Agjencioni per Mbrojtjen e Mjedisit te Kosoves

22/09/2026

🌍 Nis trajnimi institucional për sistemin MRVA në Kosovë

Në kuadër të projektit të UNDP-së “Krijimi i sistemit MRVA në Kosovë: Mbështetje ligjore, teknike dhe institucionale”, po zhvillohet trajnimi institucional për Monitorimin, Raportimin, Verifikimin dhe Akreditimin (MRVA), me qëllim mbështetjen e krijimit dhe zbatimit të ardhshëm të këtij sistemi në Kosovë.

Trajnimi, bashkon përfaqësues të institucioneve kryesore përgjegjëse për politikat klimatike dhe mbrojtjen e mjedisit, përfshirë Ministrinë e Mjedisit dhe Planifikimit Hapësinor (MMPH), Agjencinë për Mbrojtjen e Mjedisit të Kosovës (AMMK), Ministrin e Ekonomisë dhe Drejtorinë e Akreditimit të Kosovës (DAK), si dhe operatorë dhe instalime që mund t’u nënshtrohen kërkesave të ardhshme të sistemit MRVA.

📌 Gjatë trajnimit po trajtohen:

📍korniza ligjore dhe institucionale e propozuar për MRVA në Kosovë;
📍draft-ndryshimet e Ligjit për Ndryshimet Klimatike dhe Udhëzimet Administrative;
📍rolet dhe përgjegjësitë e institucioneve dhe operatorëve;
📍 kërkesat për monitorimin dhe raportimin e emetimeve të gazeve serrë;
📍Planet e Monitorimit dhe Raportet Vjetore të Emetimeve;
📍proceset e verifikimit dhe akreditimit;
📍 inspektimet, kontrollet e brendshme dhe adresimi i mangësive të identifikuara.

Trajnimi përfshin gjithashtu shembuj praktikë, ushtrime të udhëzuara, modele dhe lista kontrolluese, të përshtatura me kontekstin e Kosovës, duke u mundësuar pjesëmarrësve të zhvillojnë njohuritë dhe kapacitetet e nevojshme për zbatimin e ardhshëm të sistemit MRVA.

Trajnimi po realizohet me mbështetjen e ekspertëve ligjorë, institucionalë dhe teknikë të EKONERG, në bashkëpunim me UNDP-në.

Ky aktivitet përbën një hap të rëndësishëm në forcimin e kapaciteteve institucionale dhe teknike të Kosovës për monitorimin, raportimin dhe verifikimin e emetimeve të gazeve serrë, si dhe në përgatitjen e kuadrit të nevojshëm për funksionalizimin e sistemit MRVA.

Agjencia për Mbrojtjen e Mjedisit të Kosovës, do ketë rol të rëndësishëm në zbatimin e kërkesave të këtij sistemi.

22/09/2026

💧 18 Shtatori – Dita Botërore e Monitorimit të Ujit | Nga Monitorimi te Veprimi!

19/09/2026

Eksplorohet shpella më e thellë në Kosovë!

Instituti i Kosovës për Mbrojtjen e Natyrës, në bashkëpunim me Shoqatën Bullgare të Shpellave (Bulgarian Caving Society), Drejtorinë e Parkut Kombëtar “Bjeshkët e Nemuna”, kanë organizuar një ekspeditë hulumtuese speleologjike në Parkun Kombëtar “Bjeshkët e Nemuna”.

Gjatë kësaj ekspedite janë eksploruar dhe hartografuar: Shpella e Drelajve, Shpella e Flamurit (ose Shpella e Stërqokës), në Hajlë, me thellësi 45 m, Shpellat Binjake (Bajshë), me thellësi 35 m, dhe Shpella në Rrasen e Zogut, me thellësi 200 m.

Shpella në Rrasen e Zogut, që ndodhet në lartësi mbidetare 1900 m, është shpella më e thellë e eksploruar deri me tash në Kosovë. Deri me tani janë eksploruar dhe hartografuar 200 m të shpellës por supozohet se shpella arrin thellësinë deri në 500 m.

