What are the opening hours?

Monday 08:00 - 16:00 Tuesday 08:00 - 16:00 Wednesday 08:00 - 16:00 Thursday 08:00 - 16:00 Friday 08:00 - 16:00

Instituti Hidrometeorologjik i Kosovës, Lidhja e Pejës 47, Pristina (2026)

09/08/2026

🌦️ INSTITUTI HIDROMETEOROLOGJIK I KOSOVËS

Agjencia për Mbrojtjen e Mjedisit të Kosovës

📅 PARASHIKIMI I MOTIT PËR PERIUDHËN 10–14 GUSHT 2026

☀️ E hënë, 10 gusht 2026

Moti do të jetë kryesisht me diell dhe i nxehtë.
🌡️ Temperaturat minimale do të lëvizin nga 12°C deri në 17°C, ndërsa maksimalet nga 30°C deri në 35°C.
💨 Era do të fryjë kryesisht nga veriu dhe verilindja, me shpejtësi 1–4 m/s, lokalisht me intensitet më të lartë.

☀️ E martë, 11 gusht 2026

Do të mbajë mot kryesisht me diell.
🌡️ Temperaturat minimale do të jenë 12–17°C, ndërsa maksimalet 30–36°C.
💨 Era do të fryjë nga veriu dhe verilindja, me shpejtësi 1–5 m/s.

☀️ E mërkurë, 12 gusht 2026

Moti do të jetë kryesisht me diell dhe i nxehtë. Në viset e larta malore parashihen vranësira të pakta.
🌡️ Temperaturat minimale do të lëvizin nga 11°C deri në 16°C, ndërsa maksimalet nga 30°C deri në 36°C.
💨 Era do të fryjë kryesisht nga veriu dhe verilindja, me shpejtësi 1–5 m/s.

⛅ E enjte, 13 gusht 2026

Do të mbajë mot kryesisht me diell, por gjatë ditës pritet zhvillim i vranësirave konvektive, duke krijuar kushte për reshje lokale shiu, të shoqëruara me bubullima dhe mundësi për stuhi të izoluara.
🌡️ Temperaturat minimale do të jenë 12–17°C, ndërsa maksimalet 30–34°C.
💨 Era do të fryjë kryesisht nga veriu dhe verilindja, me shpejtësi 1–7 m/s, ndërsa gjatë zhvillimit të stuhive mund të ketë rritje të përkohshme të shpejtësisë së erës dhe ndryshim të drejtimit.

☀️ E premte, 14 gusht 2026

Moti do të jetë kryesisht me diell, me zhvillim të vranësirave të pakta deri mesatare gjatë ditës.
🌡️ Temperaturat minimale do të lëvizin nga 12°C deri në 17°C, ndërsa maksimalet nga 30°C deri në 35°C.
💨 Era do të fryjë kryesisht nga veriu dhe verilindja, me shpejtësi 1–4 m/s.

⸻

🌤️ PËRMBLEDHJE

Në përgjithësi, periudha 10–14 gusht 2026 do të karakterizohet nga mot kryesisht i qëndrueshëm, me diell dhe i nxehtë, me temperatura maksimale deri në 36°C.

🔥 Dita më e nxehtë pritet të jetë e marta dhe e mërkura, ndërsa e enjtja sjell kushte më të favorshme për zhvillimin e vranësirave konvektive, me mundësi për reshje lokale shiu, bubullima dhe stuhi të izoluara.

☀️ Temperaturat e larta, së bashku me rrezatimin e shtuar diellor, do të krijojnë ngarkesë termike dhe nivel të lartë deri shumë të lartë të rrezatimit UV.

🧴 Këshilla për qytetarët

Për shkak të indeksit të lartë UV, rekomandohet:

* 🚫 Shmangia e ekspozimit të drejtpërdrejtë në diell gjatë orëve 10:00–16:00;
* 🧴 Përdorimi i kremit mbrojtës ndaj rrezatimit UV;
* 🧢 Mbajtja e kapelës;
* 🕶️ Përdorimi i syzeve me mbrojtje UV;
* 💧 Konsumimi i mjaftueshëm i ujit.

