг өргөжүүлэн хөгжүүлэх талаар дэлгэрэнгүй санал солилцов.

Хоёр тал бүс нутаг, олон улсын тавцанд бие биеэ дэмжиж, идэвхтэй хамтран ажиллаж ирснээ бататган, НҮБ болон олон улсын бусад байгууллагын хүрээн дэх, мөн энхийг сахиулах чиглэлээрх олон талт хамтын ажиллагаагаа улам бэхжүүлэхийн төлөө буйгаа харилцан нотоллоо.

Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг

07/24/2024

Гадаад харилцааны сайд Б.Батцэцэг Америкийн Нэгдсэн Улсад хийж буй айлчлалынхаа хүрээнд АНУ-ын Төрийн нарийн бичгийн дарга Энтони Ж.Блинкен-тэй 2024 оны 7 дугаар сарын 23-ны өдөр албан ёсны уулзалт хийв.

Америкийн Нэгдсэн Улсын Төрийн нарийн бичгийн дарга Э.Блинкен АНУ нь Монгол Улсын “гуравдагч хөрш” гэдгээрээ бахархдаг бөгөөд “ардчиллын баян бүрд” Монгол Улсын Гадаад харилцааны сайд Б.Батцэцэгтэй Ерөнхий сайд Л.Оюун-Эрдэнийн 2023 оны 8 дугаар сард хийсэн албан ёсны айлчлалаас хойш Вашингтон хотноо ийнхүү дахин уулзаж байгаадаа баяртай байгаагаа илэрхийлэв.

Уулзалтын үеэр хоёр тал Монгол Улс, Америкийн Нэгдсэн Улсын Стратегийн гуравдагч хөршийн түншлэлийг улам бэхжүүлэх хүрээнд Иж бүрэн стратегийн яриа хэлэлцээний механизмыг нэвтрүүлж байгаад сэтгэл хангалуун буйгаа харилцан тэмдэглээд, Монгол Улсын эдийн засгийн тэсвэртэй байдал, хөрөнгө оруулалтын орчныг сайжруулах, англи хэлний монгол багш нарыг бэлтгэх, аялал жуулчлал, иргэдийн солилцоог дэмжих, нэн чухал эрдэс баялаг, эрчим хүч, хот байгуулалтын чиглэлээрх хамтын ажиллагааг өргөжүүлэх талаар санал солилцлоо.

Ташрамд тэмдэглэхэд, Гадаад харилцааны сайд Б.Батцэцэгийн урилгаар Америкийн Нэгдсэн Улсын Төрийн нарийн бичгийн дарга Энтони Ж.Блинкен ирэх 8 дугаар сарын 1-ний өдөр Монгол Улсад албан ёсны айлчлал хийнэ.

Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг

07/23/2024

Гадаад харилцааны сайд Б.Батцэцэг Америкийн Нэгдсэн Улсын Төрийн нарийн бичгийн дарга Энтони Ж.Блинкен-ий урилгаар 2024 оны 7 дугаар сарын 21-23-ны өдрүүдэд Америкийн Нэгдсэн Улсад айлчлал хийж, Монгол Улс, Америкийн Нэгдсэн Улсын Иж бүрэн стратегийн яриа хэлэлцээнд монголын талын төлөөлөгчдийг тэргүүлж оролцоно.

Гадаад харилцааны сайд Б.Батцэцэг АНУ-ын Төрийн нарийн бичгийн дарга Энтони Ж.Блинкен-тэй албан ёсны уулзалт, АНУ-ын Төрийн нарийн бичгийн даргын орлогч Курт М.Кэмпбэлл-тэй Иж бүрэн стратегийн яриа хэлэлцээ хийхээс гадна АНУ-ын Конгресс болон Засгийн газрын төлөөлөлтэй уулзана.

Уулзалт, хэлэлцээний үеэр АНУ-тай хөгжүүлж буй Стратегийн гуравдагч хөршийн түншлэлийн харилцааг бэхжүүлж, хамтын ажиллагааг харилцан сонирхсон бүхий л салбарт өргөжүүлэн хөгжүүлэх талаар санал солилцоно.

Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг

07/18/2024

Монгол Улсын Засгийн газрын 2022.01.05-ны өдрийн 7 дугаар тогтоол, “Дэлхийн Монголчууд-II” цогц арга хэмжээний хүрээнд хилийн чанадад үйл ажиллагаа явуулж буй Монгол сургууль, цэцэрлэг, хэл соёлын төвийн монгол хэлний багш нарт зориулсан цуврал цахим сургалтыг 2024.07.20-ны өдрийн 20:00 цаг (Улаанбаатарын цагаар)-т “Хэл ярианы хөгжил ба сэтгэл хөдлөл” сэдвээр зохион байгуулах тул багш нар Та бүхнийг идэвхтэй оролцохыг урьж байна.