Hulumtimet speleologjike në këtë shpellë do të vazhdojnë edhe në vitin e ardhshëm me synim dokumentimin e mëtejshëm të strukturës dhe shtrirjes së saj..

07/09/2026

Parkut Kombëtar “Bjeshkët e Nemuna”, bashkon komunitetin e ngjitjes!

Po zhvillohet edicioni i katërt i “Peja Rock Climbing Festival”, një ngjarje e rëndësishme sportive dhe turistike që bashkon komunitetin e ngjitjes nga vende të ndryshme të Evropës.
Në këtë festival po marrin pjesë ngjitës dhe dashamirës të sportit nga Gjermania, Zvicra, Sllovenia, Italia, Shqipëria dhe vende të tjera evropiane, duke e shndërruar Parkun Kombëtar “Bjeshkët e Nemuna” në një pikëtakim të rëndësishëm për sportin, natyrën dhe turizmin e qëndrueshëm.

07/09/2026

Ajri i pastër – një sfidë që kërkon veprim të vazhdueshëm

Ajri më i pastër është një nga përparimet e rëndësishme mjedisore të Evropës. Falë masave të ndërmarra në nivel evropian, kombëtar dhe lokal, ndotja e ajrit është ulur ndjeshëm gjatë dy dekadave të fundit, veçanërisht për ndotës si dioksidi i squfurit, monoksidi i karbonit dhe plumbi.

Megjithatë, ajri i pastër mbetet ende një sfidë, edhe për Kosovën. Ndotja e ajrit vazhdon të përbëjë një nga rreziqet më të mëdha mjedisore për shëndetin, veçanërisht në zonat urbane dhe gjatë muajve të dimrit.

Për Kosovën, përmirësimi i cilësisë së ajrit kërkon veprime të qëndrueshme dhe të koordinuara nga institucionet qendrore dhe komunat, deri te industria, transporti dhe secili prej nesh. Investimi në energji më të pastër, transporti i qëndrueshëm, ngrohje më efikase dhe monitorimi më i mirë të cilësisë së ajrit është thelbësor për shëndetin dhe mirëqenien e qytetarëve.

Në Ditën Ndërkombëtare të Ajrit të Pastër për Qiellin Blu, le të vlerësojmë përparimin e arritur, por edhe të kujtojmë se ka ende shumë për të bërë.

Cleaner air is one of Europe's environmental success stories 🌬️

Thanks to EU, national and local action, air pollution levels have fallen significantly over the past two decades, with major improvements for pollutants such as sulphur dioxide, carbon monoxide and lead.

Yet clean air remains a challenge. Air pollution is still Europe's biggest environmental health risk, and more than 90% of people living in urban areas across the EU are exposed to air pollutant concentrations above World Health Organization (WHO) guideline levels.

Reducing pollution further is essential to protect our health, improve quality of life and support a more sustainable future. On this International Day of Clean Air for Blue Skies, we celebrate progress while recognising that continued action is needed to ensure clean air for everyone.


UN Environment Programme Europe

03/09/2026

🔥 Zjarret pyjore në Evropë dhe Afrikën e Veriut sipas të dhënave nga EFFIS!

🔥 Zjarret pyjore kanë djegur më shumë se 1.2 milion hektarë në Evropë dhe Afrikën e Veriut gjatë periudhës 1 korrik – 31 gusht 2026, sipas të dhënave të Sistemit Evropian të Informacionit për Zjarret në Pyje (EFFIS), pjesë e Shërbimit të Menaxhimit të Emergjencave të Copernicus EU.

Sipërfaqe të mëdha të djegura janë regjistruar në Gadishullin Iberik, Francën jugore, Itali, Greqi, Ballkan, Ukrainë dhe Algjeri. Nëntëmbëdhjetë zjarre individuale ku secila ka përfshirë më shumë se 10,000 hektarë, ndërsa gjatë kësaj periudhe janë regjistruar edhe shumë zjarre më të vogla në të gjithë rajonin.

EFFIS kombinon monitorimin satelitor me raportimet nga terreni për të mbështetur vlerësimin e dëmeve, monitorimin e rrezikut dhe koordinimin ndërmjet autoriteteve kombëtare të mbrojtjes civile dhe menaxhimit të pyjeve.