⚠️ Kujdes të shtuar duhet të kenë fëmijët, të moshuarit dhe personat e ndjeshëm ndaj temperaturave të larta.

🌱 Në sektorin e bujqësisë, kushtet do të jenë përgjithësisht të favorshme për zhvillimin e kulturave, por kërkesa për ujë do të mbetet e lartë për shkak të temperaturave dhe evapotranspirimit të shtuar.

📢 Instituti Hidrometeorologjik i Kosovës do të përcjellë në vazhdimësi situatën meteorologjike dhe, në rast të ndonjë ndryshimi eventual të kushteve të motit apo zhvillimit të dukurive të tjera meteorologjike, do ta njoftojë me kohë opinionin publik për zhvillimet dhe parashikimet e reja.

ℹ️ Parashikimet meteorologjike mund të pësojnë ndryshime gjatë kohës, veçanërisht në rast të zhvillimit të dukurive konvektive. Prandaj, rekomandohet që qytetarët të përcjellin njoftimet dhe përditësimet e radhës të IHMK-së.

07/08/2026

🌤️ INSTITUTI HIDROMETEOROLOGJIK I KOSOVËS
Parashikimi i motit për fundjavën (08–09 gusht 2026)

☀️ E shtunë (08.08.2026)

Do të mbajë mot kryesisht me diell dhe i nxehtë. Gjatë orëve të mesditës dhe pasdites, në disa zona malore dhe lokalisht edhe në ultësira pritet zhvillim i vranësirave konvektive, të cilat mund të shoqërohen me reshje afatshkurtra shiu, shkarkesa rrufesh dhe erëra të përforcuara në zonat ku paraqiten.

🌡️ Temperaturat minimale: 12–16°C
🌡️ Temperaturat maksimale: 29–34°C
💨 Era: Nga verilindja, e lehtë deri mesatare, me shpejtësi 1–9 m/s. Në afërsi të proceseve konvektive mund të ketë intensifikime të përkohshme.

🌤️ E diel (09.08.2026)

Moti do të mbetet kryesisht me diell dhe me temperatura të larta. Pasdite, në zona të izoluara pritet zhvillim i vranësirave, të cilat lokalisht mund të sjellin reshje shiu dhe stuhi afatshkurtra. Në zonat e prekura nga reshjet pritet ulje e përkohshme e temperaturës.

🌡️ Temperaturat minimale: 13–18°C
🌡️ Temperaturat maksimale: 29–34°C
💨 Era: Nga verilindja, e lehtë deri mesatare, me shpejtësi 1–6 m/s, ndërsa gjatë stuhive mund të ketë hovë të përkohshme më të fuqishme.

🩺 Kushtet biometeorologjike

• Temperaturat e larta dhe indeksi i lartë i rrezatimit UV vazhdojnë të krijojnë kushte të pafavorshme biometeorologjike.
• Personat me sëmundje kronike, të moshuarit dhe fëmijët këshillohen të kufizojnë aktivitetet në ambiente të hapura gjatë orëve më të nxehta të ditës.

🌾 Kushtet agrometeorologjike

• Mungesa e reshjeve të shpërndara në mënyrë uniforme do të vazhdojë të favorizojë deficitin e lagështisë në shtresën sipërfaqësore të tokës.
• Reshjet lokale nuk pritet të kenë ndikim të konsiderueshëm në përmirësimin e bilancit ujor për kulturat bujqësore.
• Fermerët këshillohen të vazhdojnë ujitjen sipas nevojave të kulturave dhe të planifikojnë punimet agroteknike jashtë intervalit të temperaturave maksimale.