Сургалтын цахим холбоос: https://us06web.zoom.us/j/87656409559?pwd=cCAK9DZwLm0JrIffTyX2Xq7G3kKJRF.1

Монгол Улсын Гадаад Харилцааны Яам Ministry of Foreign Affairs of Mongolia

07/11/2024

НАТО-гийн дээд хэмжээний уулзалт 2024 оны 7 дугаар сарын 9-10-ны өдрүүдэд Вашингтон хотноо болж өнгөрлөө.

Монгол Улсаас АНУ-д суугаа Элчин сайд Ө.Батбаяр Монголын төлөөлөгчдийг тэргүүлэн дээд хэмжээний уулзалтын хүрээнд зохион байгуулагдсан арга хэмжээнүүдэд оролцов.

Энэ удаагийн дээд хэмжээний уулзалтаар НАТО-гийн 75 жилийн ойг ёслол төгөлдөр тэмдэглэн өнгөрүүлсэн бөгөөд ойг тэмдэглэх үндсэн ёслолын хурал 7 дугаар сарын 9-ний өдөр болов. Тус арга хэмжээний үеэр АНУ-ын Ерөнхийлөгч Ж.Байден “Өнөөдөр НАТО эгнээндээ 32 орныг нэгтгэсэн, урьд өмнө байгаагүй хүчирхэг болсныг” цохон тэмдэглэв.

Элчин сайд Ө.Батбаяр мөн дээд хэмжээний уулзалтын хүрээнд АНУ-ын ТБНД Э.Блинкений зохион байгуулсан “НАТО-гийн гишүүн болон түнш орнуудын Гадаад хэргийн сайд нарт зориулсан арга хэмжээ”, АНУ-ын Төрийн департаментын зохион байгуулсан “Эмэгтэйчүүд, энх тайван, аюулгүй байдал” сэдэвт арга хэмжээнд тус тус тус оролцов.

Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг

07/11/2024

Дэлхийд ганцхан 🇲🇳 Монгол наадмаараа дэнж хотойтол сайхан наадаарай!!!

Монгол Улсын Гадаад Харилцааны Яам Ministry of Foreign Affairs of Mongolia

07/10/2024

🇲🇳 Үндэсний Их баяр наадмыг тохиолдуулан АНУ-ын ТНБД Энтони Блинкен Монголын ард түмэнд баяр хүргэж, мэндчилгээ дэвшүүлэв.

Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг

07/10/2024

Монгол Улсын алтан соёмбот Төрийн далбааны өдөр өнөөдөр тохиож байна.
Монгол Улсын үндсэн хуульд “Монгол Улсын тусгаар тогтнол, бүрэн эрхт байдлын бэлгэ тэмдэг нь Төрийн сүлд, туг, далбаа, тамга, дуулал мөн. Төрийн сүлд, туг, далбаа, дуулал нь Монголын ард түмний түүхэн уламжлал, хүсэл тэмүүлэл, эв нэгдэл, шударга ёс, цог хийморийг илэрхийлнэ” хэмээн заажээ.

Монгол Улсын Гадаад Харилцааны Яам Ministry of Foreign Affairs of Mongolia

07/10/2024

ВАШИНГТОН ДИСИ ОРЧМЫН МОНГОЛЧУУД САЙХАН НААДЛАА

АНУ-ын Вашингтон ДиСи орчимд ажиллаж, амьдарч, суралцаж буй нийт Монголчуудын Үндэсний Их баяр наадам 2024 оны 7 дугаар сарын 07-ны өдөр Виржиниа мужийн Арлингтон хотод ёслол төгөлдөр зохион байгуулагдлаа.

Наадмын үйл ажиллагааг Монгол Улсын Төрийн далбааг мандуулах ёслолоор эхлүүлсэн бөгөөд АНУ-ын Тэнгисийн цэргийн академийн төгсөгч С.Санаасайн, Харвардын Их сургуулийн оюутан Б.Уянга, Монгол Улсын начин Л.Нямсүрэн, аймгийн начин А.Өсөхбаяр, сумын заан Б.Мэндбаяр нар Төрийн далбааг мандуулав.

Үүний дараагаар Монгол Улсаас АНУ-д суугаа Онц бөгөөд Бүрэн эрхт Элчин Сайд Ө.Батбаяр наадмын арга хэмжээг нээж, үг хэллээ. Мөн түүнчлэн баяр наадмын үйл ажиллагаанд хүндэт зочноор уригдан оролцсон АНУ-ын Төрийн департаментын Туслах ТНБД-ын орлогч Роберт Көпке үг хэлж, наадамчин олонд мэндчилгээ дэвшүүлэв.

Наадмын хүчит бөхийн барилдаанд улс, аймаг, сумын цолтой чансаа өндөр 64 бөх зодоглож, шагайн харваа, сурын харваа, хүүхдийн гүйлт, шагайгаар морь уралдуулах, гар барилдаан зэрэг олон төрлийн уламжлалт болон орчин үеийн тэмцээнийг хослуулан зохион байгуулав.