🌍 Zjarret pyjore janë një fenomen natyror në shumë ekosisteme evropiane, por ndryshimet klimatike kanë rritur rrezikun nga zjarret në të gjithë kontinentin, duke zgjatur sezonet e zjarreve dhe duke zgjeruar sipërfaqet e prekura, përfshirë edhe rajone që tradicionalisht nuk kanë qenë të prirura ndaj zjarreve pyjore.

Kuptimi i këtyre ndryshimeve afatgjata është thelbësor për përgatitjen e pyjeve dhe komuniteteve të Evropës për sezonet e ardhshme të zjarreve.

📊 Eksploroni të dhënat e EFFIS për zjarret pyjore dhe analizat e EEA-së mbi zjarret në pyje dhe ndryshimet klimatike.

https://forest-fire.emergency.copernicus.eu/

Lexo më shumë rreth ndikimeve të zjarreve pyjore në Evropë:

https://discomap.eea.europa.eu/ClimatePreparedness2026/...

Wildfires burnt more than 1.2 million hectares across Europe and North Africa between 1 July and 31 August 2026, according to data from the European Forest Fire Information System (EFFIS), part of the Copernicus EU Emergency Management Service.

Large burnt areas were recorded across the Iberian Peninsula, southern France, Italy, Greece, the Balkans, Ukraine and Algeria. Nineteen individual fires exceeded 10,000 hectares each, with numerous smaller fires recorded throughout the region.

EFFIS combines satellite monitoring with ground reporting to support damage assessment, risk monitoring, and coordination among national civil protection and forest management authorities.

Forest fires are a natural feature of many European ecosystems, but climate change has increased fire risk across the continent, lengthening fire seasons and expanding the areas affected, including regions not traditionally prone to wildfires. Understanding these longer-term shifts is central to preparing Europe's forests and communities for future fire seasons.

Explore the EFFIS wildfire data and the EEA's analysis on forest fires and climate change: https://forest-fire.emergency.copernicus.eu/
Read more about the impacts of wildfires in Europe: https://discomap.eea.europa.eu/ClimatePreparedness2026/?page=Wildfires-and-their-impacts

25/08/2026

Hulumtim preliminar i përhapjes së llojit invaziv Procambarus clarkii në ujërat nëntokësore në Kosovë

Ky hulumtim është realizuar në kuadër të projektit të koordinuar nga organizata italiane Tetide APS dhe të mbështetur nga Unioni Ndërkombëtar i Speleologjisë.

Qëllimi kryesor i projektit ishte hulumtimi dhe vlerësimin e përhapjes së llojit invaziv Procambarus clarkii (Gaforrës së kuqe të Luizianës) në sistemet karstike dhe nëntokësore, me qëllim mbrojtjen e biodiversitetit vendor dhe hartimin e masave për menaxhimin dhe mbrojtjen e habitateve të ndjeshme.

Po ashtu promovimi i shkëmbimit të përvojave dhe praktikave të mira, me synimin e përmirësimit të vazhdueshëm të strategjive të monitorimit dhe kontrollit. Projekti ka ndikuar në promovimin e eksplorimit, studimit dhe mbrojtjes së shpellave dhe sistemeve karstike.

Ky projekti jo vetëm që kishte qëllim kontributin në ruajtjen e ekosistemeve nëntokësore, por ka ofruar gjithashtu një mundësi unike për bashkëpunim arsimor, teknik dhe shkencor midis vendeve pjesëmarrëse me ekspertë të biodiversitetit, biologë dhe institucione shkencore.

Procambarus clarkii konsiderohet një nga llojet invazive më problematike në Evropë sepse: konkurron me llojet vendase të gaforreve të ujërave të ëmbla; dëmton habitatet ujore duke gërmuar në brigje; transmeton sëmundjen crayfish (Aphanomyces astaci), e cila është shumë shkatërruese për gaforret autoktone evropiane; ndikon negativisht në biodiversitet, bujqësi dhe infrastrukturën ujore.