07/08/2026

Përditësim i informacionit meteorologjik

Aktualisht, në disa rajone të vendit janë zhvilluar vranësira konvektive (Cumulonimbus), të cilat po krijojnë kushte për reshje lokale shiu, të shoqëruara vende-vende me shkarkesa elektrike, erëra të përkohshme të fuqishme dhe, në zona të izoluara, edhe breshër.

Temperatura momentale arrin rreth 32°C, ndërsa për shkak të nxehtësisë së grumbulluar gjatë ditës dhe paqëndrueshmërisë atmosferike, pritet që këto zhvillime të vazhdojnë edhe gjatë orëve të ardhshme.

Reshjet nuk do të përfshijnë të gjithë territorin e Kosovës, por do të jenë të karakterit lokal, me intensitet të ndryshëm nga një zonë në tjetrën.

Qytetarëve u rekomandohet kujdes gjatë lëvizjes në zonat ku mund zhvillohen stuhi, ndërsa fermerët këshillohen të ndjekin informacionet meteorologjike për shkak të mundësisë së reshjeve intensive dhe breshrit në disa lokalitete

02/08/2026

🌤️ INSTITUTI HIDROMETEOROLOGJIK I KOSOVËS

📅 Parashikimi i motit për periudhën 03–07 gusht 2026

☀️ E hënë (03.08.2026)

Moti do të jetë me diell dhe i nxehtë. Temperaturat minimale do të lëvizin ndërmjet 11°C dhe 16°C, ndërsa maksimalet nga 31°C deri në 36°C. Do të fryjë erë e lehtë deri mesatare nga verilindja, me shpejtësi 1–5 m/s.

Rajoni ynë do të vazhdojë të jetë nën ndikimin e masave të ngrohta ajrore me origjinë nga Afrika Veriore, duke sjellë temperatura paksa më të larta, të cilat janë normale për këtë periudhë të verës.

☀️ E martë (04.08.2026)

Do të mbajë mot me diell dhe shumë i ngrohtë. Temperaturat minimale do të jenë ndërmjet 11°C dhe 16°C, ndërsa maksimalet nga 31°C deri në 37°C. Do të fryjë erë nga lindja dhe verilindja, me shpejtësi 1–5 m/s.

Masat e ngrohta ajrore nga Afrika Veriore do të vazhdojnë të mbajnë temperaturat paksa mbi mesataren klimatologjike, por brenda karakteristikave të stinës së verës.

☀️ E mërkurë (05.08.2026)

Moti parashihet kryesisht me diell dhe i nxehtë. Temperaturat minimale do të lëvizin nga 12°C deri në 18°C, ndërsa maksimalet nga 32°C deri në 38°C. Do të fryjë erë e lehtë deri mesatare nga verilindja, me shpejtësi 1–6 m/s.

Në orët e pasdites mund të ketë vranësira të pakta lokale, por pa kushte për reshje.

☀️ E enjte (06.08.2026)

Do të vazhdojë moti me diell dhe shumë i ngrohtë. Temperaturat minimale do të jenë ndërmjet 13°C dhe 17°C, ndërsa maksimalet nga 33°C deri në 38°C. Do të fryjë erë nga veriu dhe verilindja, me shpejtësi 1–6 m/s.

Kushtet atmosferike do të mbeten të qëndrueshme nën ndikimin e masave të ngrohta ajrore nga Afrika Veriore.

☀️ E premte (07.08.2026)

Moti do të jetë kryesisht me diell dhe i nxehtë. Temperaturat minimale do të lëvizin nga 13°C deri në 18°C, ndërsa maksimalet nga 33°C deri në 37°C. Do të fryjë erë e lehtë deri mesatare nga veriu dhe veriperëndimi, me shpejtësi 1–5 m/s.

Në disa zona mund të ketë vranësira të pakta kalimtare, por pa reshje. Temperaturat do të mbeten paksa mbi mesataren shumëvjeçare, megjithatë konsiderohen normale për stinën e verës.