Энэ жилийн “Монгол наадам”-ыг АНУ-д суугаа Монгол Улсын ЭСЯ, Вашингтон ДиСи орчмын Монголчуудын холбоо болон бусад ТББ-тай хамтран амжилттай зохион байгууллаа.

Наадмын үйл ажиллагааг найруулсан “Анура мюзик” сургалтын төвийн үүсгэн байгуулагч, найруулагч У.Хатанболд болон нийт уран бүтээлчид, хамтран ажилласан байгууллагууд, хувь хүмүүс, ивээн тэтгэгч нартаа гүн талархал илэрхийлье.

Наадмын арга хэмжээний хөтлөгчөөр Монгол сургуулийн ТУЗ-ийн гишүүн Ч.Дөлгөөн, Ургамал нар ажилласан бол хөгжмийн тонмэйстерээр Баясгалан ажиллав.

🌐ЮНЕСКО-ийн Соёлын биет бус өвийн жагсаалтад бүртгэгдсэн “Монгол Наадам”-ыг суугаа орондоо сурталчлан таниулах үйлсэд АНУ-д амьдарч буй иргэд, оюутан залуус, хүүхэд багачууд өргөнөөр хамрагдлаа. Наадамд нийт дотно болон гадаадын 2️⃣0️⃣0️⃣0️⃣ гаруй иргэд оролцож, дэнж хотойтол сайхан наадлаа.

🇲🇳 Та бүхэн сайхан наадаарай!!!

Монгол Улсын Гадаад Харилцааны Яам Ministry of Foreign Affairs of Mongolia

07/09/2024

ВАШИНГТОН ДИСИ НААДАМ 2024-ҮНДЭСНИЙ БӨХИЙН БАРИЛДААН

Вашингтон ДиСи орчмын 🇲🇳Монголчуудын Үндэсний их баяр наадмын Үндэсний бөхийн барилдаанд хүчит 64 бөх барилдаж, Сүхбаатар аймгийн Бүрд сумын харьяат аймгийн начин А.Өсөхбаяр түрүүлж, Завхан аймгийн Тэс сумын харьяат Монгол Улсын начин Л.Нямсүрэн үзүүрлэв.

Шөвөгт Дундговь аймгийн Дэлгэрцогт сумын харьяат аймгийн заан Ч.Мөнхбаяр, Завхан аймгийн Алдархаан сумын харьяат Б. Галсайхан нар үлдэж, наадамчин олныг баясгав.

Элчин сайд Ө.Батбаяр, Вашингтон хот орчмын Монголчуудын холбооны тэргүүн М.Дэлгэрцогт нар баяр наадамд түрүүлж, үзүүрлэсэн болон шөвгөрсөн бөхчүүдэд бай шагнал гардуулав.

Бөхийн барилдааныг амжилттай зохион байгуулсан “Chantilly MMA” клубын үүсгэн байгуулагч Д.Сүлдбаяр, сумын заан Б.Мэндбаяр нараар ахлуулсан бөхийн комиссын гишүүддээ талархал илэрхийлье.

Монгол Улсын Гадаад Харилцааны Яам Ministry of Foreign Affairs of Mongolia

07/09/2024

АНУ-ын Вашингтон ДиСи орчмын ахлах сургуулийн монгол сурагчдын өөрсдийн үүсгэл санаачилгаар байгуулсан Mongolian Student Union for Service холбоо сайн дурын үйл ажиллагаагаа Монгол Үндэсний Их баяр наадмын арга хэмжээг зохион байгуулахад дэмжлэг үзүүлж, амжилттай эхлүүллээ.

Сурагч, дүү нартаа “МОНГОЛ НААДАМ”-аараа эерэг хандлага түгээж, томчууд бидэнд соёлтой, эмх цэгцтэй наадахыг үлгэрлэн харуулсанд ТАЛАРХАЛ ИЛЭРХИЙЛЬЕ!

Гэрэлт ирээдүйн төлөө найзууд, дүү нартаа олон төрлийн үйл ажиллагаа, нөлөөллийн ажил зохион байгуулах цаашдын үйлсэд нь ЭСЯ-ны хамт олны зүгээс өндөр амжилт хүсэн ерөөе.

Монгол Улсын Гадаад Харилцааны Яам Ministry of Foreign Affairs of Mongolia

07/09/2024

ОЛОН УЛСЫН САНХҮҮГИЙН КОРПОРАЦЫН БҮСИЙН ЗАХИРАЛТАЙ УУЛЗАВ

Элчин сайд Ө.Батбаяр Олон улсын санхүүгийн корпорацын Европ, Төв Ази хариуцсан бүсийн захирал Томас Любек-тэй уулзав. Уулзалтаар Олон улсын санхүүгийн корпорацын хүрээнд сэргээгдэх эрчим хүчний төслийг хэрэгжүүлэх, нар, салхины эрчим хүчийг ашиглах, цахилгаан үүсгүүрийн дэд бүтцийг сайжруулах талаар дэлгэрэнгүй ярилцав.