Gjatë periudhës së monitorimit të realizuar në tri lokacione të përfshira në studim si: Shpella e Panorcit, Shpella e Radacit dhe zona mbi Liqenin e Perlepnicës nuk u evidentua prania e Gaforres së kuqe të Luizianës.

Në Shpellën e Panorcit, monitorimi u zhvillua gjatë muajit shtator 2025 në një zonë me qasje mesatarisht të lehtë, me rrugë komunale dhe me habitat të vlerësuar si të pastër.

Në Shpellën e Radacit, aktivitetet u zhvilluan gjatë muajit tetor 2025 në kushte më të vështira aksesi, në një zonë burimore të karakterizuar si e pastër. Ndërsa në zonën mbi Liqenin e Perlepnicës, monitorimi është realizuar në pranverë konkretisht gjatë muajit maj 2026 e cila evidentoi praninë e ndotjes së dukshme në terren, por pa regjistruar praninë e llojit invaziv.

Në bazë të të dhënave të hulumtuara ne terren, rezulton se deri në këtë fazë të hulumtimit nuk është konfirmuar prania e këtij lloji invaziv në lokacionet e monitoruara në Kosovë. Megjithatë, duke qenë se hulumtimi është i kufizuar vetëm në disa pika mostrimi, nevojitet vijimi i monitorimit për një vlerësim më të plotë të shpërndarjes së mundshme të llojit dhe të kushteve habitatore në ujërat nëntokësore dhe sipërfaqësore.

Për më shumë detaje Hulumtim preliminar i përhapjes së llojit invaziv Procambarus clarkii në ujërat nëntokësore në Kosovë https://ammk-rks.net/al/lajmi-single/946

25/08/2026

Analizë Klimatike Krahasuese Korrik–Gusht 2025- Korrik–Gusht 2026

Kjo analizë përfshin të dhënat të temperaturës dhe reshjeve për periudhat Korrik–Gusht 2025 dhe Korrik–Gusht 2026.

Për këtë periudhë janë llogaritur: Temperatura Mesatare, Mesatarja e Tmax dhe Tmin Ditore, Ekstremet (maksimumi/minimumi absolut me datë e orë), numri i ditëve me vapë ekstreme (Tmax ≥ 35°C dhe ≥ 38°C), numri i "netëve tropikale" (temperatura minimale gjatë orëve 00:00–05:00 ≥ 20°C), dhe totalet e reshjeve mujore.

Ekstremet e regjistruara në stacionet që janë përfshinë në këtë analizë nuk janë domosdoshmërisht më të lartat në nivel vendi.

Gjatë korrikut 2025, në stacionin meteorologjik të Klinës u regjistrua një temperaturë rekord prej 42.4°C, ndërsa në Hani të Elezit u arrit një maksimum prej 42.2°C — vlera që e tejkalojnë ekstremin absolut (40.17°C) të kapur në serinë orare të analizuar këtu, duke konfirmuar shtrirjen e gjerë të valës së vapës në të gjithë vendin gjatë atij muaji.

Në korrikun e 2026-s, në pjesën më të madhe të territorit të Kosovës u regjistruan reshje rekord, mbi 100 mm gjatë muajit, me përjashtim të pjesës qendrore dhe verilindore, ku sasitë e reshjeve ishin ndjeshëm më të ulëta. Këto të dhëna plotësuese ndihmojnë në kontekstualizimin e gjetjeve të mëposhtme brenda kuadrit më të gjerë kombëtar.

Krahasimi midis dy viteve tregon një model interesant e jo-linear: Korriku 2026 ishte më i freskët dhe me shumë më tepër reshje se Korriku 2025, ndërsa Gushti 2026 është më i nxehtë se Gushti 2025.

Kjo larmi thekson rëndësinë e monitorimit muaj pas muaji në vend të konkluzioneve të përgjithshme sezonale, si dhe nevojën për strategji bujqësore fleksibile që përshtaten me kushtet aktuale në vend të supozimeve bazuar në vitet e kaluara.

Për më shumë detaje shihni Analizë Klimatike Krahasuese Korrik–Gusht 2025- Korrik–Gusht 2026 https://ammk-rks.net/al/lajmi-single/945

25/08/2026

Rregulla të reja të BE për paketimin!