🌿 Kushtet biometeorologjike

🔹 Do të jenë kryesisht të favorshme.
🔹 Gjatë orëve të mesditës rekomandohet shmangia e ekspozimit të zgjatur në diell.
🔹 Personat me sëmundje kronike, të moshuarit dhe fëmijët duhet të tregojnë kujdes të shtuar.
🔹 Këshillohet konsumimi i mjaftueshëm i lëngjeve.

🌾 Kushtet agrometeorologjike

🔹 Kushtet do të jenë të favorshme për zhvillimin e kulturave bujqësore.
🔹 Për shkak të temperaturave të larta dhe avullimit të shtuar, rekomandohet ujitja e rregullt e kulturave.
🔹 Punimet në ara dhe pemishte preferohet të kryhen gjatë orëve më të freskëta të ditës, kryesisht herët në mëngjes.
🔹 Rekomandohet monitorimi i lagështisë së tokës, veçanërisht te kulturat e ndjeshme ndaj thatësirës.

☀️ Indeksi UV

🔸 Indeksi UV do të jetë i lartë deri shumë i lartë (8–10).
🔸 Rekomandohet përdorimi i kremrave mbrojtës, syzeve të diellit dhe kapelës.
🔸 Të shmanget ekspozimi i panevojshëm në diell nga ora 10:00 deri në 17:00.

31/07/2026

INSTITUTI HIDROMETEOROLOGJIK I KOSOVËS
Parashikimi i motit për fundjavën (01–02 gusht 2026)

☀️ E shtunë (01.08.2026)
Mbi vendin tonë do të mbajë mot kryesisht me diell dhe i nxehtë. Temperaturat minimale do të lëvizin ndërmjet 11°C dhe 16°C, ndërsa maksimalet do të arrijnë 31°C deri në 36°C. Do të fryjë erë e lehtë deri mesatare nga verilindja dhe veriperëndimi.

🔆 Indeksi UV do të jetë i lartë, prandaj rekomandohet:

* 🕙 Shmangia e ekspozimit të drejtpërdrejtë në rrezet e diellit nga ora 10:00 deri në 17:00.
* 🧴 Përdorimi i mjeteve mbrojtëse nga dielli.
* 💧 Konsumimi i sasive të mjaftueshme të ujit.

☀️ E diel (02.08.2026)
Edhe të dielën do të mbajë mot kryesisht me diell dhe shumë i nxehtë. Temperaturat minimale do të lëvizin ndërmjet 11°C dhe 16°C, ndërsa maksimalet ndërmjet 32°C dhe 36°C. Do të fryjë erë e lehtë deri mesatare nga verilindja dhe veriperëndimi.

🔆 Indeksi UV do të mbetet i lartë, ndaj rekomandohet shmangia e qëndrimit të zgjatur në diell gjatë orëve të mesditës dhe pasdites së hershme.

🌡️ Kushtet biometeorologjike

Kushtet biometeorologjike do të jenë relativisht të pafavorshme, sidomos gjatë orëve më të nxehta të ditës. Temperaturat e larta dhe rrezatimi i fortë diellor mund të shkaktojnë lodhje, dehidrim dhe shqetësime te personat me sëmundje kronike, fëmijët dhe të moshuarit.

✅ Rekomandohet:

* 💧 Konsumimi i lëngjeve në sasi të mjaftueshme.
* 🚶‍♀️ Shmangia e aktiviteteve të rënda fizike në ambiente të hapura gjatë mesditës.
* 🌳 Qëndrimi në vende të freskëta dhe të ajrosura.

🌾 Kushtet agrometeorologjike

Moti me diell dhe temperaturat e larta do të favorizojnë pjekjen dhe vjeljen e kulturave bujqësore, si dhe zhvillimin e proceseve fenologjike.

Megjithatë, temperaturat e larta do të rrisin avullimin dhe humbjen e lagështisë nga toka. Prandaj rekomandohet:

* 💦 Ujitja e rregullt e kulturave që ndodhen në fazat më të ndjeshme të zhvillimit.
* 🌅 Ujitja të kryhet në orët e hershme të mëngjesit ose në mbrëmje, për të shmangur stresin termik dhe humbjet e ujit.