Талууд Монгол Улсын сэргээгдэх эрчим хүчний нөөц бололцоо өндөр болохыг онцлон тэмдэглээд, энэхүү төслийг амжилттай хэрэгжүүлснээр байгаль орчинд үзүүлэх сөрөг нөлөөллийг багасгах, эрчим хүчний хангамжийг тогтвортой байлгах ач холбогдлыг дурдсан юм.

Today, Ambassador U.Batbayar met with Thomas Lubeck, the Regional Director for Europe and Central Asia at the International Finance Corporation. The meeting focused on the implementation of renewable energy projects, including the utilization of solar and wind energy and the enhancement of electricity generation infrastructure under the International Finance Corporation’s framework.

Both parties highlighted Mongolia's significant potential for renewable energy resources and emphasized the importance of minimizing environmental impact and ensuring a stable energy supply through the successful ex*****on of these projects.

Монгол Улсын Гадаад Харилцааны Яам Ministry of Foreign Affairs of Mongolia

07/08/2024

ИРГЭДИЙН АНХААРАЛД:

Тулгар төрийн 2233, Их Монгол Улс байгуулагдсаны 818, Үндэсний эрх чөлөө тусгаар тогтнолоо сэргээн мандуулсны 113, Ардын хувьсгалын 103 жилийн ойн баярын мэнд дэвшүүлье.

Та бүхэн сайхан наадаарай!

“Нийтээр тэмдэглэх баярын болон тэмдэглэлт өдрүүдийн тухай” хуулийн 4.1.1-д заасны дагуу Үндэсний их баяр наадам, Ардын хувьсгалын ойн баяр буюу 2024 оны 07 дугаар сарын 10-ны өдрөөс 15-ны өдрийг дуустал Монгол Улсаас Америкийн Нэгдсэн Улсад суугаа ЭСЯ ажиллахгүй болохыг мэдэгдье.

Яаралтай асуудлаар ЭСЯ-ны 202-374-6274 утсаар холбогдоно уу.

МОНГОЛ УЛСААС АНУ-Д СУУГАА ЭЛЧИН САЙДЫН ЯАМ

Монгол Улсын Гадаад Харилцааны Яам Ministry of Foreign Affairs of Mongolia

07/08/2024

Тулгар төрийн 2233, Их Монгол Улсын 818, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ойг тохиолдуулан зохион байгуулсан Вашингтон ДиСи орчмын Монголчуудын Үндэсний их баяр наадмын үйл ажиллагаа 2024 оны 07 дугаар сарын 06-ны өдөр сурын харваа, шагайн харвааны тэмцээнээр ёслол төгөлдөр эхэлсэн билээ.

Энэ жилийн баяр наадмын сурын харваа 20, шагайн харвааны тэмцээнд 4 багийн 30 гаруй өв соёлоо түгээн дэлгэрүүлж яваа харваачин залуус цэц мэргэнээ уралдуулж онч мэргэнээ тодруулав.

Сурын харвааны тэмцээний дүн:
Эрэгтэй:
🥇Б.Баярт-Од
🥈О.Мягмаржав
🥉А.Золзаяа
Эмэгтэй:
🥇Г.Баяржаргал
🥈Д.Алтанчимэг
🥉Д.Отгонжаргал

Шагайн харвааны тэмцээний дүн:
Багийн харвааны төрөлд:
🥇Б.Болдбаатар ахлагчтай "Бүрэн" баг
🥈Г.Цолмонбаатар ахлагчтай "Цэгц булаг" баг
🥉Ш.Мэндсайхан ахлагчтай "Шонхор" баг

Цуваа харвааны төрөлд:
🥇Бүрэн багийн харваач, аймгийн дэд мэргэн Б.Мөнхжаргал
🥈Бүрэн багийн харваач Б.Ууганбаатар
🥉Шонхор багийн харваач Б.Батболд

Тэмцээнийг "Mongol Archery Group", "We together" хүүхэд, гэр бүлийн хөгжлийн төв, "ДиСи Шагайн клуб" хамтран зохион байгуулав. Мөн түүнчлэн сурын харваа, шагайн харвааны тэмцээнийг "Real Granite", "Art Granite Inc" компаниуд ивээн тэтгэж оролцов.

Нийт харваачид болон зохион байгуулагчид, ивээн тэтгэгч нартаа үндэсний өв соёлоо АНУ-д амжилттай түгээн дэлгэрүүлж байгаа явдалд талархал илэрхийлж, цаашдын спортын амжилтыг хүсэн ерөөе.