Bashkimi Europian 🇪🇺 po zbaton rregulla të reja për reduktimin e mbetjeve nga ambalazhet, me synimin për të ulur përdorimin e plastikës njëpërdorimëshe, për të nxitur ripërdorimin dhe për ta bërë riciklimin më efikas ♻.

Në BE gjenerohen rreth 190 kg mbetje ambalazhesh për person në vit, ndërsa ambalazhet përbëjnë rreth 40% të konsumit të plastikës.

Rregullat e reja europiane parashikojnë, ndër të tjera:

📌kufizime për përdorimin e PFAS në në ambalazhet ushqimore;
📌etiketa më të qarta për riciklimin dhe informacion digjiital mbi përbërjen e ambalazheve;
📌mundësinë për përdorimin e enëve personale të ripërdorshme për ushqime dhe pije "merre me vete";
📌objektiva për reduktimin e mbetjeve të ambalazheve me 5% deri në 2030 dhe 15% deri në 2040;
📌rritjen e përdorimit të ambalazheve të ripërdorshme;
📌ndalimin, nga viti 2030, të disa llojeve të ambalazheve plastike njëpërdorimëshe.

📍Ndryshimet prekin produkte të përdorimit të përditshëm, nga ambalazhet e frutave dhe perimeve, te paketimet e vogla individuale në restorante dhe shishet e vogla të produkteve kozmetike në hotele.

📍Kalimi drejt një ekonomie më qarkulluese nuk është vetëm një çështje mjedisore. Ai krijon gjithashtu nevojë për kërkim shkencor , materiale të reja, teknologji më efikase riciklimi dhe zgjidhje inovative që mund të zëvendësojnë modelet tradicionale të prodhimit dhe konsumit.

https://www.consilium.europa.eu/en/policies/packaging/

25/08/2026

PASOJAT NË NATYRË DHE BIODIVERSITET NGA ZJARRET

🌳 Humbja e habitateve natyrore
Djegia e pyjeve, shkurreve dhe vegjetacionit shkatërron vendet ku jetojnë dhe ushqehen shumë lloje.

🐦 Ulja e biodiversitetit
Humbja e bimëve, insekteve, shpendëve, gjitarëve dhe organizmave të tjerë mund të shkaktojë ndryshime afatgjata në ekosistem.

🦌 Zhvendosja dhe fragmentimi i faunës
Kafshët detyrohen të largohen nga habitatet e tyre, ndërsa habitatet e mbetura mund të bëhen të izoluara.

🌱 Zhdukja e specieve të ndjeshme
Speciet që kanë aftësi të kufizuara për t'u rikuperuar pas zjarrit mund të humbin përgjithmonë nga një zonë.

🪨 Erozioni dhe degradimi i tokës
Humbja e mbulesës bimore e ekspozon tokën ndaj erozionit nga shiu dhe era.

💧 Përkeqësimi i cilësisë së ujërave
Hiri dhe sedimentet mund të transportohen në lumenjë, liqene dhe burime, duke ndikuar në ekosistemet ujore.

🌡️ Ndikimi në klimën dhe mikroklimën lokale
Humbja e pyjeve redukton hijëzimin, ruajtjen e lagështisë dhe kapacitetin e ekosistemit për absorbimin e karbonit.

🐝 Dëmtimi i pjalmuesve
Humbja e bimëve dhe habitatit të insekteve mund të ndikojë në pjalmimin dhe riprodhimin e shumë specieve bimore.

🌲 Rikuperimi shumëvjeçar i pyjeve
Edhe kur bimësia fillon të rigjenerohet, një pyll i pjekur mund të kërkojë dekada për t'u rikthyer.

🔥 Rritja e rrezikut për zjarre të përsëritura
Degradimi i ekosistemit mund ta bëjë zonën më të prekshme ndaj zjarreve të ardhshme.

🧬 Humbja e diversitetit gjenetik
Kur popullata të vogla të një specieje zhduken nga një zonë, zvogëlohet edhe diversiteti gjenetik dhe aftësia e saj për t'u përshtatur.