29/07/2026

🔥 Kujdes! Të mbrojmë natyrën e Kosovës nga zjarret 🔥

Vitin e kaluar, Kosova u përball me dhjetëra vatra zjarri që shkatërruan pyje, prona, kullota, toka bujqësore dhe dëmtuan mjedisin. Shumë prej këtyre zjarreve u shkaktuan nga pakujdesia njerëzore dhe u përhapën me shpejtësi për shkak të temperaturave të larta, thatësisë dhe erërave të forta.

Edhe këtë verë po fillon një periudhë me temperatura të larta, secili prej nesh ka përgjegjësi për ta mbrojtur natyrën.

Mbrojtjen e natyrës nuk duhet ta shohim vetëm si detyrim ligjor, por një përgjegjësi morale dhe qytetare ndaj vendit tonë. Edhe pse shkaktimi i zjarreve dhe djegia e qëllimshme e sipërfaqeve janë veprime të ndaluara dhe të dënueshme me ligj, arsyeja jonë për t'i parandaluar ato duhet të jetë më shumë dashuria për natyrën e Kosovës.

Çdo pyll i djegur, çdo hektar i shkatërruar dhe çdo habitat i humbur është një humbje për të gjithë ne dhe për brezat që do të vijnë. Natyra nuk mund të zëvendësohet brenda një dite, ajo ndërtohet me dekada, ndërsa mund të shkatërrohet brenda pak minutash.

Mos ndizni zjarre në pyje, fusha apo hapësira të hapura. Mos digjni mbetje bujqësore dhe mos hidhni cigare të ndezura në natyrë. Një shkëndijë e vetme mund të shkaktojë dëme të mëdha për mjedisin, pronën dhe jetën e njerëzve.

🌿 Një moment pakujdesie mund të shkatërrojë natyrën e krijuar për mijëra vite, dhe duhen vite të tëra me radhë për të rigjenuar dëmin e shkaktuar. Andaj, kujdesi juaj sot mbron natyrën dhe të ardhmen tonë.

27/07/2026

📢 Njoftim mbi situatën hidrometeorologjike – 27 korrik 2026
🌊 Situata Hidrologjike në Kosovë – 27 Korrik 2026
Instituti Hidrometeorologjik i Kosovës (IHMK) njofton se, bazuar në monitorimin e vazhdueshëm të Rrjetit Shtetëror të Stacioneve Hidrometrike, gjendja hidrologjike në lumenjtë kryesorë të vendit mbetet e qëndrueshme. Nivelet dhe prurjet e ujit lëvizin brenda normave sezonale dhe nuk janë evidentuar tejkalime të pragjeve të alarmimit për përmbytje. Monitorimi në kohë reale vazhdon në të gjitha stacionet hidrometrike për të garantuar informim të saktë dhe në kohë për publikun.

📄 Raporti i plotë: Situata Hidrologjike ne linkun ne vijim:

26/07/2026

🌦️ INSTITUTI HIDROMETEOROLOGJIK I KOSOVËS
(Agjencia për Mbrojtjen e Mjedisit të Kosovës)

🌤️ Parashikimi i motit për periudhën 27–31 korrik 2026

🌦️ E hënë, 27 korrik 2026

Moti do të jetë me diell dhe vranësira, të cilat gjatë ditës do të zhvillohen lokalisht, duke sjellë mundësi për reshje shiu, shkarkime rrufesh, si dhe breshër në zona të izoluara.

🌡️ Temperaturat minimale: 13–15°C
☀️ Temperaturat maksimale: 26–30°C
🌬️ Era: Do të fryjë nga drejtimet veriperëndimore dhe veriore, me shpejtësi 1–8 m/s. Gjatë zhvillimit të vranësirave konvektive mund të ketë fuqizime të përkohshme të erës.