Монгол Улсын Гадаад Харилцааны Яам Ministry of Foreign Affairs of Mongolia
WE Together
Mongol archery group
Шагайн Харваа Вашингтон ДС

07/07/2024

Вашингтон ДиСи орчмын 🇲🇳 Үндэсний их баяр наадмын Шагайн Харвааны нээлттэй тэмцээн энэ өдөр эхэллээ.

Элчин сайд Ө.Батбаяр шагайн харвааны тэмцээнийг нээж, АНУ дахь монголчуудын дунд үндэсний уламжлалт шагайн харвааг хөгжүүлэх, залуу үедээ өвлүүлэн үлдээж, сурталчлан таниулахад гар бие оролцож байгаа харваач, мэргэддээ амжилт хүсч, талархал илэрхийлэв.

Баяр наадмын шагайн харваанд Вашингтон ДиСи орчмын “Бүрэн”, “Шонхор”, “Нийслэл”, “Цэгц булаг” зэрэг нийт 4 багийн 30 гаруй харваачид болон АНУ-ын бусад мужуудаас харваачид оролцож, онч мэргэнээ сорьж байгаа юм.

Та бүхний хараа хурц, оноо мэргэн, уухай цээл байх болтугай!

Монгол Улсын Гадаад Харилцааны Яам Ministry of Foreign Affairs of Mongolia
Шагайн Харваа Вашингтон ДС

07/06/2024

Вашингтон ДиСи орчмын Монголчуудын наадмын талбайн ерөнхий зурагтай танилцана уу.

Энэ жил автомашины зогсоол бага байгаа учир иргэд Та бүхнийг аль болох нэг машинаар болон бусад хэлбэрээр хүрэлцэн ирэхийг хүсэж байна.

Мөн зогсоолын зохицуулалтыг хийж байгаа сайн дурын ажилтнуудын зааварчилгааны дагуу эмх цэгцтэй автомашинаа байрлуулахыг хүсье.

Тасалбар том хүн 10$ /Cash/. Хүүхэд үнэгүй.

НААДМЫГ ЗОХИОН БАЙГУУЛАХ ХОРОО

Монгол Улсын Гадаад Харилцааны Яам Ministry of Foreign Affairs of Mongolia

07/06/2024

Андгай клубээс Үндэсний баяр наадмаар зохион байгуулдаг “ТОД МАГНАЙ” Хүүхдийн шагайн хурдан морины уралдаан маргааш Андгай клубын асарт явагдах тул 305-504-3929 утсаар холбогдож бүртгүүлнэ үү.

Та бүхэн тэмцээний удирдамжтай танилцана уу.

Монгол Улсын Гадаад Харилцааны Яам Ministry of Foreign Affairs of Mongolia
Educational & Cultural Club

07/06/2024

Вашингтон ДС наадмаар сайн дурын ажил гүйцэтгэх ахлах ангийн хүүхдүүд анхны уулзалтаа хийлээ. Mongolian Student Union for Service

Тэд эрч хүчээр дүүрэн байна.

Монгол Улсын Гадаад Харилцааны Яам Ministry of Foreign Affairs of Mongolia

07/05/2024

07/04/2024

Вашингтон ДиСи орчмын Монголчуудын Наадмын хөтөлбөр

07/04/2024

ТУСГААР ТОГТНОЛЫН ӨДРИЙН БАЯРЫН МЭНД ХҮРГЭЕ!
Монгол Улсын Стратегийн гуравдагч хөршийн түнш болох АНУ-ын найрсаг ард түмэнд Тусгаар тогтнолын баярын мэнд хүргэж, халуун дотно мэндчилгээ дэвшүүлье.

HAPPY INDEPENDENCE DAY!!!
Happy Independence Day and warm greetings to the friendly people of the United States of America - Strategic Third Neighbor partner of Mongolia.

МОНГОЛ УЛСААС АНУ-Д СУУГАА ЭЛЧИН САЙДЫН ЯАМ

Монгол Улсын Гадаад Харилцааны Яам Ministry of Foreign Affairs of Mongolia

07/03/2024

Монгол Улсаас Мексикийн Нэгдсэн Улсад хавсран суугаа Онц бөгөөд Бүрэн эрхт Элчин сайд Ө.Батбаяр Мехико хотноо 2024 оны 7 дугаар сарын 1-3-ны өдрүүдэд зохион байгуулагдаж буй Феминист гадаад бодлогын асуудлаарх Сайд нарын III бага хуралд монголын төлөөлөгчдийг тэргүүлэн оролцож байна.

Элчин сайд Ө.Батбаяр Мехико хотноо ажиллах үеэрээ Мексикийн Гадаад харилцааны яамны Ази-Номхон далайн орнууд хариуцсан Ерөнхий захирал Фернандо Гонзалес Сайфетэй 2024 оны 7 дугаар сарын 2-ны өдөр уулзав.