⸻

🌤️ E martë, 28 korrik 2026

Moti do të jetë me diell dhe vranësira të shpërndara, me intervale të gjata me diell. Reshje të izoluara mund të paraqiten kryesisht në zonat malore.

🌡️ Temperaturat minimale: 13–16°C
☀️ Temperaturat maksimale: 27–32°C
🌬️ Era: Kryesisht e lehtë deri mesatare nga drejtimi veriperëndimor, me shpejtësi 1–7 m/s.

⸻

☀️ E mërkurë, 29 korrik 2026

Moti do të jetë kryesisht me diell dhe stabil. Temperaturat do të shënojnë rritje graduale.

🌡️ Temperaturat minimale: 12–15°C
☀️ Temperaturat maksimale: 27–33°C
🌬️ Era: E lehtë deri mesatare nga drejtimet veriperëndimore dhe perëndimore, me shpejtësi 1–6 m/s.

⸻

🌞 E enjte, 30 korrik 2026

Moti do të jetë kryesisht me diell dhe i nxehtë. Temperaturat do të vazhdojnë të rriten.

🌡️ Temperaturat minimale: 12–15°C
☀️ Temperaturat maksimale: 29–36°C
🌬️ Era: Kryesisht e dobët, me shpejtësi 1–5 m/s. Në disa zona, gjatë orëve të pasdites, mund të ketë erëra lokale.

⸻

🔥 E premte, 31 korrik 2026

Moti do të jetë me diell dhe i nxehtë, me temperatura të larta në pjesën më të madhe të territorit.

🌡️ Temperaturat minimale: 13–16°C
☀️ Temperaturat maksimale: 30–38°C
🌬️ Era: E dobët deri mesatare nga drejtimet perëndimore dhe veriperëndimore, me shpejtësi 1–6 m/s.

━━━━━━━━━━━━━━━━━━━━━━

🩺 Kushtet biometeorologjike

Gjatë ditëve të para të periudhës, kushtet biometeorologjike do të jenë kryesisht të favorshme, me shqetësime të përkohshme gjatë reshjeve dhe ndryshimeve të shpejta atmosferike. Nga dita e enjte dhe e premte, për shkak të temperaturave të larta, pritet rritje e ngarkesës termike, veçanërisht gjatë orëve të mesditës dhe pasdites. Rekomandohet shmangia e ekspozimit të zgjatur në diell dhe konsumimi i mjaftueshëm i lëngjeve.

☀️ Indeksi UV

Indeksi UV pritet të jetë i lartë deri shumë i lartë gjatë ditëve me kthjellime. Rekomandohet përdorimi i kremrave me faktor mbrojtës, mbajtja e kapelës dhe syzeve të diellit, si dhe shmangia e ekspozimit të drejtpërdrejtë në diell nga ora 11:00 deri në 16:00.

🌱 Kushtet agrometeorologjike

Reshjet e mundshme në fillim të periudhës do të jenë të dobishme për kulturat bujqësore, por lokalisht mund të shoqërohen me rrezik nga breshëri dhe erërat e forta. Rritja e temperaturave nga mesi i javës do të rrisë nevojën për ujitje, veçanërisht te misri, perimet dhe pemishtet. Rekomandohet që ujitja të kryhet gjatë orëve më të freskëta të ditës, kryesisht herët në mëngjes.

24/07/2026

Prishtinë: 24/07/2036
Instituti Hidrometeorologjik i Kosovës
– 24 Korrik 2026

Sipas të dhënave të Rrjetit Shtetëror Meteorologjik, gjatë orëve të para të ditës janë regjistruar reshje shiu në shumicën e stacioneve meteorologjike të vendit.

Sasia më e madhe e reshjeve është matur në Komoran (15.0 mm), ndërsa temperatura e ajrit në orën 14:00 ka qenë mesatarisht 14.9°C, me vlera që variojnë sipas rajoneve dhe lartësisë mbidetare.