Уулзалтаар талууд хоёр улсын нийгэм, эдийн засгийн өнөөгийн байдлын талаар товч мэдээлэл солилцож, цаашид хоёр улсын харилцааг бүхий л салбарт хөгжүүлэх боломжуудын талаар дэлгэрэнгүй ярилцлаа. Түүнчлэн 2025 онд тохиох Монгол, Мексикийн хооронд дипломат харилцаа тогтоосны 50 жилийн ойг ёслол төгөлдөр тэмдэглэн өнгөрүүлэх асуудлаар санал солилцов.

Монгол Улсын Гадаад Харилцааны Яам Ministry of Foreign Affairs of Mongolia

07/02/2024

Мексик Улсад Феминист гадаад бодлогын асуудлаарх Сайд нарын III бага хурал болж байна

Мехико хотноо 7 дугаар сарын 1-3-ны өдрүүдэд Феминист гадаад бодлогын асуудлаарх Сайд нарын III бага хурал “Маргаашийн сайн сайхны төлөөх шийдлүүд” хэмээх ерөнхий сэдвийн доор зохион байгуулагдаж байна.

Мексикийн ГХЯ-наас Мексикийн эмэгтэйчүүдийн үндэсний хүрээлэн, НҮБ-Эмэгтэйчүүд зэрэг байгууллагатай хамтран зохион байгуулж буй энэ удаагийн Сайд нарын бага хуралд 40 гаруй улс болон НҮБ, бусад олон улсын байгууллага, иргэний нийгмийн нийт 300 орчим төлөөлөгчид оролцож байна.

Хурлын хүрээнд Феминист гадаад бодлогын олон улсын хувь нэмэр, хэтийн төлөвийн асуудлаар өндөр түвшний уулзалт болон тогтвортой хөгжил, хөгжлийн санхүүжилт, энх тайван, аюулгүй байдал, засаглал, шинжлэх ухаан, технологийн дэвшил, цахим хөгжил, ялгаварлан гадуурхлыг эцэс болгох зэрэг асуудалтай холбон үзсэн зургаан салбар хэлэлцүүлэг, мөн иргэний нийгмийн төлөөлөлтэй хийх хэлэлцүүлэг зэрэг бусад арга хэмжээг зохион байгуулж байна.

Өндөр түвшний хуралдаанд манай төлөөлөгчдийн тэргүүн Монгол Улсаас Мексикийн Нэгдсэн Улсад хавсран суугаа Онц бөгөөд Бүрэн эрхт Элчин сайд Ө.Батбаяр үг хэлж, Монгол Улсын жендэрийн тэгш байдлыг хангах, эмэгтэйчүүдийг чадавхжуулах бодлого, үйл ажиллагаа, сүүлийн үеийн ололт амжилтыг танилцуулахын зэрэгцээ Монгол Улсын Ерөнхийлөгчийн ивээл доор энэ оны 8 дугаар сард Улаанбаатар хотноо зохион байгуулагдах Дэлхийн эмэгтэйчүүдийн чуулга уулзалтын талаар танилцуулж, өндөр түвшинд оролцохыг уриаллаа. Феминист гадаад бодлогын асуудлаарх Сайд нарын III бага хурлаас Даргын хураангуй гаргаж, Тунхаглал батлана.

Дашрамд дурдахад Феминист гадаад бодлогын асуудлаарх Сайд нарын түвшний анхны хурлыг 2022 онд ХБНГУ, хоёр дахь удаагийн хурлыг 2023 онд Нидерландын Хаант Улс тус тус хүлээн авч зохион байгуулж байжээ.

Монгол Улсын Гадаад Харилцааны Яам Ministry of Foreign Affairs of Mongolia

07/01/2024

Вашингтон ДС орчмын монгол ахлах ангийн сурагчид Үндэсний их баяр наадмын үеэр САЙН ДУРЫН ажил гүйцэтгэж хувь нэмрээ оруулах санаачилгыг гаргаж Mongolian Student Union for Service холбоог үүсгэн байгуулсныг дуулгахад таатай байна.

Наадмын үеэр сайн дурын ажил хийх сонирхолтой сурагчид, оюутан залуучуудыг нэгдэхийг уриалж байна. Наадмаар ажилласан сурагчдад ЭСЯ-ны зүгээс Recomendation letter өгнө.

Энэхүү холбоо нь цаашид Ахлах ангийн сурагчдад дэмжлэг үзүүлэх, сайн дурын ажил болон бусад чиглэлээр үйл ажиллагаа явуулах тул эцэг эхчүүд, сурагчид Та бүхнийг энэ групп-д нэгдэж дэмжиж оролцохыг урьж байна.

Бүртгүүлэх: https://docs.google.com/forms/d/e/1FAIpQLSeZ-9I-i1FSW0yaQvfFgKEC6Jd9gaKM-eI_BRUKdN1JQZ9dZQ/viewform?usp=sf_link&usp=embed_facebook

Facebook group: Mongolian Student Union for Service
Холбоо барих: 202-840-4114



Монгол Улсын Гадаад Харилцааны Яам Ministry of Foreign Affairs of Mongolia
Mongolian Student Union for Service

06/30/2024

АНУ-ын мужуудын танилцуулга #25

· Миссисипи муж (State of Misissippi)
· Нийслэл хот: Жексон (Jackson)
· Мужийн сүлд: Тус мужийн сүлд нь бүргэдийн сарвуунд 3 сум байх ба энэ нь энх тайвны төлөөх хүсэл тэмүүллийг илэрхийлдэг байна.
Газар нутгийн хэмжээ: 125,443 км2
· Нийт газар нутгийн хэмжээгээр Холбооны хэмжээнд 32 дугаарт ордог.
· Нийт хүн ам: 2,963,914
· Өрхийн дундаж орлого: 43,567 ам.доллар

Миссисипи муж нь хойд талаараа Теннесси, зүүн талаараа Алабама, өмнө талаараа Мексикийн булан, баруун өмнөд талаараа Луизиана, баруун хойд талаараа Арканзас мужтай хиллэдэг. Миссисипигийн баруун хилийг гол төлөв Миссисипи гол буюу түүний урсгалаар тодорхойлдог ажээ.

Засаг захиргаа:
· Амбан захирагч: Тэйт Ривз
· Амбан захирагчийн орлогч: Делберт Хосеманн
Сенаторууд:
· Синди Хайд-Смит (БНН)
· Рожер Викер (БНН)
Төлөөлөгчид:
· Трент Келли (БНН)
· Бенни Томпсон (АН)
· Майкл Зочин (БНН)
· Майк Эзелл (БНН)

Тус мужийн алдартай цэцэг, шувуудыг нэрлэвэл:
✅ Шувуу: Northern mockingbird
✅ Цэцэг: Magnolia
✅ Мод: Southern magnolia

Хөдөө аж ахуй нь Миссисипи мужийн гол салбар бөгөөд мужийн нийт ажиллах хүчний 17.4 хувийг шууд болон шууд бусаар хангадаг. Мужийн эдийн засагт хөдөө аж ахуй нь жил бүр ойролцоогоор 8.76 тэрбум ам.долларын төсөв төвлөрүүлдэг томоохон салбар юм. Түүнчлэн тавилга, автомашины эд анги, мод, модон эдлэл, боловсруулсан хүнсний бүтээгдэхүүний үйлдвэрлэл томоохон байр суурь эзэлдэг байна.

Миссисипи муж нь нарны эрчим хүчийг ашиглах нөөц ихтэй. Тус мужийн Миссисипи гол нь олон сая хүнийг ундны усаар хангаж, 35,000 гаруй ажлын байртай, 12.6 тэрбум ам.долларын тээврийн салбарыг дэмждэг ажээ. Энэ нь дэлхий дээрх худалдаа, хоол хүнс тээвэрлэдэг дэлхийн хамгийн том усан замын нэг юм.

Тус мужид дэлхийн одууд болох Oprah Winfrey, Elvis Presley, Jim Henson, Britney Spears зэрэг алдартай америкчуудын төрж, өссөн ажээ.

Монгол Улсын Гадаад Харилцааны Яам Ministry of Foreign Affairs of Mongolia

06/29/2024

Монголын Парламентын сонгуулийн тухай

АНУ-ын Төрийн департаментын Хэвлэлийн төлөөлөгч Мэтью Миллер “Монголын ард түмэнд 6 дугаар сарын 28-ны өдөр Парламентынхаа сонгуульд идэвхтэй оролцож, ардчиллын сонгох эрхээ эдлэх бахархалтай уламжлалыг амжилттай үргэлжлүүлж байгаад баяр хүргэж байна. Шинээр бүрэлдэх Монгол Улсын Их хурлын гишүүд болон Засгийн газартай АНУ хамтран ажиллахад бэлэн байна” хэмээн тэмдэглэснийг Төрийн департаментын цахим хуудаст нийтэлжээ.

Монгол Улсын Гадаад Харилцааны Яам Ministry of Foreign Affairs of Mongolia

06/28/2024

ИРГЭДИЙН АНХААРАЛД!

Монгол Улсын Их Хурлын сонгуулийн тухай хуулийн 9.4-д заасны дагуу Монгол Улсын Их Хурлын 2024 оны ээлжит сонгуулийн санал авах өдөр буюу 2024 оны 6 дугаар сарын 28-нд тус ЭСЯ ажиллахгүй болохыг мэдэгдэж байна.

Яаралтай асуудлаар Та бүхэн ЭСЯ-ны шуурхай утас +1 (202) 374-6274 болон фэйсбүүк хуудсаар холбоо барина уу.