Theksojmë që mesatarja mujore e temperaturave gjatë korrikut në Kosovë është 21.4°C e që sot ishte 7.4°C nënë mesatare.
Ndërsa vitin e kaluar me datë 25/07/2025, në Kosovë ishin regjistruar temperaturat rekorde historike (42.5 në Klinë).

24/07/2026

🌤️ INSTITUTI HIDROMETEOROLOGJIK I KOSOVËS

📅 Parashikimi i motit për fundjavën (25–26 korrik 2026)

☀️ E shtunë (25.07.2026)

Mbi vendin tonë do të mbajë mot me diell dhe vranësira të shpërndara.

🌡️ Temperaturat minimale do të lëvizin ndërmjet 8°C dhe 11°C, ndërsa maksimalet e ditës do të arrijnë 23°C deri në 26°C.

🌬️ Do të fryjë erë e lehtë deri mesatare nga drejtimet veriore dhe veriperëndimore.

🌤️ E diel (26.07.2026)

Parashihet mot me diell dhe vranësira të pakta, kryesisht rreth relievit malor.

🌡️ Temperaturat minimale do të lëvizin ndërmjet 9°C dhe 12°C, ndërsa maksimalet ndërmjet 25°C dhe 31°C.

🌬️ Era do të fryjë nga veriperëndimi me shpejtësi 1–5 m/s.

⸻

🩺 Kushtet biometeorologjike

Gjatë fundjavës, kushtet biometeorologjike pritet të jenë përgjithësisht të favorshme për shumicën e popullsisë.

🌡️ Temperaturat e mëngjesit, me vlera minimale nga 8°C deri në 12°C, do të krijojnë ndjesi të freskët termike, ndërsa gjatë ditës temperaturat maksimale nga 23°C deri në 31°C do të ofrojnë kushte komode deri mesatarisht të ngrohta.

☀️ Në zonat më të ulëta, veçanërisht të dielën, rritja e temperaturave deri në 30–31°C mund të shkaktojë ngarkesë të lehtë termike gjatë orëve të mesditës, sidomos te personat e ndjeshëm, të moshuarit dhe ata me probleme kardiovaskulare.

🌬️ Era e lehtë deri mesatare nga drejtimet veriore dhe veriperëndimore do të ndikojë pozitivisht në freskimin e ajrit dhe përmirësimin e ndjesisë termike.

💧 Rekomandohet hidratim i mjaftueshëm dhe shmangia e ekspozimit të zgjatur në diell gjatë orëve më të nxehta të ditës.

⸻

🌾 Kushtet agrometeorologjike

Kushtet agrometeorologjike gjatë fundjavës do të jenë përgjithësisht të favorshme për zhvillimin e kulturave bujqësore.

🌱 Temperaturat në intervalin 23–31°C gjatë ditës dhe netët relativisht të freskëta do të krijojnë kushte të përshtatshme për proceset fiziologjike të bimëve, veçanërisht për kulturat e arave, perimet dhe pemët.

💦 Megjithatë, në zonat e ulëta, ku temperaturat do t’i afrohen 30–31°C, mund të paraqitet rritje e kërkesës së bimëve për ujë, veçanërisht te kulturat pranverore si misri, speci, domatja dhe kulturat e ujitura.

🚜 Rekomandohet monitorimi i lagështisë së tokës dhe ujitja sipas nevojave të bimëve, mundësisht në orët e mëngjesit ose të mbrëmjes.

Instituti Hidrometeorologjik i Kosovës

09/08/2026

07/08/2026

07/08/2026

02/08/2026

31/07/2026

29/07/2026

27/07/2026

26/07/2026

24/07/2026

24/07/2026

Address

Opening Hours

Website

Alerts

Shortcuts

Share

Category

Monday	08:00 - 16:00
Tuesday	08:00 - 16:00
Wednesday	08:00 - 16:00
Thursday	08:00 - 16:00
Friday	08:00 - 16:00