06/27/2024

Вашингтон ДиСи орчмын Монголчуудын наадам 2024 оны 7 дугаар сарын 7-ны Ням гарагт 11:00-17:00 цагт "Kenmore" дунд сургуулийн талбайд болно. Наадмын үйл ажиллагааг Вашингтон ДиСи орчмын Монголчуудын холбоо, ЭСЯ болон Монгол иргэдийн үүсгэл санаачилгаар байгуулагдсан ТББ-ын дэмжлэгтэйгээр зохион байгуулж байна.

- Наадмын үйл ажиллагаанд дэмжлэг үзүүлэх сайн дурын ажил хийх оюутан залуус, иргэдийг 202-840-4114 утсаар бүртгэнэ.

- Наадмын үеэр үйлчилгээний талбай авах иргэдийг 571-447-2533 утсаар бүртгэнэ.

- Наадмын үйл ажиллагаанд хандив өргөх бол 202-834-6630 утсаар холбогдоно уу.

Анхаарах зүйл: Автомашины зогсоолын тоо хязгаартай тул аль болох машингүй ирэх, машинтай ирэх иргэд аль болох нэг машинаар хамтдаа ирж оролцохыг хүсье.

Наадмын тасалбар газар дээр нь зарагдана. Том хүн 10$, хүүхэд үнэгүй /Only cash/.

06/27/2024

“АЛДАРТ ЭХ” ОДОН ГАРДУУЛАВ

Элчин сайд Ө.Батбаяр Монгол Улсын Ерөнхийлөгчийн зарлигаар “Алдарт эх” хоёрдугаар зэргийн одон хүртсэн Монгол Улсын иргэн Б.Золзаяа, Д.Ишинхорлоо, Ш.Нарантуяа, А.Ундраа, Э.Ундрах, М.Ундрах-Оюун нарт одонг нь хүндэтгэлтэйгээр гардуулав.

Элчин сайд Ө.Батбаяр энхрий үрсээ төрүүлж, аав ээждээ элбэрэлтэй, эх орондоо хайртай монголын ирээдүй болсон хүүхдүүдээ эрүүл саруул өсгөн бойжуулж байгаад талархал илэрхийлээд “Алдарт эх” хэмээх эрхэм хүндэт одонгоор шагнагдсан явдалд баяр хүргэж аз жаргал, эрүүл энх, энэ хорвоогийн хамгийн сайн сайхан бүхнийг хүсэв.

Мөн хилийн чандад буй эцэг эхчүүдэд хүүхдүүддээ монгол хэл, соёлыг зааж сургах чухал үүрэг ноогдож байгааг онцлон тэмдэглэж, хойч үедээ монгол хэл, соёлоо өвлүүлэхэд айл бүрийг хувь нэмрээ оруулахыг хүсэв.

Монголын үрс улам олон болтугай!

Монгол Улсын Гадаад Харилцааны Яам Ministry of Foreign Affairs of Mongolia

06/24/2024

🇲🇳🇲🇳🇲🇳 Монгол Улсын Их Хурлын 2024 оны ээлжит сонгуулийн Гадаад улсад байгаа иргэдийн санал авах ажлыг зохион байгуулах Вашингтон ДиСи хот дахь 11 дүгээр салбар комисс 2024 оны 6 дугаар сарын 20-23-ны өдрүүдийн 07:00 цагаас 22:00 цаг хүртэл АНУ-д оршин сууж буй иргэдийнхээ санал авах ажлыг ЭСЯ-ны байранд амжилттай зохион байгуулж дууслаа.

Вашингтон ДиСи хот дахь 11 дүгээр салбар комисст сонгуульд оролцохоо мэдэгдэж, урьдчилсан бүртгүүлсэн нийт 659 иргэдээс 567 иргэн саналаа өгч, 86,04 хувийн ирцтэй санал хураалт өндөрлөв.

АНУ-д ажиллаж, амьдарч буй монгол иргэдийнхээ Монгол Улсын Үндсэн хуулиар олгогдсон сонгох эрхээ эдлэх боломжоор хангаж, санал өгөх ажлыг амжилттай зохион байгуулсан Сан Франциско хот дахь ЕКГ, Чикаго хот дахь КГ болон Нью-Йорк хот дахь Байнгын төлөөлөгчийн газрын хамт олонд талархал илэрхийлье.

САНАЛАА ӨГСӨН ТУСГААР МОНГОЛ УЛСЫН ИРГЭН ТАНД БАЯРЛАЛАА!!!

Монгол Улсын Гадаад Харилцааны Яам Ministry of Foreign Affairs of Mongolia
Монгол Улсын Сонгуулийн ерөнхий хороо
Consulate General of Mongolia in San Francisco
Сonsulate of Mongolia in Chicago
Permanent Mission of Mongolia to the United Nations